Шукурова Ойсара Пўлатовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Идентификацион ёндашув асосида бошқарув объектлари ҳолатини адаптив баҳолаш алгоритмлари», 05.01.08 – Технологик жараёнлар ва ишлаб чиқаришларни автоматлаштириш ва бошқариш (техника фанлари).
Диссертация мавзуси рўйхатга олинган рақам: B2017.3.PhD/T402.
Илмий раҳбар: Зарипов Орипжон Олимович, техника фанлари доктори, профессор.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассасалар номи, ИК рақами: Тошкент давлат техника университети, DSc.03/30.12.2019.T.03.02.
Расмий оппонентлар: Исмаилов Мирхалил Агзамович, техника фанлари доктори, профессор; Ботиров Тўлқин Вафоқулович, техника фанлари номзоди, доцент.
Етакчи ташкилот: Бухоро муҳандислик-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади идентификацион ёндашув асосида бошқарув объектлари ҳолатини адаптив баҳолаш алгоритмлари ва ҳисоблаш схемаларини ишлаб чиқишдан иборат.
III. Тадқиқотнинг илмий янгилиги:
операторли тенгламаларни ечишнинг икки босқичли ҳисоблаш схемаси асосида чизиқли динамик бошқариш объектларини мунтазам идентификациялаш алгоритми ишлаб чиқилган;
псевдомурожаат ва сингуляр ёйиш концепцияларидан фойдаланиб бошқариш объектларини идентификациялашнинг турғун алгоритмлари ишлаб чиқилган;
ночизиқли функционал тенгламаларни ечиш усуллари асосида ковариацион матрицаларни идентификациялашнинг турғун алгоритмлари ишлаб чиқилган;
Калман типидаги динамик фильтр асосида объектдаги шовқин ва ўлчаш ҳалақитлари ковариацион матрицаларини созлаш билан адаптив баҳолашнинг турғун алгоритмлари ишлаб чиқилган.
IV. Тадқиқот натижаларининг жорий қилиниши.
Идентификацион ёндашув асосида бошқарув объектлари ҳолатини адаптив баҳолаш бўйича олинган натижалар асосида:
операторли тенгламаларни ечишнинг икки босқичли ҳисоблаш схемаси асосида чизиқли динамик бошқариш объектларини идентификациялашнинг турғун алгоритмлари «Муборак ГҚИЗ» да жорий қилинган («O‘zbekneftgaz» АЖнинг 2020 йил 2 мартдаги 08-34-2-52-сон маълумотномаси). Натижада, ростлагичлар параметрларини ҳисоблаш аниқлиги ошишига имкон берган;
псевдомурожаат ва сингуляр ёйиш концепцияларидан фойдаланиб бошқариш объектларини идентификациялашнинг ишлаб чиқилган турғун алгоритмлари «Муборак ГҚИЗ» да жорий этилган («O‘zbekneftgaz» АЖнинг 2020 йил 2 мартдаги 08-34-2-52-сон маълумотномаси). Натижада, табиий газни абсорбция усули билан тозалаш жараёнининг технологик режимлари ўтишини барқарорлаштириш имконини берган.