Қурбанов Шерзод Бахтиёровичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Фронтал плуг бурчаккескичи параметрларини асослаш”, 05.07.01 – Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: B2020.3.PhD/T215.
Илмий  раҳбар: Маматов Фармон Муртозевич, техника фанлари доктори, профессор.
Диссертация бажарилган муассаса номи: Қарши муҳандислик-иқтисодиёт институти.
ИК фаолият кўрсатаётган муассаса номи, ИК рақами: Қарши муҳандислик-иқтисодиёт институти, PhD.03/30.06.2020.T.111.02. 
Расмий оппонентлар: Мусурмонов Аззам Турдиевич, техника фанлари доктори, доцент; Эргашев Маъруфжон Мухаммаджонович, техника фанлари бўйича фалсафа доктори (PhD).
Етакчи ташкилот: “BMKB-Agromash” АЖ.
Диссертация йўналиши: назарий ва амалий аҳамиятга молик.
II. Тадқиқотнинг мақсади эгатсиз текис шудгорлашда агротехника талаблари даражасидаги технологик жараённи кам энергия сарфлаган ҳолда юқори иш сифатини таъминлайдиган фронтал плугнинг бурчаккескичи параметрларини асослашдан иборат.
III. Тадқиқотнинг илмий янгилиги:
кўпбурчакли шаклдаги палахсани ишончли ағдарилишини таъминлайдиган эгатсиз текис шудгорлаш технологияси ва уни амалга оширадиган бурчаккескичли фронтал плугнинг конструкцияси ишлаб чиқилган;
ўз эгати чегарасида айланадиган палахсанинг рационал шакли ва палахсани сифатли ағдарилишини ҳисобга олиб бурчаккескични фронтал плугда жойлашиш ўрни асосланган;
бурчаккескич ва корпус орасидаги бўйлама масофа палахсанинг деформацияланиш зонаси бурчаккескичга етиб бормаслик шартидан, бурчаккескичнинг баландлиги эса унинг ишлов бериш чуқурлиги ва қамраш кенглигини ҳисобга олган ҳолда аниқланган;
даладан бир ўтишда очиқ эгат ва марзалар ҳосил қилмасдан тупроқни экишга тайёрлайдиган бурчаккескичли фронтал плугнинг агротехник ва энергетик кўрсаткичларини бурчаккескичнинг параметрлари ва агрегат ҳаракат тезлигига боғлиқ равишда ўзгариш қонуниятлари аниқланган.
IV. Тадқиқот натижаларининг жорий қилиниши.
Фронтал плугнинг бурчаккескичи параметрларини асослаш бўйича ўтказилган тадқиқотларда олинган илмий натижалар асосида:
бурчаккескичли фронтал плугнинг конструкциясини лойиҳалаш ва ишлаб чиқариш учун дастлабки талаблар ва техник топшириқ ишлаб чиқилган (Қишлоқ хўжалиги вазирлигининг 2020 йил 25 июндаги 02/023-1878-сон маълумотномаси). Натижада, эгатсиз текис шудгорлайдиган бурчаккескичли фронтал плуг конструкциясини ишлаб чиқиш имкони яратилган; 
даладан бир ўтишда очиқ эгат ва марзалар ҳосил қилмасдан тупроқни экишга тайёрлайдиган бурчаккескичли фронтал плуг Қашқадарё вилояти Қарши ва Қамаши туманлари фермер хўжаликларида жорий этилган (Қишлоқ хўжалиги вазирлигининг 2020 йил 25 июндаги 02/023-1878-сон маълумотномаси). Натижада, далаларни буғдой ва такрорий экинлар экиш учун шудгорлашда ёнилғи-мойлаш материаллари сарфи 1,18 мартага ва фойдаланишдаги харажатлар 26,8 фоизга камайишига эришилган;
эгатсиз текис шудгорлайдиган бурчаккескичли фронтал плугни ишлаб чиқаришни ўзлаштириш учун лойиҳа-конструкторлик ҳужжатлари ва ҳисоблаш усуллари «BMKB-Agromash» АЖ га жорий этилган (Қишлоқ хўжалиги вазирлигининг 2020 йил 25 июндаги 02/023-1878-сон маълумотномаси). Натижада, асосланган параметрларга эга эгатсиз текис шудгорлайдиган такомиллаштирилган фронтал плугнинг саноат нусхаларини ишлаб чиқариш имкони яратилган.