Якубов Абдулазиз Абдужаббаровичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Розацеанинг ривожланишида клиник – генетик ва биохимик механизмлари ва даволаш усулини такомиллаштириш», 14.00.11–Дерматология ва венерология (тиббиёт фанлари).
Диссертация мавзуси рўйхатга олинган рақам: B2019.4. PhD/Tib 567.
Илмий раҳбар: Сабиров Улугбек Юсупханович, тиббиёт фанлари доктори.
Диссертация бажарилган муассаса номи: Республика ихтисослаштирилган дерматовенерология ва косметология илмий амалий тиббиёт маркази.
ИК фаолият кўрсатаётган муассаса (муассасалар) номи, ИК рақами: Тошкент педиатрия тиббиёт институти  DSc.04/30.12.2019.Tib.29.01.
Расмий оппонентлар: Маннанов Абдушукур Маликович, тиббиёт фанлари доктори, профессор; Мухамедов Рустам  Султанович, тиббиёт фанлари доктори, профессор.
Етакчи ташкилот: Тошкент тиббиёт академияси.
Диссертациянинг йўналиши: амалий аҳамиятга молик.
II. Тадқиқотнинг мақсади: клиник-биокимёвий ва генетик кўрсаткичларни ҳисобга олган ҳолда розацеанинг клиник кечиши ва ривожланишини прогнозлашнинг янги усулларини ишлаб чиқиш ва даволаш усулини такомиллаштиришдан иборат.
III. Тадқиқотнинг илмий янгилиги:
илк бор яллиғланишга қарши IL–10 цитокинини ишлаб чиқаришнинг пасайиши билан кечадиган, IL–10 гени rs1800896 полиморфизми А/А генотипик вариантининг ўзбек популациясида розацеа юзага келиши ва клиник кечишига мойиллик таъсири мавжудлиги аниқланган; 
илк бор Demodex folliculorum мусбат розацеанинг ривожланишида IL–10 гени rs1800896 полиморфизми А/А генотининг сезиларли боғлиқлик борлиги исботланган; 
илк бор розацеа билан оғриган беморларда Demodex folliculorum инфекциясининг ривожланишида ММР–9 гени rs11697325 полиморфизми А/А генотипик вариантининг ҳимоя роли исботланган; 
розацеа билан оғриган беморларда қон зардоби ҳамда зарарланган ўчоқда азот оксидининг миқдори ошганлиги, бу юқори ўзгариш касалликнинг клиник босқичлари давомийлиги ва оғирлик даражаси билан боғлиқлиги  аниқланган;
илк бор розацеада ўтказилган даволаш самарадорлиги IL–10 гени rs1800896 полиморфизмининг генотиплар тақсимланиш частотасига боғлиқлиги аниқланган.
IV. Тадқиқот натижаларининг жорий қилиниши. 
Генлар полиморфизми ва организмнинг клиник-биокимёвий кўрсаткичларини ҳисобга олган ҳолда розацеа касаллигини даволаш усулини такомиллаштириш бўйича олинган илмий натижалар асосида: 
«Азот оксиди миқдорини ҳисобга олган ҳолда розацеа касаллигини даволашнинг такомиллаштирилган усули» номли услубий тавсиянома тасдиқланган (Соғлиқни сақлаш вазирлигининг 2019 йил 10 октябрдаги 8н-р/452-сон маълумотномаси). Мазкур услубий тавсиянома розацеа касаллигининг қайталанишлари сонини камайтириш, беморлар ҳаёт сифатини яхшилаш ва беморларнинг даволаниш муддатини қисқартириш имконини берган; 
розацеа касаллигининг клиник-генетик ва биокимёвий механизмларини аниқлаш бўйича олинган илмий натижалар соғлиқни сақлаш амалиётига, жумладан, Тошкент врачлар малакасини ошириш институти дерматовенерология ва косметология кафедрасининг ўқув жараёнига ҳамда Самарқанд ва Сирдарё вилоят тери-таносил касалликлари диспансерларининг клиник амалиётига жорий этилган (Соғлиқни сақлаш вазирлигининг 2019 йил 8 ноябрдаги 8н-д/261-сон маълумотномаси). Мазкур даволаш усулининг жорий этилиши даволаш самарадорлигини ошириш, беморлар ҳаёт сифатини яхшилаш ва даволаш муддатини қисқартириш ҳисобига иқтисодий сарф-харажатларни 1,8 баробар қисқартиришимконини берган.