Набиев Абдисамат Набиевичнинг
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): «Полианилинли комплекс сорбентлар асосида саноат корхоналарининг оқaва сувлари ва чиқинди газларини тозалаш», 11.00.05 – Атроф-муҳитни муҳофаза қилиш ва табиий ресурслардан оқилона фойдаланиш (кимё фанлари).
Диссертация мавзуси рўйхатга олинган рақам: B2019.2.DSc/К67.
Илмий маслаҳатчи: Муҳиддинов Баходир Фахриддинович, кимё фанлари доктори, профессор.
Диссертация бажарилган муассаса номи: Навоий давлат кончилик институти.
ИК фаолият кўрсатаётган муассаса (муассасалар) номи, ИК рақами: Тошкент кимё-технология институти, DSc.03/30.12.2019.К/Т.04.02. 
Расмий оппонентлар: Муталов Шухрат Ахмаджонович, кимё фанлари доктори, профессор; Сидиков  Абдижалол Сидикович, кимё фанлари доктори, профессор; Мухамедов Қобилджан Ғофурович, техника фанлари доктори.
Етакчи ташкилот: Умумий ва ноорганик кимё институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: полимер-полимерли фрактал структурали комплексларнинг синтези ва улар асосида олинган сорбентлар асосида ишлаб чиқарувчи саноат корхоналари оқава сувларини ва заҳарли газларини тозалашдан иборат.
III. Тадқиқотнинг илмий янгилиги:
илк бор янги усулда чизиқли ва тикилган поликислоталар асосида фрактал структурали полианилинли комплекслари ва улар асосидаги полианилинли сорбцион материаллари олинган; 
полианилинни поликислоталар билан фрактал шароитларда ўзаро таъсирланиш кинетик қонуниятлари аниқланган ҳамда полианилинли комплекслар ва улар асосидаги сорбцион материалларни оптимал таркиби ва олиш техник шароитлари ишлаб чиқилган; 
полианилинли фрактал структурали сорбентлари замонавий физик-кимёвий усулларида уларнинг физик-кимёвий механик, сорбционлик ва ишлатилиш хоссалари аниқланганг;  
олинган фрактал полианилинли комплекслар ва улар асосидаги сорбцион материалларнинг энг муҳим хусусиятлари, шунингдек электр ўтказувчанлиги, термик барқарорлиги, сорбционлик хоссалари ва деструкцияланиш соҳалари аниқланган; 
полианилинларни поликислоталар билан электрофрактал шароитларда ўзаро таъсирланишини интерполиэлектролит жараёнлардек қарашликни ҳамда олинган фрактал полианилинли комплекслар ва улар асосидаги сорбцион материаллар ҳарорат ва рН муҳитининг кенг интервал қийматлардаги барқарорлиги исботланган;. 
қатор саноат корхоналари чиқинди газларини ва оқава сувларини тозалаш учун фрактал полианилинли комплекслар ва улар асосидаги сорбцион материалларни олиш жараёнларини экспреминтал модули ишлаб чиқилган;
оқава сувларини ва чиқинди газларини тозалаш технологияси мукамаллаштирилган ва полимер сорбентларни динамик шароитларда регенирация қилиш услублари яратилган.
IV. Тадқиқот натижаларининг жорий қилиниши. 
Ишлаб чиқариш корхоналарнинг оқава сувларини ва чиқинди газларини янги фрактал полианилинли комплекслар ва сорбцион материаллар асосида тозалаш бўйича олинган илмий натижалар асосида:
фрактал интерполимер комплексларини синтез қилиш усулига Ўзбекистон Республикаси Интеллектуал мулк агентлигининг ихтирога патенти олинган (№IAP04297, 2011 й.). Натижада чиқинди газлар ва оқава сувларини тозалашда ишлатиладиган фрактал структурали сорбентлар олиш имконини берган;
чиқинди газларни тозалаш учун сорбентни олиш усулига  Ўзбекистон Республикаси Интеллектуал мулк агентлигининг ихтирога патенти олинган (№IAP04294, 2011 й.). Натижада полианилин асосдаги фрактал комплексларнинг янада самарадор сорбентлар олиш имконияти яратилган;
полианилин сорбентини ишлаб чиқаришнинг техник шарти «Ўзстандарт» агентлиги томонидан тасдиқланган (Ts 04973254-01:2019й). Натижада полианилинли комплекслар асосида олинган сорбентларни импорт қилинган сорбентлар ўрнига полианилин асосида олинган сорбентини ишлатиш имконини берган;
синтез қилинган полианилинли комплекс сорбентлари “Навоиазот” АЖда нитроза газларини тозалаш жарёнига жорий этилган («Навоиазот» АЖнинг 2019 йил 11 июлдаги 54-сон маълумотномаси). Натижада атроф-муҳитни нитроза газларидан тозалаш имконини берган.