Аҳмедов Ижод Нарзиқул ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Миллий ғоя шаклланиши ривожланиши ва амал қилиш қонуниятларининг ижтимоий фалсафий таҳлили (Ўзбекистон мисолида)», 09.00.04–Ижтимоий фалсафа.
Диссертация мавзуси рўйхатга олинган рақам: В2017.2.PhD/Fal58.
Диссертация бажарилган муассаса номи: Жиззах давлат педагогика институти. 
ИК фаолият кўрсатаётган муассаса (муассасалар) номи, ИК рақами: Самарқанд давлат университети, DSc.03/30.12.2019.F.02.02.
Илмий раҳбар: Абилов Ўрол Муродович, фалсафа фанлари доктори, профессор. 
Расмий оппонентлар: Мухторов Азамат Мухторович, фалсафа фанлари доктори, профессор; Негматова Шахзода Шухратовна, фалсафа фанлари доктори, профессор.
Етакчи ташкилот: Тошкент тиббиёт академияси
Диссертация йўналиши: назарий аҳамиятга молик.
II. Тадқиқотнинг мақсади: Ўзбекистонда миллий ғоянинг шаклланиш, ривожланиш ва амал қилиш қонуниятларини ўрганишнинг жамият ҳаёти ва истиқболи учун муҳим аҳамиятини ижтимоий-фалсафий асослашдан иборат.
III. Тадқиқотнинг илмий янгилиги:
миллий ғоя шаклланиши ва амал қилиши қонуниятларининг бугунги кундаги рақобатбардош кадрларни ватанпарварлик руҳида тарбиялашдаги ўзига хос хусусиятлари мантиқий жиҳатдан асосланган;
миллий ғоянинг система ташкил этувчи субстанционал компонентлари тизимлаштирилиб, уларнинг синергетик характерлари, жамиятнинг соҳалари (моддий, сиёсий-ҳуқуқий, ижтимоий ва маънавий) билан боғлиқ қонуниятли алоқадорликлари очиб берилган;
миллий ғоянинг субстанционал қонунияти (жамият ғоянинг субстанцияси, ғоянинг эса ана шу субстанциянинг маънавий инъикоси эканлиги)  ижтимоий сохани янада ривожлантиришининг қонуний жараён сифатида алоқадорлиги аниқланган;
жамият мавжудлиги ва ривожланиш концепсиясининг субстанционал қонунлари ва уларнинг синергетик ҳамда миллий характерларини такомиллаштириш тўғрисидаги таълимот миллий ғоянинг ижтимоий – фалсафий негизи эканлиги асосланган.
IV. Тадқиқот натижаларининг жорий қилиниши.
Мамлакатимиз ҳаётида миллий ғоянинг шаклланиши ва амал қилиш қонуниятларини тадқиқ этиш асосида: 
“миллий ғоя шаклланиши ва амал қилиши”, “миллий ғоянинг қонуниятлари” тушунчалари, таърифлари, уларнинг ижтимоий – фалсафий моҳияти, умумметодологик асослари ва ўзига хос хусусиятларининг очиб берилиши, мамлакатимизнинг ривожланиш концепцияси, ёшларнинг дунёқарашини кенгайтириш, ватанпарварлик руҳида тарбиялаш доир ғоя ва фикрларидан А.Ж.Холбеков раҳбарлигида 2018-2020 йилларда бажарилган ПЗ-20170930396 рақамли “Глобаллашув шароитида жамият ҳаётини демократлаштириш жараёнидаги маънавий – ахлоқий қадриятлар ривожини тадқиқ қилиш” мавзусидаги амалий лойиҳа ижросини таъминлашда фойдаланилган (Олий ва ўрта махсус таълим Вазирлигининг 2019 йил 15 мартдаги 89-03-1038-сон маълумотномаси). Натижада, ёшларни ватанпарварлик руҳида тарбиялаш ва уларнинг дунёқарашини кенгайтиришга хизмат қилган;
