Бақоев Ҳусан Нуриддиновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): “Ҳудудларда кичик бизнес ва хусусий тадбиркорлик фаолияти ривожланишининг эконометрик тадқиқи (Навоий вилояти мисолида)”, 08.00.06 – Эконометрика ва статистика (иқтисодиёт фанлари).
Диссертация мавзуси рўйхатга олинган рақам: В2020.1.PhD/Iqt1200.
Илмий раҳбар: Ғайибназаров Баҳодир Каримович, иқтисодиёт фанлари доктори, профессор.
Диссертация бажарилган муассаса номи: Навоий давлат кончилик институти.
ИК фаолият кўрсатаётган муассаса номи, ИК рақами: Кадрлар малакасини ошириш ва статистик тадқиқотлар институти, DSc. 29/30.12.2019.I.92.01.
Расмий оппонентлар: Абдуллаев Ёрқин Абдуллаевич, иқтисодиёт фанлари доктори, профессор; Мухитдинов Худаяр Суюнович, иқтисодиёт фанлари доктори.
Етакчи ташкилот: Самарқанд давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: ҳудудларда кичик бизнес ва хусусий  тадбиркорлик фаолиятининг ривожланиши, асосий тенденциялари ҳамда уларга таъсир қилувчи омилларни статистик усуллардаги таҳлилини такомиллаштириш ва эконометрик моделларини тузиш ҳамда прогнозлаш бўйича илмий таклиф ва амалий тавсиялар ишлаб чиқишдан иборат.
III. Тадқиқотнинг илмий янгилиги:
ҳудудларнинг тадбиркорлик соҳасини ривожланиш даражаси, уларнинг асосий тенденцияларидаги ўзгаришларга таъсир этувчи омилларни эконометрик баҳолашни услубий жиҳатлари кичик бизнес соҳасининг интеграл кўрсаткичларни қўллаш асосида такомилллаштирилган;
вилоятдаги ҳар бир шаҳар ва туманлар кесимида кичик бизнес ва хусусий тадбиркорлик субъектларининг ривожланганлик даражаси, инвестиция муҳити, тадбиркорлик салоҳияти ҳамда самарадорлик кўрсаткичлари кўп омилли индекс усулидан фойдаланиш асосида статистик баҳоланган; 
кичик бизнес ва хусусий тадбиркорлик корхоналарининг инновацион ривожланиши ҳамда ташкилий-иқтисодий кўрсаткичлари корхоналар инновацион салоҳиятини баҳолаш услуби асосида такомиллаштирилган; 
ҳудудларда кичик бизнес ва хусусий тадбиркорлик фаолиятининг истиқболдаги ижтимоий-иқтисодий ривожланиши бўйича кўп вариантли эконометрик моделларни қуриш асосида прогнозлар (2020-2025 й.) ишлаб чиқилган.  
IV. Тадқиқот натижаларининг жорий қилиниши. 
Ҳудудларда кичик бизнес ва хусусий тадбиркорлик фаолияти ривожланишининг эконометрик тадқиқи бўйича олинган илмий натижалар асосида: 
ҳудудларнинг тадбиркорлик соҳасини ривожланиш даражаси, уларнинг асосий тенденцияларидаги ўзгаришларга таъсир этувчи омилларни эконометрик баҳолашнинг услубий жиҳатларини кичик бизнес соҳасининг интеграл кўрсаткичлари асосида такомиллаштириш бўйича таклифлар  Ўзбекистон Республикаси Давлат статистика қўмитаси амалиётига жорий этилган (Давлат статистика қўмитасининг 2020 йил 20 мартдаги 01/1-04-18/2-67-сон маълумотномаси). Ушбу таклифлар ҳудудларда кичик тадбиркорлик муҳитининг шаклланиши, ҳудудий-иқтисодий ўсиш ва рақобатбардошлик даражасига таъсирини эконометрик моделлар асосида баҳолаш имконини 8-10 фоизга оширган;
вилоятдаги ҳар бир шаҳар ва туманлар кесимида кичик бизнес ва хусусий тадбиркорлик субъектларининг ривожланганлик даражаси, инвестиция муҳити, тадбиркорлик салоҳияти ҳамда самарадорлик кўрсаткичларини кўп омилли индекс усулидан фойдаланиш асосида статистик баҳолаш бўйича таклифлар Ўзбекистон Республикаси Давлат статистика қўмитаси ҳузуридаги Кадрлар малакасини ошириш ва статистик тадқиқотлар институти амалиётига жорий этилган (Кадрлар малакасини ошириш ва статистик тадқиқотлар институтининг 2020 йил 14 февралдаги  01/1-01-15/2-60-1-сон маълумотномаси). Бунинг натижасида ҳудудда кичик бизнес ва хусусий тадбиркорлик соҳасини ижтимоий-иқтисодий ривожланишини индекс усулидан фойдаланиб, статистик баҳолаш имкониятлари 10,0 фоизга оширган;
кичик бизнес ва хусусий тадбиркорлик корхоналарининг инновацион ривожланиши ҳамда ташкилий-иқтисодий кўрсаткичлари корхоналар инновацион салоҳиятини баҳолаш услуби асосида такомиллаштириш бўйича таклифлар Ўзбекистон Республикаси Иқтисодий тараққиёт ва камбағалликни қисқартириш вазирлиги амалиётига жорий этилган (Иқтисодий тараққиёт ва камбағалликни қисқартириш вазирлигининг 2020 йил 11 июндаги 3-2/20-60-сон маълумотномаси).  Бу эса ҳудудларда кичик бизнес соҳасининг инновацион ривожланиш дастурларининг амалга оширилишида халқаро талаблар ва стандартларга мос келувчи статистик таҳлилнинг замонавий усулларини, кўрсаткичларини, баҳолаш мезонларини қўллаш бўйича статистик услубни такомиллаштириш имконини берган; 
ҳудудларда кичик бизнес ва хусусий тадбиркорлик фаолиятининг истиқболдаги ижтимоий-иқтисодий ривожланиши бўйича кўп вариантли статистик прогнозлар (2020-2025 й.) ишлаб чиқиш бўйича таклифлар Ўзбекистон Республикаси Иқтисодий тараққиёт ва камбағалликни қисқартириш вазирлиги амалиётига жорий этилган (Иқтисодий тараққиёт ва камбағалликни қисқартириш вазирлигининг 2020 йил 11 июндаги 3-2/20-60-сонли маълумотномаси).  Бу эса  ҳудудлардаги кичик бизнес соҳасининг келгусидаги ривожланиш истиқболларини баҳолаш имкониятларини кенгайтирган.