Raxmanova Jamila Amanovnaning
fan doktori (DSc) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «O‘zbekistonda yuqori kanserogen xavfli inson papillomavirusining epidemiologiyasi va  epidemiyaga qarshi chora-tadbirlarni tashkil etish», 14.00.30–Epidemiologiya (tibbiyot fanlari).
Dissertatsiya mavzusi ro‘yxatga olingan raqam: B2018.1.DSs/Tib286. 
Ilmiy maslahatchi: Yuldashev Kaxramon Xaldarovich, tibbiyot fanlari doktori, dotsent.
Dissertatsiya bajarilgan muassasa nomi: Toshkent vrachlar malakasini oshirish instituti.
IK faoliyat ko‘rsatayotgan muassasa (muassasalar) nomi, IK raqami: Toshkent tibbiyot akademiyasi, DSc.04/30.12.2019.Tib.30.01. 
Rasmiy opponentlar: Atabekov Nurmat Satiniyazovich, tibbiyot fanlari doktori; Xikmatullaeva Aziza Saydullaevna, tibbiyot fanlari doktori; Grjibovskiy Andrey Mechislavovich, tibbiyot fanlari doktori, professor (Rossiya Federatsiyasi).
Yetakchi tashkilot: Federal davlat byudjet muassasi «Fahriy akademik N.F. Gamaley nomidagi epidemiologiya va mikrobiologiya milliy tadqiqot markazi» (Rossiya Federatsiyasi).
Dissertatsiya yo‘nalishi: amaliy ahamiyatga molik.
II. Tadqiqotning maqsadi: O‘zbekistonda yuqori kanserogen xavfli inson papillomavirusining epidemiologiyasi va  epidemiyaga qarshi chora-tadbirlarni tashkil etishdan iborat.
III. Tadqiqotning ilmiy yangiligi:
papillomavirus infeksiyasining ayollarda filogenetik guruxlarini, yoshi, konsentratsiyasi va boshka jinsiy aloqa orqali yuqadigan kasalliklar ta’sirida epidemiologik xususiyatlari  aniqlangan;
urogenital papillomavirus infeksiyasi mavjud bemorlarda turli OPV genotiplarining qayd etilishi aniqlanib, jahon miqyosida yetakchi hisoblanmaydigan A5/A6 filogenetik guruhning ustuvorligi isbotlangan;
O‘zbekistonda turli yosh guruhidagi 2180 nafar ayollarni skrininglash va 13 yillik davr mobaynidagi kanser-registr ma’lumotlari asosida aholining turli etnik guruhlarida yoshi, bachadon bo‘yni saratonining ko‘p yillik dinamikasi, epidemiologik xususiyatlari ochib berilgan;
bachadon bo‘yni saratoni bilan og‘rigan bemorlarda jarayonning rivojlanishiga ta’sir ko‘rsatuvchi ijtimoiy, demografik, xulq-atvor, iqtisodiy omillar va ixtisoslashtirilgan tibbiy yordam qirralari belgilangan;
bachadon bo‘yni saratoni tashxisi qo‘yilgan ayollarning birlamchi tibbiy yordamga murojaat etish tavsifi, 2 va 3 darajalarning yetakchiligi va onkologik patologiya namoyon bo‘lishining o‘ziga xos xususiyati isbotlangan. 
IV. Tadqiqot natijalarining joriy qilinishi.
Yuqori onkogen xavfga ega papillomavirus infeksiyasining epidemiologik xususiyatlarini o‘rganishning ilmiy natijalariga asoslanib:
«Odam papillomavirusiga qarshi emlash - bachadon bo‘yni saratonining oldini olishning eng samarali usullaridan biridir» mavzusida uslubiy tavsiyanoma tasdiqlangan (Sog‘liqni saqlash vazirligining 2020 yil  9 iyundagi №8n-z/48-son ma’lumotnomasi). Mazkur uslubiy tavsiyanoma bolalar orasida odam papilloma virusini tarqalishini oldini olishini va kelgusida bachadon bo‘yini saraton kasalligidan o‘lim holatlarini keskin kamaytirish imkonini beragan;
«O‘zbekistonda bachadon bo‘yni saratonining birlamchi va ikkilamchi profilaktikasi borasidagi epidemiologik asoslar» mavzusida uslubiy tavsiyanoma tasdiqlangan  (Sog‘liqni saqlash vazirligining 2020 yil  9 iyundagi №8n-z/48-son ma’lumotnomasi). Mazkur uslubiy tavsiyanoma odam papilloma virusini erta aniqlab davolash va bachadon bo‘yin saraton kasalligini oldini olish imkonini bergan.
«Immunoprofilaktika va OPVga qarshi vaksinalar to‘g‘risida xabardorlikni baholash» mavzusida uslubiy tavsiyanoma tasdiqlangan (Sog‘liqni saqlash vazirligi tomonidan 2020 yil  9 iyundagi №8n-z/48-son ma’lumotnomasi). Mazkur uslubiy tavsiyanoma aholi orasida odam papilloma virusiga qarshi vaksinasi xaqida to‘g‘ri va to‘liq ma’lumot tarqatish va samarali joriy etishga imkon bergan.