Мустапоқулов Хамдам Янгибоевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Тақсимланган параметрли системаларда эволюцион жараёнларнинг бошқариш масалаларини ечиш”, 01.01.02–Дифференциал тенгламалар ва математик физика (физика-математика фанлари).
Диссертация мавзуси рўйхатга олинган рақам: B2017.1.PhD/FM9.
Илмий раҳбар: Тўхтасинов Мўминжон, физика-математика фанлари доктори, профессор.
Диссертация бажарилган муассаса номи: Ўзбекистон Миллий университети.
ИК фаолият кўрсатаётган муассаса номи, ИК рақами: Фарғона давлат университети, PhD.03/30.12.2019.FM.05.04.
Расмий оппонентлар: Саматов Бахром Таджиахматович, физика-математика фанлари доктори, профессор; Рахманов Асқар Тажибаевич, физика-математика фанлари номзоди, доцент.
Етакчи ташкилот: ЎзР ФА Математика институти. 
Диссертация йўналиши: назарий аҳамиятга молик.
II. Тадқиқотнинг мақсади: параболик ва гиперболик типдаги тенгламалар билан тавсифланган бошқарув системаларига нисбатан кўп қийматли акслантиришнинг инвариантлигини ўрганиш, чексиз дифференциал тенгламалар системаси орқали берилган бошқарув масалалари учун бошланғич нуқтадан нол нуқтага ўтиш учун оптимал бошқарувни қуриш ва оптимал вақтни аниқлашдан иборат.
III. Тадқиқотнинг илмий янгилиги:
манба орқали бошқариладиган параболик типдаги тенгламалар билан тавсифланган бошқарув системаларига нисбатан инвариантлиги текширилаётган кўп қийматли акслантириш икки сирт оралиғи кўринишида танланганда, хусусан текисликлар бўлганда, кучли ва кучсиз инвариант бўлишлигининг зарурий шартлари олинган;
манба ёки чегара бошқариладиган параболик типдаги тенгламалар билан тавсифланган бошқарув системаларига нисбатан инвариантлиги текширилаёт-ган ўзгармас кўп қийматли акслантиришлар, жоиз бошқарув интеграл ва геометрик чегаралар орқали танланганда кўп қийматли акслантиришнинг кучли ва кучсиз инвариант бўлишлигининг етарлилик шартлари олинган;
ташқи таъсир ёки чегараси бошқариладиган гиперболик типдаги тенгламалар билан тавсифланган бошқарув системаларига нисбатан инвариантлиги текширилаётган кўп қийматли акслантиришлар ва жоиз бошқарув интеграл ва геометрик чегаралалар орқали танланганда кўп қийматли акслантиришнинг кучли ва кучсиз инвариант бўлишининг етарлилик шартлари олинган;
гиперболик типдаги тенгламалар билан тавсифланган бошланғич бошқарув масаласига нисбатан берилган кўп қийматли акслантиришнинг кучли инвариант бўла олмаслик шарти, аммо доимо кучсиз инвариант бўлишлиги кўрсатилган;
бошқарувнинг таъсири импульсли характерга эга параболик типдаги тенгламалар билан тавсифланган бошқарув системаларига нисбатан кўп қийматли акслантиришнинг кучли ва кучсиз инвариант бўлишлигининг етарлилик шартлари топилган;
чексиз дифференциал тенгламалар системаси орқали тавсифланган бошқарув масаласи учун бошланғич нуқтадан нол нуқтага ўтказувчи оптимал вақт ва бошқарув топилган.
IV. Тадқиқот натижаларининг жорий қилиниши. Тақсимланган параметрли системаларда эволюцион жараёнларнинг бошқариш масалаларини ечишга оид олинган илмий натижалар асосида:
тақсимланган параметрли системаларга нисбатан кўп қийматли акслантиришнинг инвариантлиги бўйича олинган натижалар Россия фундаментал тадқиқотлар фондининг 18-51-41005 ва Россия илмий фондининг 1.5211.201718 рақамли илмий грантларида хусусий ҳосилали тенгламалар билан тавсифланган тақсимланган параметрли бошқарув системалариги нисбатан ечимнинг яшовчанликка текширишда фойдаланилган (Удмурт давлат университетининг 2019 йил 3 июндаги 7873-5939/31-сон маълумотномаси). Илмий натижаларнинг қўлланилиши тақсимланган параметрли системаларда эволюцион жараёнларнинг траекториясини берилган соҳада сақлаб туриш муаммосини ҳал этиш имконини берган;
чексиз дифференциал тенгламалар орқали тавсифланган бошқарув системалари учун бошланғич нуқтадан нол нуқтага ўтиш мумкин бўлган оптимал вақт ва бошқарувни топиш масаласини ечиш бўйича олинган натижалар ОТ-Ф-4-(36+32) «Математик физика ва оптимал бошқарув масалаларини ечишнинг янги усулларини ишлаб чиқиш. Тоқ тартибли хусусий хосилали тенгламалар учун ноклассик бошланғич ва спектрал масалалар ва уларнинг тадбиқлари» грант лойиҳада ночизиқли бошқарилувчи қувиш дифференциал ўйинларни тадқиқ қилишда фойдаланилган (Ўзбекистон Республикаси Олий ва ўрта махсус таълим вазирлигининг 2020 йил 14 январдаги 89-03-206-сон маълумотномаси). Бу илмий натижаларнинг қўлланилиши параболик типдаги тенгламалар билан тавсифланган ночизиқли бошқарилувчи дифференциал ўйинларни ечишнинг янги усулларини яратиш имконини берган.