Қузиев Улуғбек Таджиевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри: “Боғ дарахтлари илдиз тизимига суюлтирилган ўғитларни қуядиган ишчи қисм параметрларини асослаш”, 05.07.01–Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: В2018.4.PhD/Т943.
Илмий раҳбар: Худаяров Бердирасул Мирзаевич, техника фанлари доктори.
Диссертация бажарилган муассаса номи: Тошкент ирригация ва қишлоқ хўжалигини механизациялаш муҳандислари институти.
ИК фаолият кўрсатаётган муассаса номи, ИК рақами: Тошкент ирригация ва қишлоқ хўжалигини механизациялаш муҳандислари институти, DSс.03/30.12.2019.Т.10.01.
Расмий оппонентлар: Нуриев Карим Катибович, техника фанлари доктори, профессор; Мусурмонов Аззам Турдиевич, техника фанлари доктори, доцент. 
Етакчи ташкилот: Қишлоқ хўжалигини механизациялаш илмий-тадқиқот институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: боғ дарахтларнинг илдиз тизимига ўғит шарбатини белгиланган чуқурликда ва миқдорда қуйишни таъминлайдиган ишчи қисмнинг параметрларини асослашдан иборат.
III. Тадқиқотнинг илмий янгилиги: 
мевали дарахтлар илдиз тизимига ўғит шарбатини локал қуядиган кўп функцияли ишчи қисмнинг янги конструкцияси ишлаб чиқилган;
агрегат тезлигига мос ўғит шарбатини тўкилишини таъминлайдиган кинематик режим кўрсаткичи аналитик боғланишлар асосида аниқланган;
ишчи қисмнинг ҳар бир дарахт илдиз тизимига бериладиган ўғит шарбати жойлашадиган ҳажмни ҳосил қиладиган параметрлари аналитик боғланишлар асосида аниқланган;
ишчи қисмнинг периметри бўйича палахсани қирқишда кам энергия сарфини таъминлайдиган параметрлари аналитик боғланишлар асосида аниқланган.
IV. Тадқиқот натижаларининг жорий қилиниши. Мевали дарахтлар илдиз тизимига ўғит шарбатини локал қуядиган кўп функцияли ишчи қисмни ишлаб чиқиш ва параметрларини асослаш бўйича олинган натижалар асосида:
мевали дарахтлар илдиз тизимига ўғит шарбатини локал қуядиган кўп функцияли ишчи қисм конструкцияси Қибрай тумани фермер хўжаликларида жорий этилган (Ўзбекистон Республикаси Қишлоқ хўжалиги вазирлигининг 2020 йил 13 январдаги 02/023-117-сон маълумотномаси). Натижада бир гектар майдонга сарфланадиган ёнилғи мойлаш материалларини 36,4 фоиз, меҳнат сарфини 36,0 фоиз камайишига эришилган;
боғ дарахтларини озиқлантириш учун бир йўла эгат очадиган, гўнг шарбатини қуядиган ва кўмадиган чўмичсимон ишчи қисм конструкцияси Ўртачирчиқ тумани фермер хўжаликларида жорий этилган (Ўзбекистон Республикаси Қишлоқ хўжалиги вазирлигининг 2020 йил 13 январдаги 02/023-117-сон маълумотномаси). Натижада бир гектар майдонга эксплуатацион харажатлар 41,8 фоизгача камайтириш имкони яратилган;
боғ дарахтлари илдиз тизимига тайинланган миқдорда, белгиланган масофа ва чуқурликда гўнг шарбатини қуядиган ишчи қисм ишлаб чиқаришни ўзлаштириш учун лойиҳа-конструкторлик ҳужжатлари (техникавий шартлар ва чизмалар) “BMKB-Agromash” АЖда лойиҳалаш жараёнига жорий этилган (Ўзбекистон Республикаси Қишлоқ хўжалиги вазирлигининг 2020 йил 13 январдаги 02/023-117-сон маълумотномаси). Натижада мевали дарахтлар илдиз тизимига ўғит шарбатини қуядиган машинанинг ишчи қисм конструкциясини ишлаб чиқиш имкони яратилган.