Ҳамроқулов Маҳмуд Ғофуржоновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Гомо- ва гетерозанжирли полимерларни товарлар номенклатураси бўйича таснифлашни физик-кимёвий тадқиқ этиш, сертификатлаш ва уларнинг ҳавфсизлик билан ўзаро боғлиқлиги», 02.00.09 – Товарлар кимёси (техника фанлари).
Диссертация мавзуси рўйхатга олинган рақам: В2017.3.РhD/Т427. 
Илмий раҳбар: Асқаров Иброхим Рахмонович кимё фанлари доктори, профессор.
Диссертация бажарилган муассаса номи: Тошкент кимё-технология институти. 
ИК фаолият кўрсатаётган муассаса (муассасалар) номи, ИК рақами: Тошкент кимё-технология институти, DSc.03/30.12.2019.К/Т.04.02.
Расмий оппонентлар: Рахимов Дилшод Ахмедович, кимё фанлари доктори, профессор; Тешабаева Элмира Убайдуллаевна, техника фанлари доктори, доцент.
Етакчи ташкилот: Тошкент давлат техника университети.
Диссертация йўналиши: назарий ва амалий аҳамиятга молик. 
II. Тадқиқотнинг мақсади: гомо- ва гетерозанжирли полимерларнинг ТИФда қўлланадиган кодларини белгиловчи усулларини ишлаб чиқиш ва улар асосидаги буюмларнинг сифат ва ҳавфсизлик кўрсаткичларини тезкор ва самарали баҳолаш усулини яратишдан иборат.
III. Тадқиқотнинг илмий янгилиги: 
полимерлар ва улар асосидаги буюмлар таркибида инсон саломатлиги ва ҳаёти учун ҳавфли бўлган қуйи молекуляр компонентларнинг пайдо бўлишига сабаб бўлувчи омиллари аниқланган;
гомозанжирли полимерларнинг кимёвий таркиби, тузилиши ва истеъмол хоссасидан келиб чиққан ҳолда амалдаги товар кодларига қўшимча тарзда киритилган янги товар кодлари яратилган; 
гомозанжирли полимерларнинг товар ҳолатини белгиловчи органолептик, физик-кимёвий, сифат ва ҳавфсизлик кўрсаткичлари ҳамда истеъмол хоссасига мувофиқ мазкур товарларнинг код рақамларини уларнинг зичлиги асосида белгилаш усуллари ишлаб чиқилган;
гомозанжирли полимерларнинг товар ҳолатини белгиловчи кўрсаткичлар ва уларни аниқлаш усулларидан  мазкур товарларнинг код рақамларини аниқлашда фойдаланиш мезонлари яратилган;
полимерларнинг табиати, ҳосил бўлиш шароити, технологик режимлари, ишлаб чиқарилиши ва уларнинг эксплуатация хоссаларини таъминловчи омиллардан келиб чиқиб, полимерлар ва улар асосида тайёрланган буюмларнинг ҳавфсизлик кўрсаткичлари аниқланган;
гомо- ва гетерозанжирли полимерлар асосида тайёрланган буюмлардаги қолдиқ мономерларнинг миқдорий қисмини аниқлаш усуллари ишлаб чиқилган.
IV. Тадқиқот натижаларининг жорий қилиниши.
Ташқи иқтисодий фаолият товарлар номенклатурасига мувофиқ  гомозанжирли полимерларнинг таснифланишини такомиллаштириш бўйича олинган илмий натижалар асосида: 
Ўзбекистон Республикаси ТИФ ТНга киритилган гомозанжирли полимерлар учун янги код рақамлари божхона амалиётига жорий этилган (Давлат божхона қўмитасининг 2019 йил 12 июлдаги 1/16-75-сон маълумотномаси). Натижада, гомозанжирли полимерларнинг код рақамларини нотўғри аниқлаш оқибатида мамлакат иқтисодиётига зарар етказилишининг олдини олиш имконини берган;
полиэтилентерефталат асосидаги маҳсулотдан ацетальдегид қолдиғининг масса улушини аниқлаш учун ишлаб чиқилган божхона экспертизасини ўтказишнинг тезкор усули божхона амалиётига жорий этилган (Давлат божхона қўмитасининг 2019 йил 14 ноябрдаги 1/16-587-сон маълумотномаси). Натижада, истеъмолчиларнинг  саломатлигига ҳавф туғдирадиган ацетальдегидли полиэтилентерефталат қадоқлаш воситаларини тез ва аниқ таҳлил қилиш имконини берган;
стирол  қолдиғининг масса улушини аниқлаш учун ишлаб чиқилган божхона экспертизасини ўтказишнинг тезкор усули божхона амалиётига жорий этилган (Давлат божхона қўмитасининг 2019 йил 14 ноябрдаги 1/16-587-сон маълумотномаси). Натижада, таркибида истеъмолчиларнинг  саломатлигига ҳавф туғдирадиган стиролли  пластмасса маҳсулотларини  тез ва аниқ таҳлил қилиш имконини берган;
полимерларни уларнинг ҳавфсизлиги бўйича таснифлаш усули  Давлат божхона қўмитаси амалиётига жорий этилган (Давлат божхона қўмитасининг  2019 йил 14 ноябрдаги 1/16-587-сон маълумотномаси). Натижада, божхона фаолиятида гомо- ва гетерозанжирли полимерларнинг экспертиза самарадорлигини ошириш имконини берган;
полимерларни идентификациялашнинг божхона мақсадларида ишлаб чиқилган божхона экспертизасини ўтказиш бўйича экспресс усул божхона амалиётига жорий этилган (Давлат божхона қўмитасининг 2019 йил 14 ноябрдаги 1/16-587-сон маълумотномаси). Натижада, полимерларни божхона мақсадлари учун тез ва сифатли идентификациялаш имконини берган.