Бердиев Ғайрат Ибрагимовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража берадиган фан тармоғи номи): «Миллий иқтисодиётда уй хўжаликлари иқтисодий фаоллигини оширишнинг назарий асосларини такомиллаштириш», 08.00.01 - Иқтисодиёт назарияси (иқтисодиёт фанлари).
Диссертация мавзуси рўйхатга олинган рақам: В2020.1.PhD/Iqt364.
Илмий раҳбар: Ҳасанов Рустам Раббимович, иқтисодиёт фанлари доктори, профессор.
Диссертация бажарилган муассаса номи: Гулистон давлат университети.
ИК фаолият кўрсатаётган муассаса номи, ИК рақами: Ўзбекистон Миллий университети, DSc.03/30.12.2019.I.01.11.
Расмий оппонентлар: Расулова Дилфуза Валиевна, иқтисодиёт фанлари доктори, доцент; Кабилов Шариф Рахимович, иқтисодиёт фанлари номзоди, доцент.
Етакчи ташкилот номи: Тошкент давлат иқтисодиёт университети ҳузуридаги “Ўзбекистон иқтисодиётини ривожлантиришнинг илмий асослари ва муаммолари” илмий тадқиқот маркази.
Диссертация йўналиши: назарий ва амалий аҳамиятга молик.
II. Тадқиқотнинг мақсади: ижтимоий такрор ишлаб чиқариш жараёнида уй хўжаликлари иқтисодий фаоллигини оширишнинг назарий асосларини такомиллаштириш бўйича таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
иқтисодиётнинг турли субъектлари билан уй хўжаликлари ўртасидаги ўзаро алоқалар самарадорлигини ошириш, шунингдек, уларнинг такрор ишлаб чиқариш жараёнидаги ички (рекреацион, ижтимоий ва патронаж) ва ташқи  (ишлаб чиқариш, тадбиркорлик, истеъмол ва инвестицион) функцияларини такомиллаштириш бўйича таклифлар ишлаб чиқилган;
уй хўжаликлари иқтисодий фаоллигини ошириш ва улар фаолиятида трансакцион харажатларни камайтириш мақсадида замонавий рақамли технологияларни жорий этишда маълумотларни таҳлил қилиш ва баҳолашнинг скоринг тизимидан фойдаланиш зарурати асосланган;
уй хўжаликларининг ижтимоий-иқтисодий шароитларга мослашишида  энг зарурий агрегатлашган эҳтиёжларни қондириш, иккиламчи бандликни таъминлаш, турли усуллар орқали ижтимоий қўллаб–қувватлаш каби кўп каналли модель асосида меҳнат бозоридаги яширин ишсизликни бартараф этиш билан боғлиқ таклиф ва тавсиялар ишлаб чиқилган; 
уй хўжаликларининг иқтисодий фаоллигини оширишда аҳолининг ялпи даромадига уларнинг ёлланма меҳнат ва мустақил равишда олган даромадлари таъсирининг 2030 йилгача бўлган кўп вариантли прогноз кўрсаткичлари ишлаб чиқилган.
