Каримов Аброрбек Азимовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Фуқаролар соғлиғини сақлашни фуқаролик-ҳуқуқий нормалар воситасида таъминлаш масалалари”, 12.00.03 – Фуқаролик ҳуқуқи. Тадбиркорлик ҳуқуқи. Оила ҳуқуқи. Халқаро хусусий ҳуқуқ (юридик фанлар). 
Диссертация мавзуси рўйхатга олинган рақам: В2020.1.PhD/Yu27.
Илмий раҳбар: Боротов Миродилжон Хомуджонович, юридик фанлар доктори, профессор.
Диссертация бажарилган муассаса номи: Тошкент давлат юридик университети.
ИК фаолият кўрсатаётган муассаса номи, ИК рақами: Тошкент давлат юридик университети, DSc.07/30.12.2019.Yu.22.01. 
Расмий оппонентлар: Карахаджаева Дилором Маъмировна, юридик фанлар доктори, профессор; Насриев Илҳом Исмоилович, юридик фанлар доктори, профессор.
Етакчи ташкилот: Ўзбекистон Республикаси Давлат Божхона қўмитаси Божхона институти.
Диссертация йўналиши: назарий ва амалий аҳамиятга молик. 
II. Тадқиқотнинг мақсади мамлакатимизда фуқаролар соғлиғини сақлашнинг фуқаролик-ҳуқуқий тартибга солиш муаммоларини таҳлил қилиш ва шулар асосида амалдаги фуқаролик қонун ҳужжатларини такомиллаштириш бўйича умумназарий хулосалар ва таклифлар ишлаб чиқишдан иборат.
III. Тадқиқотнинг илмий янгилиги:
саломатликка тааллуқли маълумотлар, шунингдек, шахсий ҳаёт тўғрисидаги маълумотлар шахсга доир махсус маълумотлар экани исботланган;
шахсга доир махсус маълумотларга ишлов беришга тиббий-ижтимоий хизматлар кўрсатилаётганда, бундай маълумотларга шахсга доир маълумотларнинг ҳимоя қилинишини таъминлаш мажбурияти зиммасига юклатилган тиббиёт ходими томонидан ишлов берилиши шарти билан йўл қўйилиши мумкинлиги асослаб берилган;
шахсга доир махсус маълумотларга ишлов беришга тиббий ташхис, даволаш белгиланаётганда, шахсга доир маълумотларнинг ҳимоя қилинишини таъминлаш мажбурияти зиммасига юклатилган соғлиқни сақлаш муассасасининг ваколатли шахси томонидан ишлов берилиши шарти билан йўл қўйилиши мумкинлиги исботлаб берилган;
тиббий маълумотга эга бўлмаган шахсларнинг тиббий хизмат кўрсатиш фаолиятини лицензиялаш бўйича махсус комиссиянинг хулосаси асосида халқ табобати усулларидан фойдаланган ҳолда тиббий фаолият билан шуғулланиш ҳуқуқига эга бўлиши мумкинлиги асослаб берилган.
IV. Тадқиқот натижаларининг жорий қилиниши. 
Фуқаролар соғлиғини сақлашнинг фуқаролик-ҳуқуқий нормалар воситасида таъминлаш масалалари бўйича олинган илмий натижалар асосида:
фуқароларнинг шахсга доир махсус маълумотлари жумласига жисмоний ёки руҳий (психик) саломатликка тааллуқли маълумотларни киритиш лозимлиги ҳақидаги таклиф Ўзбекистон Республикасининг 2019 йил 2 июлдаги “Шахсга доир маълумотлар тўғрисида”ги ЎРҚ–547-сон Қонуни 25-моддасининг биринчи қисмида ўз ифодасини топган (Ўзбекистон Республикаси Олий Мажлиси Сенати Суд-ҳуқуқ масалалари ва коррупцияга қарши кураш қўмитасининг 2019 йил 8 ноябрдаги 112-сон далолатномаси). Ушбу таклиф шахсга доир махсус маълумотларни тўлдиришга, улар билан ишлаш механизмини такомиллаштиришга хизмат қилган;
тиббий-ижтимоий хизматлар кўрсатилаётганда, бундай маълумотларга шахсга доир маълумотларнинг ҳимоя қилинишини таъминлаш мажбурияти зиммасига юклатилган тиббиёт ходими томонидан ишлов берилиши шарти билан боғлиқ муносабатларга доир таклиф Ўзбекистон Республикасининг 2019 йил 2 июлдаги “Шахсга доир маълумотлар тўғрисида”ги ЎРҚ–547-сон Қонуни 25-моддасининг учинчи қисми тўққизинчи хатбошисида ўз ифодасини топган (Ўзбекистон Республикаси Олий Мажлиси Сенати Суд-ҳуқуқ масалалари ва коррупцияга қарши кураш қўмитасининг 2019 йил 8 ноябрдаги 112-сон далолатномаси). Ушбу таклиф тиббиёт ходими томонидан ишлов берилиши шарти билан боғлиқ муносабатларни кучайтиришга хизмат қилган;
тиббий ташхис, даволаш белгиланаётганда, шахсга доир маълумотларнинг ҳимоя қилинишини таъминлаш мажбурияти зиммасига юклатилган соғлиқни сақлаш муассасасининг ваколатли шахси томонидан ишлов берилиши шарти билан боғлиқ муносабатларга доир таклиф Ўзбекистон Республикасининг 2019 йил 2 июлдаги “Шахсга доир маълумотлар тўғрисида”ги ЎРҚ–547-сон Қонуни 25-моддасининг учинчи қисми тўққизинчи хатбошисида ўз ифодасини топган (Ўзбекистон Республикаси Олий Мажлиси Сенати Суд-ҳуқуқ масалалари ва коррупцияга қарши кураш қўмитасининг 2019 йил 8 ноябрдаги 112-сон далолатномаси). Ушбу таклиф соғлиқни сақлаш муассасаси ваколатли шахси томонидан ишлов берилиши шарти билан боғлиқ муносабатларни кучайтиришга хизмат қилган;
тиббий маълумотга эга бўлмаган шахсларнинг Ўзбекистон Республикаси Соғлиқни сақлаш вазирлиги ҳузуридаги халқ табобати усулларидан фойдаланган ҳолда тиббий хизмат кўрсатиш фаолиятини лицензиялаш бўйича махсус комиссиянинг хулосаси асосида халқ табобати усулларидан фойдаланган ҳолда тиббий фаолият билан шуғулланиш ҳуқуқига эга бўлишларига оид таклиф Ўзбекистон Республикасининг  2019 йил 22 майдаги “Ўзбекистон Республикасининг айрим қонун ҳужжатларига ўзгартиш ва кўшимчалар қиритиш тўғрисида”ги ЎРҚ–540-сон Қонунининг 2-моддасини шакллантиришда, яъни “Фуқаролар соғлиғини сақлаш тўғрисида”ги Қонунининг 41-моддасини тўлдирган иккинчи қисмда ўз аксини топган (Ўзбекистон Республикаси Олий Мажлиси Сенати Суд-ҳуқуқ масалалари ва коррупцияга қарши кураш қўмитасининг 2019 йил 8 ноябрдаги 112-сон далолатномаси). Мазкур таклиф соҳада меҳнат-ҳуқуқий ва фуқаролик-ҳуқуқий шартномавий муносабатларни такомиллаштиришга хизмат қилган.