Науризов Тохтамис Қидирбергеновичнинг
фалсафа доктори (PhD) диссертацияси  ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Қорақалпоғистон шароитида қорамол гўшти ишлаб чиқаришни такомиллаштириш», 06.02.03 – Хусусий зоотехния. Чорвачилик маҳсулотларини ишлаб чиқариш технологияси (қишлоқ хўжалиги фанлари).
Диссертация мавзуси рўйхатга олинган рақам: B2019.2.PhD/Qx432.
Илмий раҳбар: Кахаров Абдусаттор, қишлоқ хўжалиги фанлари доктори, профессор.
Диссертация бажарилган муассаса номи: Қоракўлчилик ва чўл  экологияси илмий-тадқиқот институти. 
ИК фаолият кўрсатаётган муассаса номи, ИК рақами: Қоракўлчилик ва чўл экологияси илмий-тадқиқот институти, PhD.05/30.12.2019.Qх.75.01. 
Расмий оппонентлар: Досмухамедова Мухайё Хусниддиновна, қишлоқ хўжалик фанлари доктори, доцент; Амиров Шавкат Қўзибоевич, қишлоқ хўжалик фанлари номзоди, доцент.
Етакчи ташкилот: Самарқанд ветеринария медицинаси институти Нукус филиали.
Диссертация йўналиши: назарий ва амалий аҳамиятга молик.
II. Тадқиқотнинг мақсади соф ҳолда урчитилаётган қора-ола ва қизил чўл зотлари ҳамда голштин зоти билан чатиштириш натижасида олинган дурагай буқачаларни ўзининг иқлими, экологик ҳолати билан бошқа вилоятлардан кескин фарқ қиладиган Қорақалпоғистон ҳудуди шароитида гўшт маҳсулдорлиги ва ушбу кўрсаткичларга ҳар хил омилларнинг таъсирини аниқлашдан иборат. 
III. Тадқиқотнинг илмий янгилиги:
Қорақалпоғистон шароитида ҳар хил зот ва уларнинг дурагайларининг генотипидан фойдаланиб, қорамол гўшти ишлаб чиқаришни такомиллаштиришнинг самарали усуллари ишлаб чиқилган;
ҳар хил генотипли буқачаларнинг ўсиши, ривожланиши, озуқани маҳсулот билан қоплаш хусусиятлари ва буқачаларнинг гўшт маҳсулдорлиги потенциалидан тўлиқ фойдаланиш имкониятлари аниқланган;
турли генотипли буқачаларнинг мақбул сўйиш ёши ҳамда гўштнинг морфологик ва кимёвий таркиби аниқланган.
IV. Тадқиқот натижаларининг жорий қилиниши.
Қорақалпоғистон Республикаси шароитида қорамол гўшти ишлаб чиқаришни  такомиллаштириш бўйича олиб борилган илмий-тадқиқот натижалари асосида:
соф зотли қора-ола ва қизил чўл зотли сигирлардан ҳамда уларни голштин зоти билан, чатиштиришдан олинган дурагай буқачаларнинг ўсиш, ривожланиш, бўрдоқиланиш хусусиятлари, сўйим кўрсаткичлари, гўшт маҳсулдорлиги ва гўштнинг сифатини яхшилаш бўйича ишлаб чиқилган усуллар Қорақалпоғистон Республикаси Беруний туманидаги “Мақсуд” фермер хўжалигида жорий этилган (Қорақалпоғистон Республикаси қишлоқ хўжалиги вазирлигининг 2020 йил 08 июлдаги 03/018-1596-сон маълумотномаси). Натижада буқачаларнинг сўйишдан олдинги тирик вазн II ва IV тажриба гуруҳидаги ҳайвонларда 18 ойлигида III гуруҳдаги буқачаларга нисбатан мос равишда 33,8 ва 15,6 килограмм, 21 ойлигида тегишлича 46,4 ва 23,2 килограмм, бўлакланган гўшт оғирлиги эса 18 ойлигида мос равишда 21,8 ва 7,8 килограмм, 21 ойлигида 29,8 ва 14,0 килограмм кўп бўлиб лаҳм гўшт миқдори 18 ойликда мос равишда 12,5 ва 6,0 килограмм; 21 ойликда 17,3 ва 7,5 килограмм ёки 1412 минг сўмдан 1943 минг сўмга ошириш имконияти пайдо бўлган.
қора-ола зотли қорамоллардан гўшт ишлаб чиқариш ва уларнинг маҳсулдорлик хусусиятларини яхшилашнинг такомиллаштирилган технологиялари Қорақалпоғистон Республикаси Беруний туманидаги “Хаёт” фермер хўжалигида жорий этилган (Қорақалпоғистон Республикаси қишлоқ хўжалиги вазирлигининг 2020 йил 08 июлдаги 03/018-1596-сон маълумотномаси). Натижада бўрдоқиланган буқачаларнинг 18 ойда тирик вазни хўжалик шароитида сўқимланган буқачаларнинг ўртача кўрсаткичидан 10-15 килограммга юқори бўлиб, 1 бош буқачадан олинган соф фойда 1098-1340 минг сўмни ташкил этган;
голштинлаштирилган биринчи бўғин қора-ола ва қизил-чўл зотли буқачаларнинг 18 ва 21 ойлигида мақбул бўлган тирик вазни ҳамда ташқи муҳит омилларига боғлиқликда бўлган селекцион белгиларини такомиллаштириш ва уларнинг сўйим кўрсаткичларини яхшилаш ва гўштнинг сифатини ошириш технологиялари Қорақалпоғистон Республикаси Беруний туманидаги  “Сарвар насл чорва” қорамолчилик фермер хўжалигида жорий этилган (Қорақалпоғистон Республикаси қишлоқ хўжалиги вазирлигининг 2020 йил 08 июлдаги 03/018-1596-сон маълумотномаси). Натижада дурагай буқачалардан олинган соф фойда 18 ойлигида 1 бош буқачадан мос равишда 1291-1337 минг сўмни, бу кўрсаткич 21 ойлигида эса 1436-1596 минг сўмни ташкил этган.