Жумаев Иноят Зулфиқоровичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Айрим изохинолин алкалоидларнинг инотроп таъсирини структурага боғлиқ қиёсий тавсифлаш», 03.00.02 – Биофизика ва радиобиология (биология фанлари). 
Диссертация мавзуси рўйхатга олинган рақам: B2017.2.PhD/B64.
Илмий раҳбар: Усманов Пулат Бекмуратович, биология фанлари доктори, профессор. 
Диссертация бажарилган муассаса номи: Ўзбекистон миллий университети ҳузуридаги Биофизика ва биокимё институти.
ИК фаолият кўрсатаётган муассаса номи, ИК рақами: Ўзбекистон миллий университети ҳузуридаги Биофизика ва биокимё институти, DSc.03/30.12.2019.В.01.13.
Расмий оппонентлар: Қурбанназарова Раънохон Шараповна, биология фанлари доктори; Гайипов Улуғбек Гаппаржанович, биология фанлари бўйича фалсафа доктори (PhD)..
Етакчи ташкилот: Андижон давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: айрим изохинолин алкалоидларнинг инотроп таъсирини структурага боғлиқ қиёсий тавсифлашдан иборат.
III. Тадқиқотнинг илмий янгилиги:
F-14, N-14 ва F-24 алкалоидларнинг манфий инотроп фаолликка эга эканлиги аниқланган;
акалоидларнинг манфий инотроп таъсири кардиомиоцитларда Са2+ ионларининг ҳужайра ички камайиши билан боғлиқлиги аниқланган;
F-24, N-14 ва F-14 алкалоидлари антиаритмик таъсир эга эканлиги ва бу эса уларнинг Na+-каналлари блокадаси ҳисобига таъминланиши исботланган;
F-24 алкалоидининг юқори манфий инотроп таъсири унинг структурасида қўшимча диметиламино- гуруҳининг мавжудлиги бўлиб, бунинг натижасида унинг липофиллиги ва шунга мос равишда мембрана фаоллиги ошиши аниқланган. 
IV. Тадқиқот натижаларининг жорий қилиниши. 
Изохинолин алкалоидларнинг (F-14, N-14 ва F-24) инотроп таъсирини структурага боғлиқ қиёсий тавсифлаш бўйича олинган натижалар асосида:
F-14, N-14 ва F-24 алкалоидларининг кардиомиоцитларда [Са2+]in ионлари транспортини модификация қилувчи хоссаларидан ФА-А10-Т086 рақамли «Алкоголизм ва унга боғлиқ асоратларни даволаш ва профилактика қилишнинг янги услубларини ишлаб чиқиш» лойиҳасида алкалоидларининг тромбоцит хужайраларига таъсирини аниқлашда фойдаланилган (Ўзбекистон Республикаси Фанлар академиясининг 2020 йил 17 июндаги 4/1255-1244-сон маълумотномаси). Натижада изохинолин алкалоидларнинг тромбоцит ҳужайраларига протектор таъсир механизмини аниқлаш имконини берган.
изохинолин алкалоидларининг кардиомиоцитларда Са2+-каналларини блок қилувчи хоссаларидан ФА-А10-Т086 рақамли «Алкоголизм ва унга боғлиқ асоратларни даволаш ва профилактика қилишнинг янги услубларини ишлаб чиқиш» лойиҳасида алкалоидларининг гемостаз тизимига таъсир механизмини аниқлашда фойдаланилган (Ўзбекистон Республикаси Фанлар академиясининг 2020 йил 17 июндаги 4/1255-1244-сон маълумотномаси). Натижада алкалоидларнинг гемостаз тизимнинг плазма ва тромбоцит омилларига таъсир механизмини аниқлаш имконини берган.