Рахмонова Гулбаҳор Эргашовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Панкреатодуоденал соҳа ўсма касалликларининг диагностикасида нур ташхиси усулларининг ахамияти», 14.00.19 – Клиник радиология (тиббиёт фанлари).
Диссертация мавзуси рўйхатга олинган рақам: В2017.2.PhD/Tib212.
Илмий раҳбар: Ходжибеков Марат Худойқулович, тиббиёт фанлари доктори, профессор. 
Диссертация бажарилган муассаса номи: Тошкент тиббиёт академияси.
ИК фаолият кўрсатаётган муассаса (муассасалар) номи, ИК рақами: Республика ихтисослаштирилган онкология ва радиология илмий–амалий тиббиёт маркази, DSc.04/30.12.2019.Tib.77.01.
Расмий оппонентлар: Юсупалиева Гулнора Акмаловна, тиббиёт фанлари доктори (DSc), доцент; Баймаков Сайфиддин Рисбаевич, тиббиёт фанлари доктори (DSc), доцент;
Етакчи ташкилот: Бухоро давлат тиббиёт институти.
Диссертация йўналиши: амалий аҳамиятга молик.
II. Тадқиқотнинг мақсади: нур ташхиси усуллари комплексини қўллаш орқали панкреатодуоденал соҳа хавфли ўсма жараёнларини ташхислаш натижаларини такомиллаштиришдан иборат.
III. Тадқиқотнинг илмий янгилиги:
илк бор панкреатодуоденал соҳа хавфли ўсмаларини ташхислашда  эндоскопик УТТ, МСКТ ангиография, МРТ холангиография ҳамда ПЭТ/КТни тизимлаштирилган комплекс қўлланилгандаги афзаллиги асослаб берилган; 
панкреатодуоденал соҳа хавфли ўсмаларни турли босқичларини визуализация усулида самардорлигини патоморфологик белгилар билан солиштирма таҳлил натижаларини инобатга олган ҳолда ташхислаш асосланган;
юқори тутқич артерияси, юқори тутқич венаси ва ўзак артерияси деворига ўсманинг инвазияси даражасини операциягача бўлган ташхислашда ангиография орқали асоратларсиз ташхислаш тартибини афзаллиги исботланган;
меъда ости бези саратонининг хавфлилик даражаси эрта ташхислаш ўсманинг локализацияси, тарқалиши  даражаси, олдини олиш ва самарали даволаш амалга ошириш механизмлари асосида мултимодал усуллар ёрдамида ноинвазив ташхисот тартиби асосланган;  
меъда ости бези хавфли ўсмаларини асоратларини олдини олишда позитрон эмиссион томографиясининг компьютер томографияси билан комбинацияланган усули билан ташхислаш имконияти исботланган. 
IV. Тадқиқот натижаларининг жорий қилиниши. 
Панкреатодуденал соха ўсма касалликларининг диагностикасида нур ташҳиси усулларининг ахамияти баҳолаш бўйича олиб борилган тадқиқотнинг илмий натижалари асосида: 
«Pankreatoduodenal soha kasalliklarining nur tashhisi» услубий тавсияномаси тасдиқланган (Соғлиқни сақлаш вазирлигининг 2016 йил 12 декабрдаги 8н-р/191-сон маълумотномаси). Мазкур услубий тавсиянома нур ташҳиси усуллари ёрдамида панкреатодуоденал соха хавфли ўсмаларини ташхислашни самарали йўлга қўйиш ва ҳар бир усулнинг ташхислашдаги аниқлиги  баҳолаш имконини берган;
«Жигар ўт йўллари касалликлариниг нур ташхиси» услубий қўлланма тасдиқланган (Соғлиқни сақлаш вазирлигининг 2016 йил 12 декабрдаги 8н-р/191-сон маълумотномаси). Мазкур ўқув қўлланма талабаларга дарс жараёнида жигар ва ўт йўллари хавфли ўсма касалликлари нур ташхисини баҳолаш имконини берган;
Панкреатодуденал соха ўсма касалликларининг диагностикасида нур ташхисот усулларига мультимодал ёндашуви бўйича олинган илмий натижалар соғлиқни сақлаш амалиётига, жумладан, Тошкент шаҳар онкология диспансери торакоабдоминал онкология бўлими ва Тошкент тиббиёт академияси учинчи клиникаси рентген радиология бўлими амалиётига тадбиқ қилинган (Соғлиқни сақлаш вазирлигининг 2020 йил 2 июлдаги 8н-з/73-сон маълумотномаси). Олинган тадқиқот натижаларини амалиётга жорий қилиниши нур ташҳиси усулларнинг етарли хажмини танлаб олишни оптималлаштиришга, самарадорликни оширишга ва панкреатодуоденал соҳа хавфли ўсмалари билан хасталанган беморларда асоратларини ва уларни тарқалиш сонини камайтиришга имкон берган.