Ахмедов Мирзокир Хакимовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Линтер самарадорлигини ошириш учун такомиллаштирилган колосник ишлаб чиқиш”, 05.06.02– Тўқимачилик материаллари технологияси ва хомашёга дастлабки ишлов бериш (техника фанлари).
Диссертация мавзуси рўйхатга олинган рақам: В2019.3.PhD/Т104.
Илмий раҳбар: Сулаймонов Рустам Шенникович, техника фанлари доктори, катта илмий ходим.
Диссертация бажарилган муассаса номи: “Пахтасаноат илмий маркази” АЖ.
ИК фаолият кўрсатаётган муассаса номи, ИК рақами: Наманган муҳандислик-технология институти, PhD.03/30.12.2019.Т.66.01.
Расмий оппонентлар: Мадумаров Илхом Дедаханович, техника фанлари доктори, доцент; Мавлянов Айбек Палванбаевич, техника фанлари бўйича фалсафа доктори (PhD).
Етакчи ташкилот: Андижон машинасозлик институти.
Диссертация йўналиши: амалий аҳамиятга молик.
II. Тадқиқотнинг мақсади пахта чигитини самарали линтерлаш технологиясини таъминлайдиган такомиллаштирилган линтер колосниги технологик ва конструкцион параметрларини ишлаб чиқишдан иборат.
III. Тадқиқотнинг илмий янгилиги:
линтерлаш жараёнида арра тишлари ва чигитнинг колосник зонасидаги ҳаракати таҳлили асосида линтерланган чигитни ишчи камерадан ташқарига ўз вақтида чиқишини таъминлайдиган колосникнинг янги профили яратилган; 
ишчи камерада арралар оралиқ зонасидаги чигитнинг ташқарига чиқиш ёки ишчи камерага қайта киришдаги ҳаракатига арра ён томони таъсир кучини инобатга олган ҳолда арраларнинг ишчи камерага кириб туриш баландлиги аниқланган;
чигит тароғи зонасидан чигитлар ташқарига чиқишида колосник остки қисмининг горизонтал ўққа нисбатан оғиш бурчагининг рационал катталиги аниқланган;
кўп омилли тажрибаларни режалаштириш ва амалга ошириш йўли билан линтернинг юқори самарадорлигини таъминлайдиган янги профилли колосник конструктив ва технологик параметрлари аниқланган.
IV. Тадқиқот натижаларининг жорий қилиниши. 
Пахта тозалаш корхоналарида чигитни линтерлаш самарадорлигини оширишни таъминлайдиган колосник конструкциясини яратиш бўйича олинган илмий  натижалар асосида:
пахта чигитини линтерлаш технологияси ва ускунаси «Ўзпахтасаноат» АЖ тасарруфидаги корхоналарда, жумладан Сирдарё вилоятининг Бахт пахта тозалаш корхонасида жорий этилган («Ўзпахтасаноат» АЖнинг 2020 йил 5 майдаги 03-18/1217-сон маълумотномаси). Натижада, юқори ва паст навли чигитни линтерлашда линтернинг чигит бўйича иш унумдорлигини ўртача 11,6 % ва 12,74 %га, момиқ бўйича иш унумдорлигини ўртача 12,28 % ва 16,9 %га оширишга эришилган;
такомиллаштирилган 5ЛП линтери «Ўзпахтасаноат» АЖ тизимидаги корхоналарда, жумладан Сирдарё вилоятининг Бахт пахта тозалаш корхонасида жорий этилган («Ўзпахтасаноат» АЖнинг 2020 йил 5 майдан 03-18/1217-сон маълумотномаси). Натижада, юқори ва паст навли чигитларни линтерлашда чигитнинг шикастланиши ўртача 0,16 (абс)% ва 0,14 (абс) %га, момиқдаги ифлос аралашмалар ва бутун чигитларнинг массавий улушини ўртача 0,42 (абс)% ва 0,31 (абс) %га камайтириш, ишлаб чиқарилаётган чигит ва момиқ сифатини яхшилаш имкони яратилган.