Абдуллаева Мохима Абдуллаевнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Эндоваскуляр технологиялар ёрдамида ҳомиладорлардаги митрал тешик стенозини даволаш тактикасининг хусусиятлари», 14.00.34 – Юрак - қон томир хирургияси (тиббиёт фанлари).
Диссертация мавзуси рўйхатга олинган рақам: B2018.1.PhD/Tib522. 
Илмий раҳбар: Зуфаров Миржамол Мирумарович, тиббиёт фанлари доктори, профессор.
Диссертация бажарилган муассаса номи: Академик В.Воҳидов номидаги Республика ихтисослаштирилган хирургия илмий-амалий тиббиёт маркази.
ИК фаолият кўрсатаётган муассаса номи, ИК рақами: Академик В.Воҳидов номидаги Республика ихтисослаштирилган хирургия илмий-амалий тиббиёт маркази, DSc.04/30.12.2019.Tib.49.01.
Расмий оппонентлар: Алиев Шерзод Махмудович, тиббиёт фанлари доктори; Ярбеков Рустам Раимкулович, тиббиёт фанлари доктори. 
Етакчи ташкилот: Республика ихтисослаштирилган терапия ва тиббий реабилитация илмий амалий тиббиёт маркази.
Диссертация йўналиши: амалий аҳамиятга молик.
II. Тадқиқотнинг мақсади: интервенцион технологиялардан фойдаланган ҳолда митрал стеноз билан ҳомиладорларни даволаш натижаларини яхшилашдан иборат. 
III. Тадқиқотнинг илмий янгилиги:
хомиладорларда митрал стеноз кечишининг оғирлигига ва гемодинамик бузилишларига қараб юрак фаолиятининг анатом-функционал кўрсаткичларини патогномоник хусусиятлари аниқланган;
митрал стенозда баллонли вальвулопластикадан олдин ва кейин чап бўлмачадаги юқори босим кўрсаткичлари билан фертил ёшдаги аёлларга нисбатан нуқсон кечишининг оғирлиги дастлаб паст даражада бўлиши билан характерланадиган клиник функционал бузилишлар ривожланишига ҳомиладорликнинг таъсири асосланган;
ҳомиладорларда митрал стеноз кечишининг оғирлигига қараб бачадон-плацента қон айланиши гемодинамик хусусиятлари a.umblicalis, a.uterina dextra ва a.uterina sinistra да резистентлик индексини характерли ўзгаришларига кўра томир қаршилиги даражаларини текшириш билан аниқланган;
митрал стеноз билан ҳомиладорларда баллонли вальвулопластиканинг самарадорлиги нуқсоннинг патологик кўринишлари регрессия даражаларини текшириш билан ҳомила ҳолати динамикасини баҳолаш ва ҳомиладорликни оптимал муддатларда туғруққача сақлаб қолиш имкониятларига қараб аниқланган;
баллонли вальвулопластикани митрал стенози бор II-III триместрдаги ҳомиладорларда махсус ва акушерлик асоратлар хавфини анча камайтирганлиги ва гемодинамикага кўра ёпиқ митрал комиссуротомиядан фарқ қилмаслиги исботланган.
IV. Тадқиқот натижаларининг жорий қилиниши.
Митрал тешик стенози билан ҳомиладорларни даволашга бағишланган илмий тадқиқот натижаларига кўра:
«Митрал стеноз билан беморларни даволаш тактикасини танлаш» услубий тавсияномаси тасдиқланган (Соғлиқни сақлаш вазирлигининг 2020 йил 2 июлдаги 8н-з/70-сонли маълумотномаси). Ишлаб чиқилган тавсияларни амалиётда қўллаш митрал стеноз билан ҳомиладорларни даволаш натижаларини яхшилаш имконини берган;
«Митрал стеноз билан ҳомиладорларда ташхислаш ва даволаш тактикасини танлаш учун дастур» электрон ҳисоблаш машинаси учун дастури тасдиқланган (Соғлиқни сақлаш вазирлигининг 2020 йил 2 июлдаги 8н-з/70-сонли маълумотномаси). Ишлаб чиқилган дастур митрал тешик стенози билан ҳомиладорларда ташхислаш босқичларини оптималлаштириш имконини берган;
олинган илмий натижалар соғлиқни сақлаш амалиётига, шу жумладан, «Академик В.Воҳидов номидаги Республика ихтисослаштирилган илмий-амалий хирургия тиббиёт маркази» Давлат муассасаси рентгеноэндоваскуляр хирургия ва юрак ритми бузилиши бўлими, Наманган вилоят кардиология маркази юрак-қон томир хирургияси бўлими ва У.Халмуратов номидаги Қорақолпоғистон Республикаси кўп тармоқли тиббиёт марказининг амалий фаолиятига (Соғлиқни сақлаш вазирлигининг 2020 йил 2 июлдаги 8н-з/70-сонли маълумотномаси) тадбиқ этилган. Таклиф этилган тавсиялар акушерлик асоратлари ривожланиш хавфини камайтириш, яхши ва қониқарли натижаларни 92,3% дан 100% гача ошириш ва натижада  қониқарсиз натижалар (7,7% дан) ва ўлим кўрсаткичини (3,8% дан) бартараф қилиш имконини берган.