Бабаев Асқар Рўзибадаловичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Гидротранспорт жараёнида оқим параметрларини ҳисоблаш усулини такомиллаштириш», 05.09.07 – Гидравлика ва муҳандислик гидрологияси (техника фанлари).
Диссертация мавзуси рўйхатга олинган рақам: B2020.2.PhD/T833.
Илмий раҳбар: Арифжанов Айбек Мухамеджанович, техника фанлари доктори, профессор.
Диссертация бажарилган муассасалар номи: Тошкент темир йўл муҳандислари институти ва Тошкент ирригация ва қишлоқ хўжалигини механизациялаш муҳандислари институти.
ИК фаолият кўрсатаётган муассаса номи: Тошкент темир йўл муҳандислари институти, DSс 15/27.02.2020.Т.73.02.
Расмий оппонентлар: Хужаев Исматилло Қушаевич, техника фанлари доктори, профессор; Баҳодиров Азизбек Абдулазизович, техника фанлари доктори, профессор.
Етакчи ташкилот: Тошкент архитектура-қурилиш институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: напорли қувурларда лойқали оқимларнинг кинематик ва динамик параметрларини ҳисоблаш усулини лойқали оқимларнинг механик таркиби ва миқдорини ўзгарувчанлигини инобатга олиб такомиллаштиришдан иборат.
III. Тадқиқотнинг илмий янгилиги:
напорли қувурларда лойқали оқимнинг ҳаракат модели лойқали оқимнинг таркибий қисмини инобатга олиб ишлаб чиқилган;
напорли қувурларда лойқали оқимнинг кинематик параметрларини ҳисоблаш методи, лойқалик миқдорини ва фракцион таркибини инобатга олиб такомиллаштирилган;
лойқали оқимнинг напорли қувурларда ҳаракати модели асосида оқимнинг ташувчанлик қобилиятини ҳисоблаш услуби такомиллаштирилган;
напорли қувурларнинг энергетик параметрларини ҳисоблаш усули лойқали оқимларнинг гидравлик қаршиликларини инобатга олган ҳолда такомиллаштирилган.
IV. Тадқиқот натижаларининг жорий қилиниши:
Гидротранспорт жараёнида оқим параметрларини ҳисоблаш усулини такомиллаштириш бўйича олинган натижалар асосида:
напорли қувурларда лойқали оқимнинг кинематик праметрларини ҳисоблаш методи Олмалиқ КМК 2-мис бойитиш фабрикасининг напорли қувурларида амалиётга жорий этилган (Олмалиқ кон-металлургия комбинати АЖнинг 2019 йил 18 ноябрдаги АА-08344-сон маълумотномаси). Натижада напорли қувурларда қаттиқ заррачаларни ўтказиш жараёнида иш унумдорлигини 25% гача ошириш имконини берган;
напорли қувурларда лойқали оқимнинг фракцион таркибини инобатга олиб кинематик параметрларини ҳисоблаш методи Олмалиқ КМК 2-мис бойитиш фабрикасида амалиётга жорий этилган (Олмалиқ кон-металлургия комбинати АЖнинг 2019 йил 18 ноябрдаги АА-08344-сон маълумотномаси). Натижада лойқали оқимнинг фракцион таркибининг ўзгаришини инобатга олувчи критик тезлик топилган ва лойқали оқимнинг аниқ миқдорини ҳисоблаш имконини берган;
напорли қувурларда лойқали оқимларнинг гидравлик қаршиликларга таъсирини энергетик параметрларини ҳисоблаш усули Олмалиқ КМК 2-мис бойитиш фабрикасида амалиётга жорий этилган (Олмалиқ кон-металлургия комбинати АЖнинг 2019 йил 18 ноябрдаги АА-08344-сон маълумотномаси). Натижада лойқали оқимнинг гидравлик қаршиликларни минимум даражага етказиш орқали 20% гача энергия тежаш имконини берган.