Юлдашев Ғафурнинг
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): «Нефть ва газ конларининг геоэлектрик самараси ва нефтгазлиликни геофизик усулларда прогнозлаш», 04.00.07 – Нефть ва газ конлари геологияси, уларни қидириш ва разведка қилиш (геология-минералогия фанлари).
Диссертация мавзуси рўйхатга олинган рақам: В2019.2.DSc/GM42.
Илмий маслаҳатчи: Бабаджанов Тошпулат Лепесович, геология-минералогия фанлари доктори, профессор.
Диссертация бажарилган муассаса номи: Нефть ва газ конлари геологияси ҳамда қидируви институти.
ИК фаолият кўрсатаётган муассаса номи, ИК рақами: Нефть ва газ конлари геологияси ҳамда қидируви институти, DSc.24/30.12.2019.GM.41.01. 
Расмий оппонентлар: Шоймуратов Тўйчи Халиқулович, геология-минералогия фанлари доктори; Раджабов Шуҳрат Сайфуллаевич, геология-минералогия фанлари доктори; Исмаилов Вахитхан Алиханович, геология-минералогия фанлари доктори. 
Етакчи ташкилот: Тошкент давлат техника университети. 
Диссертация йўналиши: назарий ва амалий аҳамиятга молик.
II. Тадқиқотнинг мақсади: углеводород конларининг геоэлектрик таъсирини аниқлаш бўйича турли хил эталон конларнинг физик-геологик xусусиятларини, тузилмаларнинг ва электрқидирув усулларда аниқланган янги объектларнинг нефтгазлилигини прогнозлаш учун бу хусусиятларнинг кузатиладиган электр майдонда намоён бўлишини аниқлашдан иборат.
III. Тадқиқотнинг илмий янгилиги:
нефть ва газ конларига боғлиқ бўлган геоэлектрик самараларни аниқлаш асосида электрқидирувнинг магнитотеллурик зондлаш усули билан нефтгазлиликни прогнозлаш мезонлари ишлаб чиқилган;
магнитотеллурик майдонни трансформация қилишга асосланган янги кесимнинг оралиқ ўтказувчанлигини аниқлаш усули ишлаб чиқилган ва нефть ва газ уюмларининг геоэлектрик самарасини аниқлашда унинг юқори аниқлиги исботланган;
ГИС, вертикал сейсмик профиллаш (ВСП) ва сейсмик вақт кесимлари маълумотларидан фойдаланган ҳолда магнитотеллурик майдоннинг оралиқ ўтказувчанлик кесимларини стратификация ва чуқурликка боғлаш усули ишлаб чиқилган;
«Phoenix Geophysics Ltd» компаниясининг замонавий аппарат-дастурий комплекси V-5 SYSTEM-2000 қўлланилганда электрқидирув тадқиқотларининг юқори самарадорлиги ва унумдорлиги Бухоро-Хива нефтгазли регионида аниқланган;
Илк бор нефть ва газ конларининг ҳосил бўлиши ва жойлашиши жараёнида муҳим роль ўйнайдиган чуқур иссиқлик ва масса узатиш каналларини аниқлашда электрқидирувнинг термогеокимёвий усул билан мажмуалагандаги истиқболлари исботланган;
юрагача бўлган ҳосилаларнинг геологик тузилишини аниқлашда электр-қидирувнинг имкониятлари исботланган.
IV. Тадқиқот натижаларининг жорий қилиниши. 
Нефть ва газ конларининг геоэлектрик самараси ва уларни геофизик усулларда прогноз қилиш бўйича олинган илмий натижалар асосида:
V-5 SYSTEM-2000 асбоб-ускуналар мажмуаси билан электрқидирувнинг МТЗ усулида олинган дала материалларини қайта ишлаш учун дастурлар мажмуаси «Ўзбекгеофизика» АЖнинг материалларни қайта ишлаш марказида ишлаб чиқаришга жорий қилинган («Ўзбекнефтегаз» АЖнинг 2020 йил 13 январдаги 03-17-5-249-сон маълумотномаси). Натижада, саноат ва табиий шовқинларни бостириш, геологик прогноз сифатини ва ишончлилигини ошириш, иш вақти ва меҳнат ресурсларини тежаш имконини берган;
Т-200 электрқидирув мажмуаси ускуналари ва V-8А ускуналари ёрдамида олинган ЗС-ЗИ ва ВП дала материалларини қайта ишлаш учун дастурлар мажмуаси «Ўзбекгеофизика» АЖнинг материалларни қайта ишлаш марказида ишлаб чиқаришга жорий қилинган («Ўзбекнефтегаз» АЖнинг 2020 йил 13 январдаги 03-17-5-249-сон маълумотномаси). Натижада, қайта ишлашга сарфланадиган xаражатларни камайтириш, ишлов бериш натижаларининг ишончлилигини ва сифатини ошириш, натижаларни 1Д ва 2Д-версияларда тақдим этиш имконини берган;
Марказий Қизилқум кўтарилмасининг шарқий қисмида палеозой эраси ётқизиқларининг чуқур геологик тузилишини ўрганиш мақсадида Оқтулпор (Оқбайтал)   тузилмасида параметрик қудуқни қазиш бўйича тавсия «Ўзбекнефтегаз» АЖ тизимидаги «Ўзгеобурғинефтегаз» АКда  амалиётга жорий қилинган («Ўзбекнефтегаз» АЖнинг 2020 йил 13 январдаги 03-17-5-249-сон маълумотномаси). Натижада, 1П Оқтулпор параметрик қудуғини бурғилаш палеозой ҳосилаларининг ички тузилишини, коллектор-жинсларнинг ва қоплама-жинсларнинг жойлашишини аниқлаш имконини берган;
Шарқий Устюртда нефть ва газга истиқболли электрқидирув аномалияларининг жойлашиш xаритаси «Ўзбекгеофизика» АЖ «Устюрт геофизика экспедицияси» филиалида амалиётга жорий қилинган («Ўзбекнефтегаз» АЖнинг 2020 йил 13 январдаги 03-17-5-249-сон маълумотномаси). Натижада, қидирув ишлари самарадорлигини ва нефть ва газ заxираларини ошириш имконини берган;
Денгизкўл ва Испанли-Чандир  кўтарилмаларининг шарқий  қисмида нефть ва газга истиқболли электрқидирув аномалияларининг жойлашиш харитаси «Ўзбекгеофизика» АЖ «Бухоро геофизика экспедицияси» филиалида амалиётга жорий қилинган («Ўзбекнефтегаз» АЖнинг 2020 йил 13 январдаги 03-17-5-249-сон маълумотномаси). Натижада, олинган қидирув ишлари самарадорлигини ҳамда нефть ва газ захираларини ошириш имконини берган.