миллий ғоянинг система ташкил этувчи субстанционал компонентлари тизимлаштирилиб, уларнинг синергетик характерлари, жамиятнинг соҳалари (моддий, сиёсий-ҳуқуқий, ижтимоий ва маънавий) билан боғлиқ қонуниятли алоқадорликлари очиб берилганлигига оид илмий ғоялари, таклиф-тавсияларидан Соғлиқни сақлаш вазирлиги томонидан ўтказилган “Энг юқори рейтингли  тиббиёт олий таълим муассасаси, илмий тадқиқот институтлари ва илмий  амалий марказлари” танлови тадбирлар сценарийсини ишлаб чиқишда ҳамда  “Ёшларда тиббиёт соҳасига оид миллий қадриятларимизга хос  тамойилларни кенг тарғиб қилиш”, “Ёшларни ахдоқий жиҳатдан ўзгартириш,  бузилишга олиб келувчи турли “оммавий маданият” қўринишларига қарши миллий урф-одат, қадриятларни тарғиб қилиш”, “Соғлиқни сақлаш  вазирлиги муассасаларида маънавий-маърифий ишларни янада  такомиллаштириш борасида 2018 йилда амалга ошириладиган чора-тадбирлар режаси” каби дастурларни ишлаб чиқишда фойдаланилган (Соғлиқни сақлаш вазирлигининг 2019 йил 19 февралдаги 8-9-5/245-сон маълумотномаси). Натижада, Ўзбекистон фуқароларини турли ғоявий таҳдидлардан ҳимоялашни ривожлантириш, соғлом турмуш тарзини мустаҳкамлаш, кишиларни, айниқса ёшларни миллий ғоя тамойилларига оид хусусиятларини шакллантириш ва мустаҳкамлашга хизмат қилган;
миллий ғоянинг субстанционал қонунияти (жамият ғоянинг субстанцияси, ғоянинг эса ана шу субстанциянинг маънавий инъикоси эканлиги)  ижтимоий сохани янада ривожлантиришининг қонуний жараён сифатида алоқадорлигига оид илмий асосланган таклиф-тавсияларидан  Жиззах вилоят “Истиқбол” минтақавий тадқиқот маркази томомнидан амалга оширилаётган “Жойларда ижтимоий муаммоларни ҳал этишда жамоатчилик назоратини кучайтириш” мавзусидаги 46-11/50 рақамли грант лойиҳасининг “Вилоятда аҳолининг ижтимоий муаммоларини ўрганиш ва егишли хулосалар бериш борасида жойларда фуқаролар ўртасида социологик тадқиқот ўтказиш” деб номланган 8-бандида белгиланган вазифалар ижросини таъминлашда фойдаланилган (Ўзбекистон Республикаси Жиззах вилояти “Истиқбол” минтақавий тадқиқот марказининг 2019 йил 3 апрелдаги 12-сон маълумотномаси). Натижада, ижтимоий ҳаёт, маънавий-маърифий тарғибот жараёнларида миллий ижтимоий ғоялар орқали мақсад ва вазифалар тўлиқ акс этишига, шунингдек аҳолининг, айниқса ёшларнинг маънавий дунёқарашини кенгайтириш, ватанпарварлик руҳида тарбиялаш масалаларида муҳим манба бўлиб хизмат қилган;
миллий характер шаклланиши ва такомиллашувига доир илмий асосланган таклиф-тавсиялардан Республика Маънавият ва маърифат марказининг 2018-2020 йилларга мўлжалланган ПЗ-20170930396 шифрли “Глобаллашув шароитида жамият ҳаётини демократлаштириш жараёнидаги маънавий – ахлоқий қадриятлар ривожини тадқиқ қилиш” мавзусидаги амалий тадқиқотлар давлат грантлари лойиҳаси ижросини таъминлашда фойдаланилган (Республика Маънавият ва Маърифат Марказининг 2019 йил 20 февралдаги 02/09-195-19-сон маълумотномаси). Бу эса, Республика Маънавият ва маърифат маркази фаолияти самарадорлигини оширишга хизмат қилган.