Худайқулов Шавкатбек Сойибжановичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Аррали жин цилиндри қайишқоқ таянчли подшипник конструкциясини ишлаб чиқиш ва параметрларини асослаш”, 05.02.03 – Технологик машиналар. Роботлар, мехатроника ва робототехника тизимлари (техника фанлари).
Диссертация мавзуси рўйхатга олинган рақам: В2019.4.PhD/Т461.
Илмий раҳбар: Джураев Анвар Джураевич, техника фанлари доктори, профессор.
Диссертация бажарилган муассаса номи: Андижон машинасозлик институти ва Наманган давлат университети.
ИК фаолият кўрсатаётган муассаса (муассасалар) номи, ИК рақами: Наманган муҳандислик-технология институти, PhD.03/30.12.2019.01.
Расмий оппонентлар: Ахмедходжаев Ҳамит Турсунович, техника фанлари доктори, профессор; Салимов Алишер Машраббоевич, техника фанлари номзоди, профессор.
Етакчи ташкилот: Бухоро муҳандислик-технология институти.
II. Тадқиқотнинг мақсади: жин машинаси аррали цилиндри қайишқоқ элементли подшипник таянчининг ресурстежамкор, титрашга барқарор конструкциясини ишлаб чиқиш ва параметрларини асослашдан иборат.
III. Тадқиқотнинг илмий янгилиги:
қайишқоқ материалларнинг деформацияланиш ва вибрацияни сўндириш хусусиятларини ҳисобга олган ҳолда жиннинг аррали цилиндри қайишқоқ элементли подшипник таянчига эга бўлган самарали, виброизоляция қилувчи конструкцияси ишлаб чиқилган;
аррали цилиндрнинг тебраниш амплитудаси, частотаси ва динамик коэффициентини ҳисоблаш формулалари таҳлили натижаларидан келиб чиқиб, аррали цилиндр тебраниш амплитудасининг айланиш частотаси ва қайишқоқ подшипникли таянч бикрлигига таъсири аниқланган;
аррали цилиндр вертикал силжиши ва тезлигининг ўзгариш қонуниятларини ҳисобга олган ҳолда аррали цилиндр тебраниш амплитудасига жинланаётган пахта массасининг таъсири аниқланган;
қайишқоқ таянчли подшипник динамик хусусиятларини инобатга олиб, аррали цилиндрни эгилишга ҳисоблашнинг аналитик усули ишлаб чиқилган;
асинхрон электр юритгич механик характеристикаси ва пахтанинг технологик қаршилигини инобатга олиб, аррали цилиндр юритиш механизми бўлган машина агрегатининг математик моделлари ишлаб чиқилган ва аррали цилиндр валидаги бурчак тезлик ва буровчи моментнинг пахта технологик қаршилигига боғлиқлиги аниқланган;
аррали цилиндрнинг айланма ва эгилиш тебраниш қонуниятлари резинали таянч бикрлигини ҳисобга олиб, аррали цилиндр валидаги буровчи момент ўзгаришининг жин иш унумига ва подшипникли таянч қайишқоқ элементи айланма бикрлик коэффициентига боғлиқлиги асослаб берилган;
тўлиқ омилли тажрибалар натижалари асосида қайишқоқ подшипникли таянчи бўлган аррали цилиндр параметрларининг оптимал қийматлари аниқланган.
IV. Тадқиқот натижаларининг жорий қилиниши.
Аррали жин цилиндрлари учун қайишқоқ элементли подшипник таянчи ишлаб чиқиш бўйича олиб борилган тадқиқотлар натижалари асосида: 
аррали жин цилиндрлари учун қайишқоқ элементли таянч подшипник конструкциясига Ўзбекистон Интелектуал мулк агентлигининг фойдали моделга патент олинган («Айланиш валлари тебранишларини йўқотиш учун таянч», №FAP 01340-2018й). Натижада аррали вал эгилиши ва тебранишлари пасайиши ҳисобига аррали цилиндр вали, подшипниклар ҳамда корпус деталларининг ишлаш муддати 4,0-4,5% мартага oшган ва шoвқин сeзиларли даражада пасайган;
қайишқоқ элементли таянчга эга бўлган аррали жин цилиндри "Ўзпаxтасанoат" АЖ тизимидаги "Тўрақўрғoн паxта тoзалаш" корхонасида ўрнатилган ("Ўзпаxтасанoат" АЖнинг 2019 йил 18 oктябрдаги 03-18/6057-сoн маълумотнoмаси). Натижада толадаги ифлослик ва нуқсонли аралашмалар массавий улуши миқдoри ўртача 0,5% га, чигитнинг мexаник шикастланиш даражаси 0,2% га камайган, тoла чиқиши 0,4% га oшган;
аррали цилиндрга мўлжалланган қайишқоқ элементли подшипник таянч конструкцияси “Мингбулoк паxта тoзалаш” корхонасида жорий қилинган ("Ўзпаxтасанoат" АЖнинг 2019 йил 18 oктябрдаги 03-18/6057-сoн маълумотнoмаси). Натижада толадаги ифлосликлар ва нуқсонли аралашмалар массавий улуши миқдори ўртача 0,3% га пасайган, чигитнинг мexаник шикастланиш даражаси 0,4% га камайган, тoла чиқиши 0,2% га oртган.