Қодиров Махмуджон Мухаммаджоновичнинг фалсафа доктори (PhD) диссертацияси ҳимояси ҳақида эълон
 
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Бўлажак технологик таълим ўқитувчиларининг касбий сифатларини шакллантириш», 13.00.02 – Таълим ва тарбия назарияси ва методикаси (технология) (педагогика фанлари).
Диссертация мавзуси рўйхатга олинган рақам: B2020.1.PhD/Ped62.
Илмий раҳбар: Муслимов Нарзулла Алиханович, педагогика фанлари доктори, профессор.
Диссертация бажарилган муассаса номи: Тошкент давлат педагогика университети.
ИК фаолият кўрсатаётган муассаса номи, ИК рақами: Тошкент давлат педагогика университети ҳузуридаги DSc.03/30.01.2020.Ped.26.01 рақамли илмий кенгаш асосидаги бир марталик кенгаш.
Расмий оппонентлар: Химматалиев Дўстназар Омонович, педагогика фанлари доктори (DSc); Жўраев Ҳусниддин Олтинбойевич, педагогика фанлари доктори (DSc), доцент.
Етакчи ташкилот: Гулистон давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: бўлажак технологик таълим ўқитувчиларининг касбий сифатларини шакллантириш методикасини такомиллаштиришдан иборат.
III. Тадқиқотнинг илмий янгилиги:
бўлажак технологик таълим ўқитувчиларининг (мотивацион, конструктив, ташкилотчилик, бошқарувчилик, меҳнатсеварлик, интизомлилик, ишлаб чиқариш-технологик каби) касбий сифатлари операционал технологик функцияларнинг хусусиятларини педагогик рефлекция тамойилларига ўзаро ўқув ва амалий вазиятларни интеграциялаш асосида такомиллаштирилган;
касбий компетенцияга йўналтирилган фаолият тузилмаси гностик, индивидуал-психологик хислатлар ва умумкасбий муҳим сифатларни моделлаштириш орқали интерфаоллаштириш босқичлари мазмунини технологик таълим ўқитувчиларининг касбий сифатларини белгилаш асосида такомиллаштирилган;
интерфаол методлар (Case-study, ролли ўйинлар, SMART texnology), рефлексив ёндашувларни лойиҳалаштириш асосида бўлажак технологик таълим ўқитувчиларининг касбий сифатларини шакллантириш модели технологик таълим ўқитувчисига қўйилган талаблар асосида такомиллаштирилган;
бўлажак технологик таълим ўқитувчиларининг касбий сифатларини креатив фикрлаш асосида ривожлантириш ҳамда касбий сифатларнинг шаклланганлик даражаси мезонлари дифференциал-интеграл методлар асосида такомиллаштирилган.
IV. Тадқиқот натижаларининг жорий қилиниши.
Бўлажак технологик таълим ўқитувчиларининг касбий сифатларини шакллантириш бўйича  олинган илмий натижалари асосида:
бўлажак технологик таълим ўқитувчиларининг касбий сифатларини  шакллантиришга хизмат қилувчи операционал технологик ва касбий функцияларига оид таклифлар 2014 йил 12 августда “Ўзстандарт” агентлиги томонидан тасдиқланган бакалавриат йўналишларининг №1-2570-сонли Давлат таълим стандарти мазмунига сингдирилган (Ўзбекистон Республикаси Олий ва ўрта махсус таълим вазирлигининг 2019 йил 15 ноябрдаги 89-03-4444-сон маълумотномаси). Натижада олий таълим муассасалари битирувчиларига қўйиладиган малака талаблари, ўқув дастурлари, дарслик ва ўқув қўлланмалар мазмуни такомиллаштирилган;
касбий компетенцияга йўналтирилган фаолият тузилмасини интерфаоллаштириш босқичлари ҳамда интерфаол методлар асосида бўлажак технологик таълим ўқитувчиларининг касбий сифатларини шакллантиришга оид таклифлар асосида Касб таълими (меҳнат таълими) йўналиши талабалари учун мўлжалланган “Ҳаёт фаолияти хавфсизлиги” ўқув қўлланмаси ишлаб чиқилган (Ўзбекистон Республикаси Олий ва ўрта махсус таълим вазирлигининг 2009 йил 26 февралдаги 51-сонли буйруғи, 272 рақамли гувоҳномаси). Натижада технологик таълим ўқитувчиларини инновацион педагогик фаолиятга тайёрлаш ва уларда касбий сифатларни шакллантириш самараси ортган;
бўлажак технологик таълим ўқитувчиларининг касбий сифатларини шакллантиришнинг ташкилий-педагогик тузилмасини интеграл методлар асосида такомиллаштириш бўйича таклифлар 2012-2014 йилларда бажарилган “Касб таълими мазмунини модернизациялаш асосида ўқитувчилар касбий компетентлигини шакллантириш технологияси” мавзусидаги амалий лойиҳа доирасида белгиланган вазифалар ижросини таъминлашда фойдаланилган (Ўзбекистон Республикаси Олий ва ўрта махсус таълим вазирлигининг 2019 йил 15 ноябрдаги 89-03-4444-сон маълумотномаси). Натижада, бўлажак технологик таълим ўқитувчиларининг касбий сифатларини шакллантириш моделини яратишга хизмат этган.