Исмаилова Зулфия Абдупаттаховнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Эркаклар қон донорлигида гематологик, биохимик, феррокинетик ўзгаришлар, гемопоэтик микроэлементларни хусусиятлари ва динамикаси», 14.00.29–Гематология ва трансфузиология (тиббиёт фанлари).
Диссертация мавзуси рўйхатга олинган рақам: В2019.2.PhD /Tib996.
Илмий маслаҳатчи: Убайдуллаева Зухра Ибрагимовна, тиббиёт фанлари доктори, доцент.
Диссертация бажарилган муассаса номи: Тошкент врачлар малакасини ошириш институти.
ИК фаолият кўрсатаётган муассаса (муассасалар) номи, ИК рақами: Тошкент врачлар малакасини ошириш институти, DSc.04/30.12.2019.Tib.30.02. 
Расмий оппонентлар: Махмудова Азиза Джумановна, тиббиёт фанлари доктори; Ходжиметов Абдуғофур Ахадович тиббиёт фанлари доктори, профессор.
Етакчи ташкилот: Самарқанд давлат тиббиёт институти. 
Диссертация йўналиши: амалий аҳамиятга молик.
II. Тадқиқотнинг мақсади: бирламчи ва фаол қон донорларида гемопоэтик микроэлементлар-темир, мис, рух кўрсаткичлари ва гематологик, биокимёвий феррокинетик кўрсаткичларининг динамикаси ҳамда ўзига хосликларини баҳолашдан иборат.
III. Тадқиқотнинг илмий янгилиги:
илк бор 15 йил илгари қон топширган эркак донорлар қони билан хозирги бирламчи эркак донорлар қонининг гемопоэтик микроэлементлар ҳолатини қиёсий тавсифловчи кўрсаткичлари аниқланган;
эркак донорларнинг асосий контингентида гемопоэтик микроэлементлар-темир, мис, рух кўрсаткичлари, донорларнинг ёши ва гемоглобин ҳолатига караб аниқланган;
эркак қон донорларида гемопоэтик микроэлементлар корреляцияси ва донациялар ўртасида (донорлик стажи билан) ўзаро боғликлик баҳоланган;
донорларда темир етишмаслигини эрта аниқлаш феррокинетик тестларни қўллаш самарадорлиги ва натижавийлиги исботланган.
IV. Тадқиқот натижаларининг жорий қилиниши. Бирламчи ва доимий қон донорларда нутриент кўрсаткичларни баҳолаш бўйича олинган натижалар асосида:
«Феррокинетик мониторинг усуллари ва донорларда темир холатини меъёрий кўрсаткичлари» услубий тавсияномаси тасдиқланган (Соғлиқни сақлаш вазирлигининг 2019 йил 5декабридаги 8н-д/301-сон маълумотномаси). Мазкур услубий тавсиянома донорлар саломатлиги, донорлик майдонида донорларни сақланиши, трансфузиологияда тайёрланадиган донорлик қон хажми, қон ва унинг компонентларига бўлган эхтиёжни қондириш ва трансфузиологик  хизматни самарали амалга ошириш имконини берган.
Феррокинетик мониторинг усуллари ва донорларда темир холатини меёърий курсаткичлари “Қон препаратлари” илмий ишлаб чиқариш корхонаси, Тошкент тиббиёт академияси қон қуйиш станцияси ҳамда Тошкент вилояти қон қуйиш станциясида амалиётга жорий қилинган (Соғлиқни сақлаш вазирлигининг 2020 йил 24 январдаги 8н-з/11-сон маълумотномаси). Натижада доимий донорларда нутриент мувозанатининг бузилишини ривожланиш ҳавфини самарали олдини олиш ва шу билан уларни донорлик майдонида сақланиш имконини берган.