Narzullaev Olim Xolmamatovichning
fan doktori (DSc) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «O‘zbekistonda biologik resurslarni muhofaza qilish va ulardan foydalanishni huquqiy tartibga solishni takomillashtirish», 12.00.06 – Tabiiy resurslar huquqi. Agrar huquq. Ekologik huquq (yuridik fanlar).
Dissertatsiya mavzusi ro‘yxatga olingan raqam: B2020.2./Yu61.
Dissertatsiya bajarilgan muassasa nomi: Toshkent davlat yuridik universiteti. 
IK faoliyat ko‘rsatayotgan muassasa nomi, IK raqami: Toshkent davlat yuridik universiteti, DSc.07/30.12.2019.Yu.22.01.
Rasmiy opponentlar: Usmonov Muhammadi Baxritdinovich, yuridik fanlar doktori, professor; Imomov Nurillo Fayzullaevich, yuridik fanlar doktori, professor; Kamalov Oybek Axmatovich, yuridik fanlar doktori, professor. 
Yetakchi tashkilot: O‘zbekiston Respublikasi Sud`yalar oliy kengashi huzuridagi Sud`yalar oliy maktabi.
Dissertatsiya yo‘nalishi: nazariy va amaliy ahamiyatga molik. 
II. Tadqiqotning maqsadi O‘zbekistonda biologik resurslarni muhofaza qilish va ulardan foydalanishni huquqiy tartibga solish bilan bog‘liq huquqiy munosabatlarni kompleks tahlil qilish asosida ekologiya to‘g‘risidagi qonun hujjatlarini takomillashtirish hamda huquqni qo‘llash amaliyotining samaradorligini ta’minlash bo‘yicha ilmiy-amaliy taklif va tavsiyalar ishlab chiqishdan iborat.
III. Tadqiqotning ilmiy yangiligi:
O‘zbekiston Respublikasi hududida tabiiy muhitda o‘sadigan yoki sun’iy yaratilgan sharoitlarda etishtiriladigan barcha turdagi yovvoyi o‘simliklar majmui o‘simlik dunyosi hisoblanishi asoslangan;
o‘simlik dunyosini muhofaza qilish va undan oqilona foydalanishni ta’minlash sohasida O‘zbekiston Respublikasi Fanlar akademiyasi ilmiy-tadqiqot muassasi sifatida ishtirok etishi zarurligi asoslangan;
O‘zbekiston Respublikasi Ekologiya va atrof-muhitni muhofaza qilish davlat qo‘mitasi hamda O‘zbekiston Respublikasi O‘rmon xo‘jaligi tomonidan tabiiy sharoitlarda tiklash hamda takror ko‘paytirish imkoniyati bo‘lmagan kamyob va yo‘qolib ketish xavfi ostida turgan yovvoyi hayvonlarni saqlab qolish maqsadida ularni ko‘payishi uchun zarur shart-sharoitlar yaratishi lozimligi asoslab berilgan;
davlat o‘rmon kadastri O‘zbekiston Respublikasi hududida joylashgan barcha o‘rmonlar, ularning geografik o‘rni, huquqiy rejimi, miqdoriy va sifat tavsiflari hamda iqtisodiy bahosi to‘g‘risidagi yangilab boriladigan ishonchli kadastr axboroti tizimidan iborat bo‘lishi lozimligi asoslangan;
o‘rmonlar ekologik (tuproqni muhofaza qilish, suvni muhofaza qilish, o‘simlik va hayvonot dunyosini hamda boshqa tabiiy resurslarni muhofaza qilish, himoya, sanitariya-gigiena, sog‘lomlashtirish, rekreatsiya) va ijtimoiy-iqtisodiy vazifalarni bajarishi asoslab berilgan;
fuqarolarning o‘zini o‘zi boshqarish organlari, nodavlat notijorat tashkilotlari va fuqarolar o‘rmonlarni muhofaza qilish, himoya qilish, ko‘paytirish, takroriy ko‘paytirish, qayta tiklash, ularning mahsuldorligini oshirish va ulardan foydalanish bo‘yicha jamoatchilik nazoratini amalga oshirishi asoslangan.
