Паноев Нодир Шавкатовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Кремнийорганик бирикмалар асосида термобарқарор (олиго)полимерларнинг олиниши, хоссалари ва технологияси», 02.00.14 – Органик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: B2020.2.PhD/Т1057. 
Илмий раҳбар: Ахмедов Воҳид Низомович, техника фанлари номзоди, доцент.
Диссертация бажарилган муассаса номи: Бухоро муҳадислик-технология институти.
ИК фаолият кўрсатаётган муассаса (муассасалар) номи, ИК рақами: Термиз давлат университети, PhD.03/30.12.2019.Т.78.01.
Расмий оппонентлар: Нурқулов Файзулла Нурмуминович, техника фанлари доктори; Нормуродов Бахтиёр Абдуллаевич, техника фанлари бўйича фалсафа доктори (PhD).
Етакчи ташкилот: Самарқанд давлат университети.
Диссертация йўналиши: назарий ва амалий аҳамиятга молик. 
II. Тадқиқотнинг мақсади: маҳаллий хом ашёлар асосида ёнғинга қарши янги қопламали композициялар учун таркиб яратиш ва технологиясини ишлаб чиқишдан иборат.
III. Тадқиқотнинг илмий янгилиги:
илк бор ГИПАН, ГАЭ, мочевина формальдегидларни кремнийорганик моддалар билан турли нисбатларда пайвандланиш шароитлари аниқланган ва юқори қовушқоқликка эга термобарқарор (олиго)полимерлар олинган; 
ГИПАН ва ТЭОС асосида 50:1нисбатда олинган полимернинг суюқ шиша ва каолин билан оптимал композицияси танланган ва ўтга чидамли иссиқлик ўтказмайдиган юқори дисперсли тўлдирувчилар ишлаб чиқилган;
ультрабинафша нур ва кимёвий реагентлар ёрдамида майда дисперсли натрий силикатни модификациялаш йўли билан полимерларнинг ёнғин ва иссиқликдан ҳимоя қилиш функцияларини ошириш усули ишлаб чиқилган;
давлат стандарти (ГОСТ 16363-98) га мувофиқ ёғоч қурилиш материалларини қийин ёнадиган материаллар гуруҳига ўтказилишини таъминловчи полимерлар асосида кўп босқичли ёнғиндан ҳимоя қилиш функциясига эга бўлган янги таркиблар ишлаб чиқилган;
синтез қилинган кремнийорганик полимерлар асосида ёнғиндан ҳимоя қилувчи силикатли маҳсулотни олиш технологияси ишлаб чиқилган ва ёнғинга қарши тўсиқ сифатида қўлланиладиган ёнмайдиган ҳамда иссиқлик ўтказмайдиган материал олинган.
IV. Тадқиқот натижаларининг жорий қилиниши.
Маҳаллий минерал хомашёлар асосида ўтга чидамли қопламалар ва иссиқлик ўтказмайдиган тўлдирувчилар олиш технологиясини ишлаб чиқиш бўйича олинган илмий натижалар асосида: 
ишлаб чиқилган ёғоч материалларни ёнғиндан самарали ҳимоя қилувчи композициялар Қурилиш вазирлиги корхоналарида ёнғиндан ҳимояловчи қопламалар олиш учун жорий этилган (Ўзбекистон Республикаси Қурилиш вазирлигининг 2020 йил 15 июндаги 4725/08-07-сон маълумотномаси). Натижада, ишлаб чиқилган ёнғинга қарши композициялар ёғоч қурилиш конструкциялари ва материалларининг ўтга чидамлилигини ошириш имконини берган; 
маҳаллий хомашё асосида олинган қопламалар ёғоч қурилиш конструкциялари ва материалларини ёнғиндан ҳимоялашда намунавий уйлар қурилишида ва Қурилиш вазирлиги корхоналарида жорий этилган (Ўзбекистон Республикаси Қурилиш вазирлигининг 2020 йил 15 июндаги 4725/08-07-сон маълумотномаси). Натижада, қурилиш объектларининг ўт олиш хавфини 1,8 мартага, ёнғиннинг пайдо бўлиш эҳтимоллигини 3%га ва ёнғиндан келиб чиқадиган зарарни 2%га камайтириш имконини берган.