Umarxodjaev Davron Xakimovichning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Qiyin tozalanuvchan va mashinada terilgan paxta xomashyosi uchun yuqori samaradorli paxta tolasini tozalash texnologiyasini ishlab chiqish”, 05.06.02 – To‘qimachilik materiallari texnologiyasi va xomashyoga dastlabki ishlov berish(texnika fanlari).
Dissertatsiya mavzusi ro‘yxatga olingan raqam: B2018.1.PhD/T574.
Ilmiy rahbar: Maqsudov Erkin To‘xtaevich, texnika fanlari doktori, professor.
Dissertatsiya bajarilgan muassasa nomi: “Paxtasanoat ilmiy markazi” AJ.
IK faoliyat ko‘rsatayotgan muassasa nomi, IK raqami: Namangan muhandislik texnologiya instituti,PhD.03/30.12.2019.T.66.01.
Rasmiy opponentlar: Mamatov Alisher Zulunovich, texnika fanlari doktori, professor;Ergashev Jamoliddin Samatovich, texnika fanlari doktori, dotsent.
Yetakchi tashkilot: Jizzax politexnika instituti.
Dissertatsiya yo‘nalishi: amaliy ahamiyatga molik.
II. Tadqiqotning maqsadi: modernizatsiyalashtirilgantola tozalagichning optimal texnologik va konstruksion parametrlarini aniqlash yo‘li bilan qiyin tozalanuvchan va mashinada terilgan paxta tolasini tozalash jarayoni samaradorligini oshirish.
III. Tadqiqotning ilmiy yangiligi:
tozalash modulidagi arrali silindrlar zonasida tola harakati va uning arra tishlari bilan o‘zaro ta’sirlashuvi intensivliginingnazariy va amaliy tahlillari asosida2 bosqichli tola tozalash qurilmasi konstruksiyasi ishlab chiqilgan;
intensiv tozalash jarayonida kolosniklararo tirqishlar va kolosniklarning 1- va 2- arrali silindrlarga nisbatan o‘rnatish koordinatalari o‘rtasidagi analitik bog‘liqliklar tahliliga ko‘ra ularning ratsional joylashuv zonasi aniqlangan;
iflos aralashmalardan tozalashjarayonida tolaga bo‘ladigan zarbli yuklamalarni nazariy tahlil qilish asosida kolosniklarning optimal soni va tozalash samarasi aniqlangan;
yuqori tozalash samarasiga ega bo‘lgan, tolaning yuqori sifatini ta’minlaydigan optimal konstruktiv va texnologik parametrlari asosidatola tozalagich ishlab chiqilgan.
IV. Tadqiqot natijalarining joriy qilinishi. 
Yuqori tozalash samarasiga ega bo‘lgan tola tozalagichni yaratish bo‘yicha o‘tkazilgan tadqiqotlar natijalari asosida:
ishlab chiqilgan to‘g‘ri oqimli ikki barabanli tola tozalagich konstruksiyasigaO‘zbekiston Respublikasi Intellektual mulk agentligidan foydali modelga patent olingan(“Ikki bosqichli to‘g‘ri oqimli tola tozalagich”,№FAP01170-2016 y.). Natijada,tolani tozalash samaradorligini oshirish va uning sifat ko‘rsatkichlarini yaxshilash imkoniyati yaratilgan;
to‘g‘ri oqimli ikki barabanli tola tozalagich “O‘zpaxtasanoat”AJ tarkibidagi korxonalar, jumladan, Zarbdor paxta tozalash korxonasida ishlab chiqarishga joriy etilgan (“O‘zpaxtasanoat”AJning 2020 yil 3 martdagi 03-18/875-son ma’lumotnomasi). Natijada, tozalash samarasini 37,2%gaoshirishva chiqindilardagi toladorlikni 16,23% gacha pasaytirish, yuqori navli tolani tozalashda O’zDst 604:2016 standarti bo‘yicha “Oliy” sinfdagi tolaning sifatini esa2,14%gacha  ko‘tarilishiga erishilgan;
ikki barabanli tola tozalagich optimal parametrlari “O‘zpaxtasanoat”AJ tarkibidagi korxonalar, jumladan, Guliston paxta tozalash korxonasida ishlab chiqarishga joriy etilgan (“O‘zpaxtasanoat”AJning 2020 yil 3 martdagi 03-18/875-son ma’lumotnomasi). Natijada, tozalash samarasini 38,1%ga oshirish va chiqindilardagi toladorlikni 12,4%gacha pasaytirish, yuqori navli tolani tozalashda O’zDst 604:2016 standarti bo‘yicha “Oliy” sinfdagi tolaning sifati 1,9%ga ko‘tarilishi ta’minlangan.