IV. Tadqiqot natijalarining joriy qilinishi. 
O‘zbekistonda biologik resurslarni muhofaza qilish va ulardan foydalanishni huquqiy tartibga solishni takomillashtirish bo‘yicha  olingan ilmiy natijalar asosida:
O‘zbekiston Respublikasi hududida tabiiy muhitda o‘sadigan yoki sun’iy yaratilgan sharoitlarda etishtiriladigan barcha  turdagi yovvoyi o‘simliklar majmui o‘simlik dunyosi hisoblanishi to‘g‘risidagi takliflar 2016 yil 21 sentyabrida qabul qilingan yangi tahrirdagi O‘zbekiston Respublikasining «O‘simlik dunyosini muhofaza qilish va undan foydalanish to‘g‘risida»gi Qonunining 3-moddasida o‘z aksini topgan (O‘zbekiston Respublikasi Oliy Majlisining Qonunchilik palatasi 2016 yil 3 oktyabrdagi 04/4-174-son ma’lumotnomasi). Ushbu takliflar hayvonot dunyosini muhofaza qilish va undan oqilona foydalanishni takomillashtirishga xizmat qilgan;
o‘simlik dunyosini muhofaza qilish va undan oqilona foydalanishni ta’minlash sohasida O‘zbekiston Respublikasi Fanlar akademiyasi ilmiy-tadqiqot muassasi sifatida ishtirok etishi zarurligi to‘g‘risidagi takliflar 2016 yil 21 sentyabrida qabul qilingan yangi tahrirdagi O‘zbekiston Respublikasining «O‘simlik dunyosini muhofaza qilish va undan foydalanish to‘g‘risida»gi Qonunining 13-moddasida o‘z aksini topgan (O‘zbekiston Respublikasi Oliy Majlisining Qonunchilik palatasi 2016 yil 3 oktyabrdagi 04/4-174-son ma’lumotnomasi). Ushbu takliflar hayvonot dunyosini muhofaza qilish va undan oqilona foydalanishni takomillashtirishga xizmat qilgan;
O‘zbekiston Respublikasi Ekologiya va atrof-muhitni muhofaza qilish davlat qo‘mitasi hamda O‘zbekiston Respublikasi O‘rmon xo‘jaligi tomonidan tabiiy sharoitlarda tiklash hamda takror ko‘paytirish imkoniyati bo‘lmagan kamyob va yo‘qolib ketish xavfi ostida turgan yovvoyi hayvonlarni saqlab qolish maqsadida ularni ko‘payishi uchun zarur shart-sharoitlar yaratishi lozimligiga oid tavsiyalar 2016 yilning 19 sentyabrida qabul qilingan yangi tahrirdagi № O‘RQ¬408-sonli O‘zbekiston Respublikasining «Hayvonot dunyosini muhofaza qilish va undan foydalanish to‘g‘risida»gi Qonunining 18-moddalarida o‘z ifodasini topgan (O‘zbekiston Respublikasi Oliy Majlisining Qonunchilik palatasi Agrar va suv xo‘jaligi masalalari qo‘mitasining 2016 yil 3 oktyabrdagi 04/4-174-son ma’lumotnomasi). Ushbu takliflar hayvonot dunyosini muhofaza qilish va undan foydalanishning mexanizmini takomillashtirishga xizmat qilgan;
davlat o‘rmon kadastri O‘zbekiston Respublikasi hududida joylashgan barcha o‘rmonlar, ularning geografik o‘rni, huquqiy rejimi, miqdoriy va sifat tavsiflari hamda iqtisodiy bahosi to‘g‘risidagi yangilab boriladigan ishonchli kadastr axboroti tizimidan iborat bo‘lishi lozimligi to‘g‘risidagi taklif O‘zbekiston Respublikasining «O‘rmon to‘g‘risida»gi Qonunining 21-moddasida o‘z aksini topgan (O‘zbekiston Respublikasi Oliy Majlisining Qonunchilik palatasi 2018 yil 17 dekabrdagi 07-38/42-32-son ma’lumotnomasi). Ushbu takliflar o‘rmondan foydalanishning asosiy qoidalarini yanada takomillashtirishga xizmat qilgan;
o‘rmonlar ekologik (tuproqni muhofaza qilish, suvni muhofaza qilish, o‘simlik va hayvonot dunyosini hamda boshqa tabiiy resurslarni muhofaza qilish, himoya, sanitariya-gigiena, sog‘lomlashtirish, rekreatsiya) va ijtimoiy-iqtisodiy vazifalarni bajarishi bo‘yicha tavsiyalari O‘zbekiston Respublikasining «O‘rmon to‘g‘risida»gi Qonunining 3-moddasida o‘z aksini topgan (O‘zbekiston Respublikasi Oliy Majlisining Qonunchilik palatasi 2018 yil 17 dekabrdagi 07-38/42-32-son ma’lumotnomasi). Ushbu takliflar o‘rmondan foydalanishning asosiy qoidalarini yanada takomillashtirishga xizmat qilgan;
fuqarolarning o‘zini o‘zi boshqarish organlari, nodavlat notijorat tashkilotlari va fuqarolar o‘rmonlarni muhofaza qilish, himoya qilish, ko‘paytirish, takroriy ko‘paytirish, qayta tiklash, ularning mahsuldorligini oshirish va ulardan foydalanish bo‘yicha jamoatchilik nazoratini amalga oshirishiga asoslangan taklif va tavsiyalari O‘zbekiston Respublikasining «O‘rmon to‘g‘risida»gi Qonunining 16-moddasida o‘z aksini topgan (O‘zbekiston Respublikasi Oliy Majlisining Qonunchilik palatasi 2018 yil 17 dekabrdagi 07-38/42-32-son ma’lumotnomasi). Ushbu takliflar o‘rmondan foydalanishning asosiy qoidalarini yanada takomillashtirishga xizmat qilgan.