Мамасолиев Бахтиёр Журамирзаевичнинг фалсафа доктори (PhD) диссертацияси ҳимояси ҳақида эълон
 
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Икки суюқликли бир босимли муҳитда ночизиқли бир ўлчамли тўлқинларни тарқалиш жараёнларини математик моделлаштириш», 05.01.07 – Математик моделлаштириш. Сонли усуллар ва дастурлар мажмуи (физика-математика фанлари).
Диссертация мавзуси рўйхатга олинган рақам: В2017.2.PhD/FM90.
Илмий раҳбар: Имомназаров Холматжон Худойназарович, физика-математика фанлари доктори.
Диссертация бажарилган муассаса номи: Ўзбекистон Миллий университети.
ИК фаолият кўрсатаётган муассаса номи, ИК рақами: Ўзбекистон Миллий университети, DSc.03/30.12.2019.FM.01.02.
Расмий оппонентлар: Алоев Рахматилло Джураевич, физика-математика фанлари доктори, профессор; Хўжаёров Бахтиёр, физика-математика фанлари доктори, профессор; 
Етакчи ташкилот: ЎзР ФА Математика институти.
Диссертация йўналиши: назарий аҳамиятга молик.
II. Тадқиқотнинг мақсади: қўшсуюқликли бир босимли муҳитда ночизиқли тўлқинларни тарқалиш жараёнларини математик моделлаштириш ва диссипатив ҳолда Бюргерс типли тенгламалар системаси учун Коши масаласини ечишдан иборат.
III. Тадқиқотнинг илмий янгилиги: 
қўшсуюқликли умумий босимли муҳит ҳаракатининг математик модели такомиллаштирилган;
қўшсуюқликли умумий босимли муҳитнинг математик моделини ифодаловчи тенгламалар системасининг Фридрихс бўйича симметрик t-гиперболик кўриниши олинган;     
қўшсуюқликли бир босимли муҳитнинг бир ўлчамли тенгламалар системасини сонли ечиш усули ишлаб чиқилган; 
бир ўлчамли Бюргерс типли тенгламалар системаси учун Коши масаласининг ечими Вольтерранинг иккинчи тур ночизиқли системасининг ечимига келтирилган; 
қўшсуюқликли босим бўйича мувозанатли муҳит бир ўлчамли тенгламалар системасининг группавий хоссалари топилган; 
икки тезликли бир босимли гидродинамика тенгламалар системасининг асосий Ли алгебраси базисининг ядроси топилган.   
IV. Тадқиқот натижаларининг жорий қилиниши.
Қўшсуюқли муҳитнинг диссертацияда таклиф этилган такомиллашган математик модели бўйича  олинган илмий натижалар асосида:
қўшсуюқли муҳитнинг такомиллашган математик модели №1.3.1.3. рақамли «Методы создания, исследования и идентификации математических моделей Земли» (2016-2018 йиллар) лойиҳада тўғри масалаларни сонли моделлаштиришда фойдаланилган (Россия Фанлар академиясининг Сибир бўлими Ҳисоблаш математикаси ва математик геофизика институтининг 2019 йил 6 ноябрдаги 15301/2-01-27-сон маълумотномаси). Илмий натижаларнинг қўлланилиши қўшсуюқликли муҳитнинг динамик моделининг группавий хоссаларини аниқлаш имконини берган;
қўшсуюқликли бир босимли муҳитнинг бир ўлчамли тенгламалар системасини сонли ечиш усули А-13-38 рақамли «Икки фазали муҳит ночизиқли тўлқин динамикаси учун тўғри ва тескари масалаларнинг назарий ва сонли тадқиқ қилиш» (2015-2017 йиллар) грант лойиҳасида ночизиқли бир ўлчамли Бюргерс типли тенгламалар системаси учун Коши масаласининг сонли ечиш схемасини қуришда фойдаланилган (Олий ва ўрта махсус таълим вазирлигининг 2019 йил 7 ноябрдаги 89-03-4328-сон маълумотномаси). Илмий натижаларнинг қўлланилиши Бюргерс типли тенгламалар системаси учун Коши масаласини сонли ечиш ва натижаларни визуаллаштириш имконини берган.