Қодиров Хумоюн Толибжон ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Тикув-трикотаж корхоналари экспорт салоҳиятини халқаро маркетинг стратегиялари асосида ошириш», 08.00.11 - Маркетинг (иқтисодиёт фанлари). 
Диссертация мавзуси рўйхатга олинган рақам: B2018.3.PhD/Iqt747. 
Илмий раҳбар: Солиев Ахмаджон, иқтисодиёт фанлари доктори, профессор.
Диссертация бажарилган муассаса номи: Наманган муҳандислик-технология институти.
ИК фаолият кўрсатаётган муассаса номи, ИК рақами: Тошкент давлат иқтисодиёт университети, DSc.03/10.12.2019.I.16.01. 
Расмий оппонентлар: Икрамов Мурат Акрамович, иқтисодиёт фанлари доктори, профессор; Холмаматов Диёр Хакбердиевич, иқтисодиёт фанлари номзоди, доцент.
Етакчи ташкилот: Тошкент тўқимачилик ва енгил саноат институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: тикув-трикотаж корхоналари экспорт салоҳиятини халқаро маркетинг стратегиялари асосида ривожлантириш бўйича илмий таклиф ва амалий тавсиялар ишлаб чиқишдан иборат.
III. Тадқиқотнинг илмий янгилиги:
пахта-тўқимачилик кластерлари амалиётидаги монополистик ҳолатларнинг олдини олиш мақсадида ҳудудлардаги кичик ишлаб чиқарувчиларга ўзаро манфаатли ҳамкорлик асосида кластерлар ихтиёридаги дастгохлардан фойдаланиш, ип ва матоларини имтиёзли асосда бўяб бериш ҳамда қўшма экспортни ташкил этиш асосланган;
Евроосиё иқтисодий иттифоқи «Божхона Иттифоқи»нинг (ТРТС.007/2011) ва Ўзбекистоннинг (UzTR 148-008:2016) «Енгил саноат маҳсулотлари хавфсизлиги умумий техник регламент»лари ўртасида аниқланган кўрсаткичлардаги тафовутларнинг техник регламенти (ТР)га қўшимча киритиш таклифи асосланган;
географик ва инфратузилма жиҳатдан қулай экспорт бозорларига мослашиш ҳамда улар орқали янги бозорларни ўзлаштириш воситасида тикув-трикотаж маҳсулотлари экспорти логистик харажатларини камайтириш асосланган;
экспорт салоҳияти кўрсаткичларини баҳолашнинг эксперт усулини модификациялаган ҳолда Андижон вилояти тикув-трикотаж корхоналари экспорт фаолиятининг 2025 йилгача эконометрик прогноз кўрсаткичлари ишлаб чиқилган.
IV. Тадқиқот натижаларининг жорий қилиниши. 
Тикув-трикотаж маҳсулотлари ишлаб чиқарувчи корхоналар экспорт салоҳиятини ошириш бўйича олинган илмий натижалар асосида:
пахта-тўқимачилик кластерлари амалиётида монополистик ҳолатларнинг олдини олиш мақсадида ҳудудлардаги кичик ишлаб чиқарувчиларга ўзаро манфаатли ҳамкорлик асосида кластерлар ихтиёридаги дастгохлардан фойдаланиш, ип ва матоларни имтиёзли асосда бўяб бериш ҳамда қўшма экспорт амалиётини ташкил этиш бўйича ишлаб чиқилган тавсиялар Андижон вилояти Монополияга қарши курашиш ҳудудий бошқармаси фаолиятига жорий этилган (Андижон вилояти Монополияга қарши курашиш ҳудудий бошқармасининг 2019 йил 25 ноябрдаги  932/01-01-сон маълумотномаси). Натижада туманлар ҳокимликлари билан ҳамкорликда махсус дастур асосида иш олиб бориш режаси ишлаб чиқилган;
Евроосиё иқтисодий иттифоқи «Божхона Иттифоқи»нинг (ТРТС.007/2011) ва Ўзбекистоннинг (UzTR 148-008:2016) «Енгил саноат маҳсулотлари хавфсизлиги умумий техник регламент»лари ўртасида муаллиф томонидан «O‘zto‘qimachiliksanoat» уюшмаси аъзоси бўлган «Max Textile» МЧЖ ва «Tekstil plys» ХКда аниқланган кўрсаткичларидаги тафовутлар бўйича техник регламент(ТР)га қўшимча киритиш таклифи Андижон синов ва сертификатлаштириш маркази томонидан амалиётга жорий этилган. («O‘zto‘qimachiliksanoat» уюшмасининг 2019 йил 20 декабрдаги 04/18-5113-сон маълумотномаси). Натижада Андижон синов ва сертификатлаштириш маркази томонидан техник регламент (ТР)га қўшимча киритиш таклифи берилган;
географик ва инфратузилма жиҳатдан қулай экспорт бозорларига мослашиш ҳамда улар орқали янги бозорларни ўзлаштириш воситасида тикув-трикотаж маҳсулотлари экспорти логистик харажатларини камайтириш бўйича тавсиялар «O‘zto‘qimachiliksanoat» уюшмаси таркибига кирувчи «Nil-Granit» МЧЖ фаолиятига жорий этилган («O‘zto‘qimachiliksanoat» уюшмасининг 2019 йил 20 декабрдаги 04/18-5113-сон маълумотномаси). Натижада жамиятнинг экспорти ҳажми 2018 йилда 2017 йилга нисбатан 208,7 %га ошган; 
тикув-трикотаж корхоналари экспорт салоҳияти кўрсаткичларини баҳолашнинг эксперт усулига қўшимча киритилган ҳолда Андижон вилоятида 2025 йилгача эконометрик прогноз кўрсаткичлари бўйича ишлаб чиқилган таклиф «O‘zto‘qimachiliksanoat» уюшмаси таркибига кирувчи «Inwestteks» МЧЖ шаклидаги қўшма корхона фаолиятига жорий этилган («O‘zto‘qimachiliksanoat» уюшмасининг 2019 йил 20 декабрдаги 04/18-5113-сон маълумотномаси). Натижада жамиятнинг меҳнат унумдорлиги 2018 йилда   2017 йилга нисбатан 8 %дан ошган.