Ishnazarov Oybek Xayrilaevichning

 doktorlik dissertatsiyasi himoyasi haqida e’lon

    I. Umumiy ma’lumotlar.

Dissertatsiya mavzusi, ixtisoslik shifri (ilmiy daraja beriladigan fan tarmog‘i): «Mineral xomashyo resurslarni qayta ishlashda energiya tejamkor texnologiyalarni ishlab chiqish (kon-metallurgiya sanoat misolida)», 05.05.01–«Energetika tizimlari va majmualari» (texnika fanlari).

Talabgorning ilmiy va ilmiy-pedagogik faoliyat olib borishga layoqati bo‘yicha test sinovidan o‘tgani haqida ma’lumot: / texnika fanlari nomzodi /.

Dissertatsiya mavzusi ro‘yxatga olingan raqam: 28.04.2016/B2016.2.T675

Dissertatsiya bajarilgan muassasa nomi: «Ilmiy-texnika markazi» MChJ.

IK faoliyat ko‘rsatayotgan muassasa (muassasalar) nomi, IK raqami: Toshkent davlat texnika universiteti va «Ilmiy-texnika markazi» MChJ 14.07.2016.T.02.01.

Ilmiy maslahatchining F.I.Sh., ilmiy darajasi va unvoni: Kamalov Tolyagan Sirajiddinovich, texnika fanlari doktori, professor.

Rasmiy opponentlar: Aripov Nazirjon Mukaramovich, texnika fanlari doktori, professor;Tetyana Morozyuk, fanlari doktori, professor (Germaniya); Alimxodjaev Kamoliddin Tillaxodjaevich, texnika fanlari doktori.

Yetakchi tashkilot: «Olmaliq kon-metallurgiya kombinati»aksiyadorlik jamiyati.

Dissertatsiya yo‘nalishi: nazariy va amaliy ahamiyatga molik.

    II. Tadqiqotning maqsadi: rudani boyitish texnologik jarayonida rostlanuvchi elektr yuritma va elektr ko‘rsatkichlarini me’yorlash asosida energiya samaradorligini ta’minlovchi texnik echimlarni ishlab chiqishdan iborat.

    III. Tadqiqotning ilmiy yangiligi:

nasos detallarning emirilishiga ta’sir etuvchi asosiy omillarning funksiyasi sifatida emirilishining  matematik modeli ishlab  chiqilib, nasos detallari emirilishiga ta’sir etuvchi muhim omillar aniqlangan;

chastotaviy rostanadigan «asinxron motor–pul`pa tortib chiqaruvchi nasos» tizimining energiya va resurstejamkor rejimlari ishlab chiqilgan;

elektr energiya iste’molining samaradorlikka va maydalashning ikkinchi bosqichida tegirmonni sharlar bilan to‘ldirish darajasiga bog‘liqligi aniqlangan;  

energiyatejamkorlik samaradorligini  baholash uchun elektr iste’molini me’yorlash va modellashtirishning kompleks uslubi ishlab chiqilgan;  

asosiy texnologik ko‘rsatkichlari asosida elektrenergiya  iste’molini bashorat qilish modeli ishlab chiqilgan

    IV. Tadqiqot natijalarining joriy qilinishi:

Rudani boyitish texnologik jarayonida rostlanuvchi elektr yuritmalar va elektr ko‘rsatkichlarini me’yorlash asosida energiya samaradorligini ta’minlovchi texnik echimlarni ishlab chiqish asosida:

pul`pani tortuvchi nasos qurilmasining chastotaviy rostlanuvchi elektr yuritmasining matematik modeli, nasos qurilmalarining energiyatejamkor ish rejimlari, nasos qurilmasining struktura sxemalari va uni boshqarish algoritmi Navoiy kon-metallurgiya kombinatining korxonalarida, jumladan 2- va  3-Gidrometallurgiya zavodlarida texnologik jarayonni boshqarish va nazorat qilish uchun nasos qurilmalariga qo‘llanilgan (Navoiy kon-metallurgiya kombinatining 2016 yil 4 maydagi
02-07-07/5028-son ma’lumotnomasi). Ilmiy natijalarning qo‘llanishi nasos qurilmalari bo‘yicha elektr  energiya sarfining 5 foizga kamayishiga xizmat qilgan;

chastotaviy rostlanadigan «asinxron motor – nasos» tizimi va texnologik jarayonlarda  elektroenergiya iste’molining bashorati masalalarining echimlari FA-F5-F050  «Turbomexanizmlarda sodir bo‘ladigan o‘zaro aloqador elektrik, gidravlik va mexanik jarayonlarni tadqiq qilish va modellashtirish hamda elektr yuritmalarini ratsional boshqarish tizimlarini ishlab chiqish» grant loyihasida (2007-2011) turbomexanizm qurilmalarini chastotaviy rostlaganda energetik parametrlarini va elektr energiya iste’molining tarkibiy tuzilmasini, kombinatsiyalangan chastota orqali boshqariladigan asinxron elektr yuritmani o‘zaro aniqlashda qo‘llanilgan (Fan va texnologiyalarni rivojlantirishni muvofiqlashtirish qo‘mitasining 2016 yil 20 sentyabrdagi FTK-03-13/596-son ma’lumot- nomasi). Ilmiy natijaning qo‘llanilishi nasos uskunalarini xizmat ko‘rsatish muddatini oshirish, texnologik jarayonlarda elektr energiya sarfini pasayishi va uning resurstejamkor rejimlarini ta’millash hamda texnologik jarayonlarning energiyatejamkor ish rejimlarini aniq baholash imkonini bergan.