IV. Тадқиқот натижаларининг жорий қилиниши.
Миллий иқтисодиётда уй хўжаликлари иқтисодий фаоллигини оширишнинг назарий асосларини такомиллаштириш бўйича олинган илмий натижалар асосида:
иқтисодиётнинг турли субъектлари билан уй хўжаликлари ўртасидаги ўзаро алоқалар самарадорлигини ошириш, шунингдек, уларнинг такрор ишлаб чиқариш жараёнидаги ички (рекреацион, ижтимоий ва патронаж) ва ташқи  (ишлаб чиқариш, тадбиркорлик, истеъмол ва инвестицион) функцияларини такомиллаштириш бўйича илмий таклифлар Ўзбекистон Республикаси Иқтисодиёт ва саноат вазирлиги тизимида Ўзбекистон Республикаси Президентининг 2019 йил 19 февраль куни Сирдарё вилоятига ташрифи давомида берилган топшириқлар ва кенгайтирилган тарзда ўтказилган 8-сонли мажлис баёнида кўзда тутилган вазифаларнинг ижросини таъминлаш мақсадида Ховос туманидаги барча маҳалла фуқаролар йиғинларида уй хўжаликларининг иқтисодий фаоллик даражасини оширишда қўлланилган (Ўзбекистон Республикаси Иқтисодиёт ва саноат вазирлигининг 2019 йил 9 декабрдаги 6-1/20-70-сон маълумотномаси). Ушбу илмий таклифнинг амалиётга жорий қилиниши натижасида туманда уй хўжаликларининг иқтисодий фаоллиги ошди, улар ихтиёридаги ресурслар унумдорлиги ва тежамкорлигига эришилди, натижада ижтимоий ҳимояга йўналтирилаётган бюджет маблағларининг аниқ манзилли йўналтирилиши таъминланган;
уй хўжаликлари иқтисодий фаоллигини ошириш ва улар фаолиятида трансакцион харажатларни камайтириш мақсадида замонавий рақамли технологияларни жорий этишда маълумотларни таҳлил қилиш ва баҳолашнинг скоринг тизимидан фойдаланиш зарурлиги бўйича берилган таклифлардан Ўзбекистон Республикаси Иқтисодиёт ва саноат вазирлиги тизимида Сирдарё вилоятининг Мирзаобод ва Ховос туманларида тадбиркорликка кўмаклашиш ва банк хизматлари марказлари фаолиятини такомиллаштиришда фойдаланилган (Ўзбекистон Республикаси Иқтисодиёт ва саноат вазирлигининг 2019 йил 9 декабрдаги 6-1/20-70-сон маълумотномаси). Ушбу илмий таклифнинг амалиётга жорий қилиниши натижасида 2020-2025 йилларда уй хўжаликларининг рақамли иқтисодиёт секторига фаол интеграциялашувини таъминлашга хизмат қилувчи платформа яратилади, улар фаолиятида турли хил трансакцион харажатларни камайишига ва шу орқали ушбу сектор иқтисодий фаоллигини оширишига эришилган;
уй хўжаликларининг ижтимоий-иқтисодий шароитларга мослашишида  энг зарурий агрегатлашган эҳтиёжларни қондириш, иккиламчи бандликни таъминлаш, турли усуллар орқали ижтимоий қўллаб-қувватлаш каби кўп каналли модель асосида меҳнат бозоридаги яширин ишсизликни бартараф этиш бўйича берилган таклифлар Ўзбекистон Республикаси Вазирлар Маҳкамасининг 2017 йил 20 январдаги 25-сонли қарори билан тасдиқланган “Сирдарё вилояти ҳудудларини ижтимоий-иқтисодий ривожлантириш, аҳоли турмуш даражасини яхшилаш бўйича чора-тадбирлар” дастурида ўз аксини топган (Ўзбекистон Республикаси Иқтисодиёт ва саноат вазирлигининг 2019 йил 9 декабрдаги 6-1/20-70-сон маълумотномаси). Ушбу илмий таклифнинг амалиётга жорий қилиниши истиқболда ҳудудларда қўшимча иш ўринларининг кўпайиши, ўзини-ўзи банд қилиш, турли хил салбий вазиятлардан ҳимояланиш, яширин ишсизлик кўламининг қисқаришига хизмат қилган;
уй хўжаликларининг иқтисодий фаоллигини оширишда аҳолининг ялпи даромадига уларнинг ёлланма меҳнат ва мустақил равишда олган даромадлари таъсирининг 2030 йилгача бўлган давр учун кўп вариантли прогноз кўрсаткичлари Ўзбекистон Республикаси Президентининг 2019 йил 23 октябрдаги ПФ-5853-сон Фармони билан тасдиқланган Ўзбекистон қишлоқ хўжалигини 2020-2030 йилларда ривожлантириш стратегиясининг 8-бандида (Қишлоқ ҳудудларини ривожлантириш) ўз аксини топган (Ўзбекистон Республикаси Иқтисодиёт ва саноат вазирлигининг 2019 йил 9 декабрдаги 6-1/20-70-сон маълумотномаси). Ушбу илмий таклифнинг амалиётга жорий қилиниши Ўзбекистон Республикасини 2030 йилга қадар ижтимоий-иқтисодий комплекс ривожлантириш дастурларини ишлаб чиқишда фойдаланилган.