Эрбоев Шавкат Очилтошевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Темир йўлларда эксплуатация қилинаётган темирбетон кўприклар юк кўтариш қобилиятини техник диагностика асосида аниқлаш усулларини такомиллаштириш”, 05.09.02 – Асослар, пойдеворлар ва ер ости иншоотлари. Кўприклар ва транспорт тоннеллари. Йўллар, метрополитенлар (техника фанлари).
Диссертация мавзуси рўйхатга олинган рақам: В2020.2.PhD/Т827.
Илмий раҳбар: Ишанходжаев Абдурахмон Асимович, техника фанлари доктори, профессор.
Диссертация бажарилган муассаса номи: Тошкент автомобиль йўлларини лойиҳалаш, қуриш ва эксплуатацияси институти.
ИК фаолият кўрсатаётган муассаса номи, ИК рақами: Тошкент автомобиль йўлларини лойиҳалаш, қуриш ва эксплутацияси институти ҳузуридаги DSc.18/30.12.2019.Т.09.01. 
Расмий оппонентлар: Хасанов Аскар Забиевич, техника фанлари доктори, профессор; Байбулатов Хайрулла Абсадикович, техника фанлари номзоди, доцент. 
Етакчи ташкилот: Тошкент архитектура-қурилиш институти.
Диссертация йўналиши:назарий ва амалий аҳамиятга молик.
II. Тадқиқотнинг мақсади: темир йўлларда эксплуатация қилинаётган темирбетон кўприклар юк кўтариш қобилиятини техник диагностика асосида аниқлаш усулини такомиллаштиришдан иборат. 
III. Тадқиқотнинг илмий янгилиги: 
техник кўрик натижалари бўйича темир йўл кўприклари оралиқ қурилма ва таянчларининг эксплуатацияга яроқлилигини, улардаги нуқсонлар тавсифларини балли баҳолаш усулини такомиллаштириш асосида аниқлаш таклиф этилган;
кўприк оралиқ қурилма ва таянчларининг юк кўтариш қобилиятларига таъсир қилувчи бетон ва арматура коррозия даражасини ҳисобга олган ҳолда ифодалар таклиф қилинган;
техник диагностика натижалари бўйича кўприк оралиқ қурилма ва таянчларининг юк кўтариш қобилиятини сейсмик таъсирларни ҳисобга олган ҳолда аниқлаш усули яратилган;
эксплуатация қилинаётган темир йўл кўприклари техник ҳолати мониторинги такомиллаштирилган.
IV. Тадқиқот натижаларининг жорий қилиниши. Эксплуатация қилинаётган темирбетон кўприклар юк кўтариш қобилиятини техник диагностика асосида аниқлаш усулларини такомиллаштириш бўйича олинган натижалар асосида:
техник кўрик натижалари бўйича темир йўл кўприклари оралиқ қурилма ва таянчларининг эксплуатацияга яроқлилигини аниқлашнинг техник диагностика усули такомиллаштирилган, «Ўзбекистон темир йўллари» АЖ “Йўл хўжалиги бошқармаси” №ПИ-18/14 фармойиши асосида Тошкент – Янгиер ва Джизак – Самарқанд оралиғидаги сунъий иншоотларни техник диагностика қилиш ва инструментал тадқиқот олиб боришда амалиётга жорий этилган («Ўзбекистон темир йўллари» АЖнинг 2019 йил 24 майдаги Н/3262-19-сон маълумотномаси). Илмий тадқиқот натижасида, темир йўл кўприклари конструкцияларининг техник ҳолатини балли баҳолаш мезони такомиллаштирилган. Бу мезон асосида оралиқ қурилма ва таянчларнинг ҳолатини олдиндан баҳолаш имкони яратилган;
кўприк оралиқ қурилма ва таянчларининг юк кўтариш қобилиятларини аниқлаш ифодаси такомиллаштирилган, Тошкент шахар «UZRO’PRIKLOYIHA» маъсулияти чекланган жамиятини «Ўзбекистон темир йўллари» АЖ “Йўл хўжалиги бошқармаси” билан тузилган шартномаси асосида Тошкент – Самарқанд темир йўл линияси 3641+028 км даги кўприкда амалиётга жорий этилган («Ўзбекистон темир йўллари» АЖнинг 2019 йил 24 майдаги Н/3262-19-сон маълумотномаси). Илмий тадқиқот натижасида, такомиллаштирилган хисоблаш формуласи кўприк оралиқ қурилма ва таянчларининг қолдиқ юк кўтариш қобилиятини аниқлаш имконини берган;
техник диагностика натижалари бўйича кўприк оралиқ қурилма ва таянчларининг юк кўтариш қобилиятини сейсмик таъсирларни ҳисобга олган ҳолда аниқлаш усули, Тошкент шаҳар «UZRO’PRIKLOYIHA» маъсулияти чекланган жамиятини «Ўзбекистон темир йўллари» АЖ “Йўл хўжалиги бошқармаси” билан тузилган шартномаси асосида Тошкент – Самарқанд темир йўл линияси 3648+602 км даги кўприкда амалиётга жорий этилган ва мутахасислар томонидан тайёрланаётган “Темир йўллардаги темирбетон кўприклар оралиқ қурилмаларини юк кўтариш қобилятини аниқлаш” бўйича кўрсатмага қабул қилинган («Ўзбекистон темир йўллари» АЖнинг 2019 йил 24 майдаги Н/3262-19-сон маълумотномаси). Илмий тадқиқотлар натижасида, кўприк оралиқ қурилма ва таянчларининг юк кўтариш қобилиятини сейсмик таъсирларни ҳисобга олган ҳолда таҳлил қилиш имкони яратилган;
эксплуатация қилинаётган темир йўл кўприклар техник ҳолати мониторинги бўйича компьютер дастури такомиллаштирилган, Тошкент шахар «UZRO’PRIKLOYIHA» маъсулияти чекланган жамияти маълумотномаси №15 Тошкент – Самарқанд темир йўл линияси 3738+025 км даги кўприкда амалиётга жорий этилган («Ўзбекистон темир йўллари» АЖнинг 2019 йил 24 майдаги Н/3262-19-сон маълумотномаси). Илмий тадқиқотлар натижасида, такомиллаштирилган компьютер дастури маълумотлар баъзаси бўйича кўприклар техник ҳолатини тизимли равишда мониторинг қилиш имконияти яратилган.