Холиқов Азамат Қахрамоновичнинг
фан доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): “Кўришида нуқсони бўлган ўқувчиларда ҳуқуқий тафаккурни ривожлантириш технологияси”, 13.00.03–Махсус педагогика (педагогика фанлари).
Диссертация мавзуси рўйхатга олинган рақам: В2017.1.PhD/Ped76.
Илмий раҳбар: Муминова Лола Рахимовна, педагогика фанлари доктори, профессор.
Диссертация бажарилган муассаса номи: Тошкент давлат педагогика унверситети.
ИК фаолият кўрсатаётган муассаса номи, ИК рақами: Тошкент давлат педагогика университети, DSc.03/30.01.2020.Ped.26.01.
Расмий оппонентлар: Мухиддинова Феруза, юридик фанлари доктори профессор; Нуркельдиева Дилбар Ахмадовна, педагогика фанлари номзоди, доцент.
Етакчи ташкилот: Республика халқ таълими ходимларини қайта тайёрлаш ва малакасини ошириш институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади кўришида нуқсони бўлган ўқувчиларнинг ҳуқуқий тафаккурини ривожлантириш технологиясининг методик таъминотини такомиллаштиришдан иборат.
III. Тадқиқотнинг илмий янгилиги: 
кўришида нуқсони бўлган ўқувчиларнинг ҳуқуқий тафаккурини ривожлантириш мазмуни жисмоний ёки руҳий ривожланишида нуқсони бўлган ўқувчиларнинг махсус таълимини ташкил этишга қўйиладиган талабларга компетенциявий ёндашувни жорий этиш асосида аниқлаштирилган;
ихтисослаштирилган мактаб-интернатларда ҳуқуқий фанларни ўқитишнинг методик шартлари аудио казус ва вазиятлар таҳлилига асосланган адаптив таълим муҳити (Smart learning) интенсивлигини таъминлаш асосида такомиллаштирилган;
кўришида нуқсони бўлган ўқувчиларнинг ҳуқуқий тафаккурини ривожлантириш технологиясининг ташкилий-методик компоненти ҳуқуқий ҳужжатларни тинглаб тушуниш ва гапиришга асосланган интерфаол таълимга (ишчан ўйинлар) устуворлик бериш асосида такомиллаштирилган;
кўришида нуқсони бўлган ўқувчиларнинг ҳуқуқий тафаккурини ривожлантириш бўйича компетенциялар тизими ишлаб чиқилган.
IV. Тадқиқот натижаларининг жорий қилиниши.
Кўришида нуқсони бўлган ўқувчиларнинг ҳуқуқий тафаккурини ривожлантириш бўйича  олинган илмий натижалар асосида: 
кўришида нуқсони бўлган ўқувчиларнинг ҳуқуқий тафаккурини ривожлантириш мазмуни, жисмоний ёки руҳий ривожланишида нуқсони бўлган ўқувчиларнинг махсус таълимини ташкил этишга қўйиладиган талабларга компетенциявий ёндашувни жорий этишга оид таклифлардан ихтисослаштирилган мактаб-интернатлари учун “Ҳуқуқшунослик” фани бўйича Давлат таълим стандарти ва малака талаблари мазмунига сингдирилган (Олий ва ўрта махсус таълим вазирлигининг 2019 йил 7 июндаги 89-03-2397-сон маълумотномаси). Натижада, ихтисослаштирилган мактаб-интернатларида ҳуқуқшунослик фанларини ўқитишда компетенциявий ёндашув компонентларини жорий этиш самарадорлигини оширишга эришилган;
ихтисослаштирилган мактаб-интернатларда ҳуқуқий фанларни ўқитишнинг методик шартлари, аудио казус ва вазиятлар таҳлилига асосланган адаптив таълим муҳитини (Smart learning) интенсивлигини таъминлаш, кўришда нуқсони бўлган ўқувчиларнинг ҳуқуқий тафаккурини ривожлантиришга доир амалий тавсиялардан ИТД-1-62 рақамли “Ногирон болаларни тарбиялашда оила, боғча, мактаб ва маҳалла ҳамкорлигини таъминлашнинг илмий-методик асосларини яратиш”  номли грант доирасида белгиланган вазифаларни бажаришда фойдаланилган (Олий ва ўрта махсус таълим вазирлигининг 2019 йил 7 июндаги 89-03-2397-сон маълумотномаси). Натижада, инновацион ёндашув асосида махсус мактабларда ҳуқуқшунослик фанларини ўқитиш самарадорлигини оширишга эришилган;
ўқувчиларнинг ҳуқуқий тафаккурини ривожлантиришнинг методик таъминоти, Брайл тизими ва компьютер технологияларининг уйғунлигини таъминлашга доир амалий таклифлардан ҳуқуқий йўналишдаги маънавий-маърифий тадбирлар мажмуаси, “Ногиронлар қонун ҳимоясида” номли қўлланмани ишлаб чиқишда фойдаланилган (Ўзбекистон Республикаси Кўзи ожизлар жамиятининг 2019 йил 26 июндаги 1/01-462 сонли маълумотномаси). Натижада, ўқувчиларда ижтимоий тармоқлар ва телефон орқали хуруж қилинадиган фирибгарликлардан ўз-ўзини ҳимоя қилиш малакаларини ривожлантириш самарадорлиги ошган.