Мўйдинов Нурилло Тўхтаровичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Коллаген ва карбоксиметилцеллюлоза асосида битишма жараёнига қарши композиция яратиш», 02.00.10 – Биоорганик кимё (кимё фанлари).
Диссертация мавзуси рўйхатга олинган рақам: : B2017.3.PhD/K71. 
Илмий раҳбар: Тураев Аббосхан Собирханович, кимё фанлари доктори, профессор, академик.
Диссертация бажарилган муассаса номи: Биоорганик кимё институти. 
ИК фаолият кўрсатаётган муассаса (муассасалар) номи, ИК рақами: Биоорганик кимё институти, DSc.02/30.12.2019.К/В.37.01.
Расмий оппонентлар: Бабоев Бахром Нуруллаевич, кимё фанлари доктори, Тўлаганов Абдурахим Абдурахмонович, фармацевтика фанлари доктори, профессор. 
Етакчи ташкилот: Тошкент кимё-технология институти.
Диссертация йўналиши: назарий ва амалий аҳамиятга молик. 
II. Тадқиқотнинг мақсади: коллаген ва полисахарид композициялари асосида жарроҳлик плёнка воситаларини олиш ва уларнинг биологик фаоллигини аниқлашдан иборат.
III. Тадқиқотнинг илмий янгилиги:
қорамол терисидан ишқорий-тузли гидролизлаш усулида уч спирал тузилишини сақлаган коллаген ажратиб олишнинг мақбул гидролиз шароитлари аниқланган;
коллаген ва полисахаридлар (Na-КМЦ, пектин) асосида олинган композицияларни глицерин билан пластификациялаб, биологик фаол плёнкалар олинган;
коллаген ва полисахаридлар асосида олинган плёнкаларни жарроҳлик амалиётидан сўнг тўқималарнинг бирикишини олдини олувчи тўсиқ восита сифатида қўллаш мумкинлиги аниқланган;
коллаген, Na-КМЦ ва глицерин асосидаги композицияга хлоргексидин антисептик препаратини қўшиш орқали яра битказувчи плёнка олинган.
IV. Тадқиқот натижаларининг жорий қилиниши.
Коллаген ва полисахаридлар (Nа-КМЦ ва пектин) композициялари асосида олинган плёнкалар ва уларнинг битишмага, куйганга ва юз-жағ жарроҳлигида биологик фаолликларини аниқлаш бўйича олинган илмий натижалар асосида:
терини ишқорий-тузли гидролизлаш, нейтраллаш, буферли экстракциялаш, иккинчи марта 60-120 дақиқа давомида гидролизлаш каби жараёнлари бўйича олинган натижалардан ФА-И11-Т010 рақамли «Коллаген асосида “ГЕМОГУБКА” гемостатик қопламасини ишлаб чиқаришни ташкил этиш» лойиҳасида қорамол терисидан ишқорий-тузли гидролизидан табиий структурасини сақлаган коллаген олишда фойдаланилган (Ўзбекистон Республикаси Фанлар академиясининг 2020 йил 4 июндаги 4/1255-1150-сон маълумотномаси). Натижада коллагеннинг сувли массали субстанциясидан “ГЕМОГУБКА” гемостатик қопламасини олиш имконини берган;
коллаген ва полисахаридлар асосида олинган композициялардан Хитой Фанлар академияси Синьцзян физика ва кимё-техника институтининг “International Science and Technology Center Projects” лойиҳасида полисахаридлар асосида композициялар олишда фойдаланилган (Хитой Фанлар академияси Синьцзян физика ва кимё-техника институтининг маълумотномаси). Натижада полисахаридлар асосида янги биологик фаол композициялар олиш имконини берган.