Артиков Зокир Сайфиддиновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Савдо хизматини такомиллаштириш орқали аҳоли ҳаёт даражаси ва сифатини ошириш йўллари”, 08.00.05 – Хизмат кўрсатиш тармоқлари иқтисодиёти (иқтисодиёт фанлари).
Диссертация мавзуси рўйхатга олинган рақам: B2017.3.PhD/Iqt374.
Илмий раҳбар: Тўйчиев Алишер Жўраевич, иқтисодиёт фанлари доктори, профессор.
Диссертация бажарилган муассаса номи: Самарқанд иқтисодиёт ва сервис институти.
ИК фаолият кўрсатаётган муассаса номи, ИК рақами: Самарқанд иқтисодиёт ва сервис институти, DSс.03/30.12.2019.I.18.01.
Расмий оппонентлар: Эргашев Рахматулла Хидирович, иқтисодиёт фанлари доктори, профессор; Арабов Нурали Уралович, иқтисодиёт фанлари доктори, профессор.
Етакчи ташкилот: Бухоро давлат университети. 
Диссертация йўналиши: назарий ва амалий аҳамиятга молик.
II. Тадқиқотнинг мақсади савдо хизматини такомиллаштириш орқали аҳоли ҳаёт даражаси ва сифатини ошириш йўлларини такомиллаштириш бўйича илмий таклиф ва амалий тавсияларни ишлаб чиқишдан иборат.
III. Тадқиқотнинг илмий янгилиги:
аҳоли ҳаёт даражасининг амалдаги кўрсаткичлари таркиби савдо хизмати соҳасига бевосита ҳамда билвосита таъсир кўрсатувчи товарлар хариди муддати, уй-жой таъминоти, даромадлар тафовути, иқтисодий хавфсизлик ва бандлик даражасини тавсифловчи кўрсаткичларни киритиш асосида кенгайтирилган;
савдо хизматини ривожлантириш имконини берувчи савдо кластери фаолиятини фаровонлик, хавфсизлик, инсон саломатлиги, ҳаёт сифати ва даражаси, маҳалла институти ҳамда аёллар фаоллигини таъминлаш жиҳатидан олтита гуруҳ кўрсаткичлар орқали баҳолаш таклиф этилган; 
савдо хизмати сифати ва самарадорлиги ҳамда аҳоли фаровонлиги ўртасидаги ўзаро боғлиқликни аниқлаш усулини такомиллаштириш асосида савдо хизматларининг ялпи ички маҳсулот ва аҳоли фаровонлигининг ошишига таъсири аниқланган;
Ўзбекистонда аҳоли фаровонлигини ошириш ва савдо хизматларини ривожлантиришнинг 2019-2025 йилларга мўлжалланган прогноз кўрсаткичлари ишлаб чиқилган.
IV. Тадқиқот натижаларининг жорий қилиниши.
Савдо хизматини такомиллаштириш орқали аҳоли ҳаёт даражаси ва сифатини ошириш йўлларини такомиллаштириш юзасидан олинган илмий натижалар асосида:
аҳоли ҳаёт даражасининг амалдаги кўрсаткичлари таркибига савдо хизмати соҳасига бевосита ҳамда билвосита таъсир кўрсатувчи товарлар хариди муддати, уй-жой таъминоти, даромадлар тафовути, иқтисодий хавфсизлик ва бандлик даражасини тавсифловчи кўрсаткичларни киритиш таклифидан Ўзбекистон Республикаси Иқтисодиёт ва саноат вазирлиги Демография, инсон капитали даражаси ва сифатини ошириш департаменти фаолиятида таҳлилий кўрсаткичлар таркибини кенгайтиришда фойдаланилган (Иқтисодиёт ва саноат вазирлигининг 2020 йил 5 февралдаги 6-5/20-201-сон маълумотномаси). Ушбу таклифнинг амалиётга жорий этилиши натижасида аҳолининг фаровонлиги, ҳаёт даражаси ва сифатини баҳолашда қўлланиладиган кўрсаткичлар сонини 8 тадан 14 тага етказиш асосида ушбу жараённи тўлиқ баҳолаш имкони яратилган;
савдо хизматини ривожлантириш имконини берувчи савдо кластери фаолиятини фаровонлик, хавфсизлик, инсон саломатлиги, ҳаёт сифати ва даражаси, маҳалла институти ҳамда аёллар фаоллигини таъминлаш жиҳатидан олтита гуруҳ кўрсаткичлар орқали баҳолаш таклифидан Ўзбекистон Республикаси Иқтисодиёт ва саноат вазирлиги Демография, инсон капитали даражаси ва сифатини ошириш департаменти фаолиятида таҳлилий кўрсаткичлар таркибини кенгайтиришда фойдаланилган  (Иқтисодиёт ва саноат вазирлигининг 2020 йил 5 февралдаги 6-5/20-201-сон маълумотномаси). Мазкур тавсия савдо кластерини ташкил қилиш эвазига савдо хизматлари самарадорлиги ва сифатини оширишга қандай инновацион омиллар таъсир қилганлигига баҳо бериш имкониятини яратган;
савдо хизматларининг ялпи ички маҳсулот ва аҳоли фаровонлигининг ошишига таъсирини аниқлаш имконини берувчи савдо хизмати сифати ва самарадорлиги ҳамда аҳоли фаровонлиги ўртасидаги ўзаро боғлиқликни аниқлаш усулини қўллаш бўйича таклифлар Ўзбекистон Республикаси Президентининг 2019 йил 25 февралдаги “Ўзбекистон Республикасининг халқаро рейтинглар ва индекслардаги ўрнини яхшилаш чора-тадбирлари тўғрисида”ги ПҚ-4210-сон Қарори лойиҳасини ишлаб чиқишда фойдаланилган (Иқтисодиёт ва саноат вазирлигининг 2020 йил 5 февралдаги 6-5/20-201-сон маълумотномаси). Ушбу таклифлар асосида халқаро таснифлагичлар ва мезонларни қўллаган ҳолда савдо хизматлари сифати ва товар айланмаси даврийлигини, ундаги тебранишлар ва ўзгарувчанликни комплекс баҳолаш имконини яратган;
аҳоли фаровонлигини ошириш ва савдо хизматларини ривожлантиришнинг 2019-2025 йилларга мўлжалланган прогноз кўрсаткичларидан Ўзбекистон Республикаси Иқтисодиёт ва саноат вазирлиги Демография, инсон капитали даражаси ва сифатини ошириш департаментида ижтимоий-иқтисодий ривожланишнинг ўрта муддатли дастурини ишлаб чиқишда фойдаланилган (Иқтисодиёт ва саноат вазирлигининг 2020 йил 5 февралдаги 6-5/20-201-сон маълумотномаси). Ушбу прогноз маълумотлар асосида истиқболда аҳоли фаровонлигини ошириш ва унга мос равишда савдо хизматларини ташкил этиш зарурлиги баҳоланган.