Mamasoliev Baxtiyor Juramirzaevichning falsafa doktori (PhD) dissertatsiyasi himoyasi haqida e’lon
 
I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i): «Ikki suyuqlikli bir bosimli muhitda nochiziqli bir o‘lchamli to‘lqinlarni tarqalish jarayonlarini matematik modellashtirish», 05.01.07 – Matematik modellashtirish. Sonli usullar va dasturlar majmui (fizika-matematika fanlari).
Dissertatsiya mavzusi ro‘yxatga olingan raqam: B2017.2.PhD/FM90.
Ilmiy rahbar: Imomnazarov Xolmatjon Xudoynazarovich, fizika-matematika fanlari doktori.
Dissertatsiya bajarilgan muassasa nomi: O‘zbekiston Milliy universiteti.
IK faoliyat ko‘rsatayotgan muassasa nomi, IK raqami: O‘zbekiston Milliy universiteti, DSc.03/30.12.2019.FM.01.02.
Rasmiy opponentlar: Aloev Raxmatillo Djuraevich, fizika-matematika fanlari doktori, professor; Xo‘jayorov Baxtiyor, fizika-matematika fanlari doktori, professor; 
Yetakchi tashkilot: O‘zR FA Matematika instituti.
Dissertatsiya yo‘nalishi: nazariy ahamiyatga molik.
II. Tadqiqotning maqsadi: qo‘shsuyuqlikli bir bosimli muhitda nochiziqli to‘lqinlarni tarqalish jarayonlarini matematik modellashtirish va dissipativ holda Byurgers tipli tenglamalar sistemasi uchun Koshi masalasini echishdan iborat.
III. Tadqiqotning ilmiy yangiligi: 
qo‘shsuyuqlikli umumiy bosimli muhit harakatining matematik modeli takomillashtirilgan;
qo‘shsuyuqlikli umumiy bosimli muhitning matematik modelini ifodalovchi tenglamalar sistemasining Fridrixs bo‘yicha simmetrik t-giperbolik ko‘rinishi olingan;     
qo‘shsuyuqlikli bir bosimli muhitning bir o‘lchamli tenglamalar sistemasini sonli echish usuli ishlab chiqilgan; 
bir o‘lchamli Byurgers tipli tenglamalar sistemasi uchun Koshi masalasining echimi Vol`terraning ikkinchi tur nochiziqli sistemasining echimiga keltirilgan; 
qo‘shsuyuqlikli bosim bo‘yicha muvozanatli muhit bir o‘lchamli tenglamalar sistemasining gruppaviy xossalari topilgan; 
ikki tezlikli bir bosimli gidrodinamika tenglamalar sistemasining asosiy Li algebrasi bazisining yadrosi topilgan.   
IV. Tadqiqot natijalarining joriy qilinishi.
Qo‘shsuyuqli muhitning dissertatsiyada taklif etilgan takomillashgan matematik modeli bo‘yicha  olingan ilmiy natijalar asosida:
qo‘shsuyuqli muhitning takomillashgan matematik modeli №1.3.1.3. raqamli «Metodi sozdaniya, issledovaniya i identifikatsii matematicheskix modeley Zemli» (2016-2018 yillar) loyihada to‘g‘ri masalalarni sonli modellashtirishda foydalanilgan (Rossiya Fanlar akademiyasining Sibir bo‘limi Hisoblash matematikasi va matematik geofizika institutining 2019 yil 6 noyabrdagi 15301/2-01-27-son ma’lumotnomasi). Ilmiy natijalarning qo‘llanilishi qo‘shsuyuqlikli muhitning dinamik modelining gruppaviy xossalarini aniqlash imkonini bergan;
qo‘shsuyuqlikli bir bosimli muhitning bir o‘lchamli tenglamalar sistemasini sonli echish usuli A-13-38 raqamli «Ikki fazali muhit nochiziqli to‘lqin dinamikasi uchun to‘g‘ri va teskari masalalarning nazariy va sonli tadqiq qilish» (2015-2017 yillar) grant loyihasida nochiziqli bir o‘lchamli Byurgers tipli tenglamalar sistemasi uchun Koshi masalasining sonli echish sxemasini qurishda foydalanilgan (Oliy va o‘rta maxsus ta’lim vazirligining 2019 yil 7 noyabrdagi 89-03-4328-son ma’lumotnomasi). Ilmiy natijalarning qo‘llanilishi Byurgers tipli tenglamalar sistemasi uchun Koshi masalasini sonli echish va natijalarni vizuallashtirish imkonini bergan.