Таиров Санжар Октамовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Инсон капиталини шакллантириш ва унинг Ўзбекистон меҳнат бозорини такомиллаштиришдаги роли», 08.00.10 – Демография. Меҳнат иқтисодиёти (иқтисодиёт фанлари).
Диссертация мавзуси рўйхатга олинган рақам: B2020.2.PhD/lqt266.
Илмий раҳбар:  Зокирова Нодира Каландаровна,  иқтисодиёт фанлари доктори, профессор. 
Диссертация бажарилган муассаса номи: Г.В.Плеханов номидаги Россия иқтисодиёт университетининг Тошкент шаҳридаги филиали.
ИК фаолият кўрсатаётган муассаса номи, ИК рақами: Г.В.Плеханов номидаги Россия иқтисодиёт университетининг Тошкент шаҳридаги филиали, DSc.22/30.12.2019.I.100.01.
Расмий оппонентлар: Мамадалиева Хафизахон Холдаровна, иқтисодиёт фанлари доктори; Алижонов Ўткиржон Махамадалиевич, иқтисодиёт фанлари бўйича фалсафа доктори (PhD). 
Етакчи ташкилот: Самарқанд давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади рақамли иқтисодиёт ва инсон капиталини ривожлантириш шароитида миллий меҳнат бозорининг тартибга солинишини такомиллаштириш бўйича таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
«инсон капитали» ва «меҳнат бозори» иқтисодий тушунчалари таърифи миллий иқтисодий тараққиёт талаблари ҳамда рақобатбардош технологиялардан минтақавий ва кўп тармоқли жамоавий фойдаланишни эътиборга олган ҳолда такомиллаштирилган; 
инновацион иқтисодиёт ва рақамли технологияларни ривожлантириш шароитида инсон капиталини ҳисобга олган ҳолда тартибга солувчи иқтисодий механизмлар касбга ўқитишнинг ўқув-методик таъминотини янгилаш, олис туманларни мутахассислар билан таъминлаш, таҳсил олувчи ва иш берувчи ҳамкорлигини ривожлантиришни рағбатлантириш асосида такомиллаштирилган;
инсон капиталини ривожлантиришда олий таълим тизимида илм-фанни «олий таълим-минтақа-эҳтиёж» асосида модернизациялаш ва соҳада инновацион фаолиятни мақсадли лойиҳаларни мақсадли икки ёқлама шакллантириш асосида фаоллаштириш лозимлиги асосланган;
миллий иқтисодиётни ривожлантиришнинг муҳим омили сифатида инсон капиталини ривожлантиришнинг 2030 йилгача прогноз кўрсаткичлари ишлаб чиқилган.
IV. Тадқиқот натижаларининг жорий қилиниши: 
инсон капиталини шакллантириш ва унинг Ўзбекистон меҳнат бозорини такомиллаштиришдаги роли бўйича ишлаб чиқилган хулоса, таклиф ва тавсиялар асосида:
миллий иқтисодий тараққиёт талаблари ҳамда рақобатбардош технологиялардан минтақавий ва кўп тармоқли жамоавий фойдаланишни эътиборга олган ҳолда «инсон капитали» ва «меҳнат бозори» иқтисодий тушунчаларини такомиллаштириш бўйича таклифлардан Ўзбекистон Республикаси Бандлик ва меҳнат муносабатлари вазирлиги томонидан истиқболли технологиялардан жамоавий фойдаланишнинг минтақавий, кўп тармоқли ва фанлараро марказларини ташкил этишни асослашда фойдаланилган (Бандлик ва меҳнат муносабатлари вазирлигининг 2020 йил 18 мартдаги 01/00-04/07-2762-сонли маълумотномаси). Ушбу таклифни амалиётга тадбиқ этиш натижасида истиқболли ва рақобатбардош технологиялардан жамоавий фойдаланишнинг минтақавий, кўп тармоқли ва фанлараро марказларни ташкил этишга кўмаклашилган;
инсон капиталини ривожлантиришни тартибга солувчи иқтисодий механизмни такомиллаштириш бўйича ишлаб чиқилган таклифлардан Ўзбекистон Республикаси Олий ва ўрта махсус таълим вазирлиги томонидан инновацион иқтисодиёт ва рақамли технологиялар шароитида таълим сифатини ошириш, иш берувчилар билан муносабатларни такомиллаштириш ҳамда стартап ва малака ошириш марказлари ривожланиши бўйича таҳлилий маълумотномани тайёрлашда фойдаланилган (Олий ва ўрта махсус таълим вазирлигининг 2020 йил 17 февралдаги 89-03-654-сон маълумотномаси). Ушбу таклифларнинг амалиётга жорий этилиши таълим сифатини касбга ўқитишнинг ўқув-методик таъминотини янгилаш, профессор-ўқитувчилар сифат таркибини мустаҳкамлаш, туманларни тегишли мутахассислар билан таъминлаш, малака талабларини такомиллаштириш, технологик йўналишлар бўйича стартаплар ва малака ошириш марказларининг ривожланишига хизмат қилган;
инсон капиталини ривожлантиришда олий таълим тизимида илм-фанни модернизациялаш ва соҳада инновацион фаолиятни мақсадли шакллантириш бўйича таклифлардан Ўзбекистон Республикаси Олий ва ўрта махсус таълим вазирлиги томонидан олий таълим тизимида инновацион шароитда илм-фанни ривожлантириш бўйича таҳлилий маълумотномани тайёрлашда фойдаланилган (Олий ва ўрта махсус таълим вазирлигининг 2020 йил 17 февралдаги 89-03-654-сон маълумотномаси). Ушбу таклифларнинг амалиётда қўлланилиши университет илм-фанини модернизациялаш вазифаларини самарали ҳал қилиши ва олий ўқув юртларининг инновацион фаолиятини фаоллаштириш учун қулай шарт-шароитлар яратишга кўмаклашган;  
инсон капиталини 2030 йилгача ривожлантириш бўйича ишлаб чиқилган прогноз кўрсаткичларидан Ўзбекистон Республикаси Бандлик ва меҳнат муносабатлари вазирлиги томонидан узоқ муддатли даврда меҳнат бозорини таълим тизимидаги сифат ўзгаришларини эътиборга олган ҳолда ривожлантириш бўйича таҳлилий маълумотномани тайёрлашда фойдаланилган (Бандлик ва меҳнат муносабатлари вазирлигининг 2020 йил 18 мартдаги 01/00-04/07-2762-сон маълумотномаси). Ушбу прогноз кўрсаткичлари таълим хизматлари соҳасини ривожлантириш асосида меҳнат бозорини самарали ривожлантириш прогноз параметрларини асослашга хизмат қилган.