Иваньян Арсен Игнатьевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Хавфсизлиги оширилган очиқ боғланиш чизиқли ахборот-бошқариш тизимлари асосида ўзаро боғланган ишлаб чиқариш объектлари гуруҳларини яратиш ва фаолиятларини оптималлаштириш», 05.01.08 – Технологик жараёнлар ва ишлаб чиқаришларни автоматлаштириш ва бошқариш (техника фанлари).
Диссертация мавзуси рўйхатга олинган рақам: B2018.2.PhD/T706.
Илмий раҳбари: Адилов Фарух Тулкунович, техника фанлари доктори, профессор.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассаса номи, ИК рақами: Тошкент давлат техника университети, DSc.03/30.12.2019.Т.03.02.
Расмий оппонентлар: Игамбердиев Хусан Закирович, техника фанлари доктори, профессор, академик; Варламова Людмила Петровна, техника фанлари номзоди, доцент.
Етакчи ташкилот: Бухоро муҳандислик-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади ишлаб чиқаришни оммавий автоматлаштириш, ахборотлаштириш ва рақамлаштириш технологияларидан фойдаланган ҳолда ўзаро боғлиқ бўлган ишлаб чиқариш объектлари гуруҳи ишлашининг самарадорлигини ошириш учун усуллар ва ечимлар йиғиндисини ишлаб чиқиш ҳисобланади.
III. Тадқиқотнинг илмий янгилиги:
газ-кимёвий комплекси ишлаб чиқариш қурилмаларини бошқариш тизимларини бирлаштирувчи реал вақт бўйича структураланган марказлашган глобал маълумотлар базаси ишлаб чиқилган;
реал вақт бўйича структураланган марказлашган глобал маълумотлар базаси асосида оператив-диспетчерлик бошқариш тизими ишлаб чиқилган;
Устюрт газ-кимёвий комплекси асосий ишлаб чиқариш қурилмаларининг математик моделлари ишлаб чиқилган ва дастурий амалга оширилган; 
этанни крекинглаш ва полимерларни ишлаб чиқариш технологик жараёнлари такомиллаштирилган бошқариш тизимининг математик моделлари ишлаб чиқилган;
реал вақт бўйича марказлашган маълумотлар базаси асосида газ-кимёвий комплексининг ахборот-технологик пирамидасини босқичли рақамлаштириш концепцияси ишлаб чиқилган.
IV. Тадқиқот натижаларининг жорий қилиниши. 
Хавфсизлиги оширилган очиқ уланиш линияларига эга ахборот-бошқариш тизимлари асосида ўзаро боғлиқ бўлган ишлаб чиқариш объектлари гуруҳини яратиш ва улар ишини оптималлаштириш ҳисобига ҳамда диссертация иши бўйича олинган натижалар асосида:
газ-кимёвий комплекси ишлаб чиқариш қурилмаларини бошқариш тизимларини бирлаштирувчи ва ахборот технологиялари пирамидасининг юқори сатҳларидаги интеллектуал тизимлари билан маълумотлар алмашинувини таъминлайдиган реал вақт бўйича глобал маълумотлар базасининг структураланган марказлашган тизими Устюрт газ-кимёвий комплексида жорий қилинган («Ўзбекнефтегаз» АЖнинг 2020 йил 23 июндаги 08/41-2-371-сон маълумотномаси). Натижада, технологик жараён тўғрисидаги маълумотларнинг тезкор таҳлилига сарфланадиган вақт камайган; 
марказлашган реал вақт маълумотлар базаси асосида юқори самарали оператив-диспетчерлик бошқариш тизими ва реал вақт режимида оператив-диспетчерлик ходимларининг тизимга киришлари учун инсон-машинали интерфейснинг конфигурацияланган базавий иловалари Устюрт газ-кимёвий комплексида жорий қилинган («Ўзбекнефтегаз» АЖнинг 2020 йил 23 июндаги 08/41-2-371-сон маълумотномаси). Натижада, технологик жараён маълумотларини тезкор таҳлил қилиш асосида комплекснинг технологик режимини созлаш учун қарор қабул қилишга сарфланган вақт камайган;
Устюрт газ-кимёвий комплекси асосий ишлаб чиқариш қурилмаларининг ишлаб чиқилган математик моделлари Устюрт газ-кимёвий комплексида жорий қилинган («Ўзбекнефтегаз» АЖнинг 2020 йил 23 июндаги 08/41-2-371-сон маълумотномаси). Натижада, тизимнинг унумдорлиги 4% га ошган.