Киличев Анвар Акрамовичнинг
фалсафа доктори (РhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ўткир инфаркт миокард билан касалланган беморларда чап қоринча диастолик функциясининг клиник-прогностик аҳамияти», 14.00.06–Кардиология (тиббиёт фанлари).
Диссертация мавзуси рўйхатга олинган рақам: B2014.3-4.Tib31.
Илмий маслаҳатчи: Курбонов Равшан Давлятович, тиббиёт фанлари доктори,  профессор, академик.
Диссертация бажарилган муассаса номи: Республика ихтисослаштирилган кардиология илмий-амалий тиббиёт маркази.
ИК фаолият кўрсатаётган муассаса номи, ИК рақами: Республика ихтисослаштирилган кардиология илмий–амалий тиббиёт маркази, DSc.04/30.12.2019.Tib.64.01.
Расмий оппонентлар: Камилова Умида Кабировна, тиббиёт фанлари доктори, профессор; Мухамедова Барно Фарходовна, тиббиёт фанлари доктори; 
Етакчи ташкилот: Тошкент врачлар малакасини ошириш институти 
Диссертация йўналиши: амалий аҳамиятга молик.
II. Тадқиқотнинг мақсади: миокард инфаркти билан хасталанган беморларда чап қоринча диастолик функциясининг касаллик клиник кечиши ва башоратлаш билан ўзаро боғлиқлигини баҳолашни такомиллаштиришдан иборат. 
III. Тадқиқотнинг илмий янгилиги: қуйидагилардан иборат:
юрак диастолик дисфункцияси типлари, ифодаланганлиги даражаси ҳамда миокард инфарктининг клиник кечишининг ўзига хос хусусиятлари ўртасида ўзаро боғлиқлик асосланган;
ЧҚДД оғирлиги ифодаланганлиги ва потенциал хавфли ҚА аниқланиши ўртасида ўзаро боғлиқлиги исботланган;
мия натрийуретик пептид ортиши даражаси ва миокард инфарктнинг клиник кечиши ўзига хос хусусиятлари ҳамда чап қоринча диастолик дисфункцияси типлари ўртасидаги ўзаро боғлиқлик исботланган;
миокард инфаркт билан хасталанган беморларнинг фармакотерапияга мойиллигини ҳисобга олган ҳолда ЧҚДД тараққий этиши клиник-функционал прогностик мезонлари динамикаси очиб берилган.
IV. Тадқиқот натижаларининг жорий қилиниши.
Ўткир инфаркт миокард билан касалланган беморларда чап қоринча диастолик функциясининг клиник-прогностик аҳамияти бўйича олинган илмий натижалар асосида:
«Чап қоринча диастолик функциясини баҳолаш ёрдамида ўтказилган миокард инфаркти оқибатларини прогноз қилишни оптималлаштириш» услубий тавсиянома тасдиқланган (Соғлиқни сақлаш вазирлигининг 2020 йил 15 июндаги №8н-з/55-сон маълумотномаси). Мазкур услубий тавсиянома миокард инфаркт билан хасталанган беморларда чап қоринча диастолик фаолиятини ҳисобга олган ҳолда охирги нуқталарни башоратлашга имкон берган;
Ўткир инфаркт миокард билан касалланган беморларда чап қоринча диастолик функциясининг клиник-прогностик баҳолаш ва даволаш оптималлаштириш бўйича олинган илмий натижалар соғлиқни сақлаш амалиётига, жумладан, Республика ихтисослаштирилган терапия ва тиббий реабилитация илмий-амалий-тиббиёт маркази, Жиззах ва Сирдарё вилоятлари кардиологик диспансерлар амалиётига тадбиқ этилган (Соғлиқни сақлаш вазирлигининг 2020 йил 15 июндаги №8н-з/55-сон маълумотномаси). Олинган илмий натижаларнинг амалиётга тадбиқ қилиниши миокард инфаркт билан хасталанган беморларда касалликнинг нохуш кечиши ва башоратини эрта ташхислаш, даволаш тартибини оптималлаштириш, касалликнинг клиник кечишини яхшилаш ва шифохонада бўлиш даврини 1,3 мартага камайтириш имконини берган.