Ахмедов Улуғбек Баходировичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Оёқнинг кесилиш жарохатида мияча чувалчанги алоҳида бўлакчаларининг морфологик параметрларини ўрганиш», 14.00.02 – Морфология (тиббиёт фанлари).
Диссертация мавзуси рўйхатга олинган рақам: B2019.2.PhD/Tib829.
Илмий раҳбар: Исраилов Ражаббой, тиббиёт фанлари доктори, профессор.
Диссертация бажарилган муассаса номи: Андижон давлат тиббиёт институти.
ИК фаолият кўрсатаётган муассаса (муассасалар) номи, ИК рақами: Тошкент тиббиёт академияси, DSc.04/30.12.2019.Tib.30.03.
Расмий оппонентлар: Ахмедова Сайёра Мухамадовна,тиббиёт фанлари доктори, доцент; Ахмедов Шавкат Махмудович, тиббиёт фанлари доктори, профессор. 
Етакчи ташкилот: Бухоро давлат тиббиёт институти.
Диссертация йўналиши: амалий аҳамиятга молик.
II. Тадқиқотнинг мақсади: итларда орқа оёқ ампутациясидан кейин динамикада мияча чувалчанги нишаб, япроқ, тилча (declive, folium, uvila) бўлакчаларида қайта тикланиш ва ўрин тўлдириш жараёнларига хос морфологик ва морфометрик ўзгаришлари хақидаги маълумотларни такомиллаштиришдан иборат.
III. Тадқиқотнинг илмий янгилиги:
итларда оёқ ампутациясидан кейин ҳар хил даврларда мияча чувалчанги нишаб бўлагининг қайта тикланиш ва ўрин тўлдириш жараёнларига хос морфологик ва морфометрик ўзгаришлар баҳоланган;
мияча чувалчанги япроқ бўлаги тўқимасининг оёқ ампутациясига жавобан морфологик ва морфометрик ўзгаришлар аниқланган;
мияча чувалчанги тилча бўлаги тўқимасининг оёқ ампутациясига жавобан морфологик ва морфометрик ўзгаришларини асосланган;
мияча чувалчанги нишаб, япроқ ва тилча бўлакларида ривожланадиган қайта тикланиш ва ўрин тўлдириш жараёнларига хос морфологик ва морфометрик ўзгаришларнинг пайдо бўлиш даври ва репаратив регенерацияни намоён қилувчи жиҳатларнинг асл моҳияти аниқланган.
IV. Тадқиқот натижаларининг жорий қилиниши. 
Оёқнинг кесилиш жароҳатида мияча чувалчанги алоҳида бўлакчаларининг морфологик параметрларни баҳолаш бўйича олинган илмий натижалар асосида: 
«Оёқ ампутациясидан сўнг мияча чувалчанги тилча (uvula) бўлагининг морфологик ва морфометрик ўзгаришларни ўрганиш усуллари» услубий тавсияномаси ишлаб чиқилган (Соғлиқни сақлаш вазирлигининг 2020 йил 6 июлдаги 8н-д/86-сон маълумотномаси). Мазкур услубий тавсиянома ампутация операцияларни бошидан кечирган беморларга, асоратлари кучайишига йўл қўймаслик мақсадида зарурий назорат ўрнатилиши ва беморларнинг шифокорлар томонидан берилган тавсияларни  тўлиқ бажаришларини таъминлашга қаратилган кўрсатмалар бериш имконини берган;
оёқнинг кесилиш жароҳатида мияча чувалчанги алоҳида бўлакчаларининг морфологик параметрларни баҳолаш бўйича олинган илмий натижалар соғлиқни сақлаш амалиётига, жумладан, Андижон давлат тиббиёт институти шифохонаси, Андижон вилоят кўп тармоқли тиббиёт маркази клиникасининг амалий фаолиятига жорий этилган (Соғлиқни сақлаш вазирлигининг 2019 йил 12 декабрдаги 8н-д/230-сон маълумотномаси). Олинган илмий натижаларнинг амалиётга жорий қилиниши мия чувалчанги тилча бўлакча ганглионар, молекуляр ва донадор қаватлари морфометрик кўрсаткичлари тажриба динамикасида сезиларли даражада, яъни, ганглионар қават тажрибани 21-кунида нейронлар 4,3 та, қават қалинлиги 45,6 мкм, нейрон диаметри 32,4 мкм бўлса, 90-кунда мос равишда 7,3; 55,7 мкм, 51,6 мкмни ташкил қилди; молекуляр қават мос равишда 191,7 мкм, 75 та, 6,6 мкм, 7,8 мкм; 90-кунда–192,7 мкм, 78та, 8,2 мкм, 10,5 мкмни, донали қавати мос равишда– 142,4 мкм, 4673,5та, 8,4 мкм, 11,6 мкм, 9,4 мкм; 90-кунда – 120,4 мкм, 4122,6та, 8,2мкм, 9,7 мкм, 6,6 мкмни ташкил қилиши беморларда касалликларнинг олдини олиш ва даволашнинг патогенетик усулларини ишлаб чиқиш имконини берган.