Mirsaatov Ravshanbek Muminovichning

doktorlik dissertatsiyasi himoyasi haqida e’lon

    I. Umumiy ma’lumotlar.

Dissertatsiya mavzusi, ixtisoslik shifri:«Pillalar sifatini nazorat qilishga mo‘ljallangan statistik usullarni va avtomatlashtirilgan qurilmalarni ishlab chiqish», 05.03.01 – «Asboblar. O‘lchash va nazorat qilish usullari» ixtisosligi (texnika fanlari).

Talabgorning ilmiy va ilmiy-pedagogik faoliyat olib borishga layoqati bo‘yicha test sinovidan o‘tgani haqida ma’lumot: /fizika-matematika fanlari nomzodi/.

Dissertatsiya mavzusi  ro‘yxatga olingan raqam: 30.06.2015/B2015.2.T535.

Dissertatsiya bajarilgan muassasa nomi: Toshkent avtomobil` yo‘llarini loyihalashtirish, qurish va foydalanish instituti.

IK faoliyat ko‘rsatayotgan muassasa nomi, IK raqami: Toshkent davlat texnika universiteti va «Ilmiy-texnika markazi» ma’suliyati cheklangan jamiyat  huzuridagi 14.07.2016.T.02.01 raqamli ilmiy kengash.

Ilmiy maslahatchi: Yusupov Axmadjon Yusupovich, fizika-matematika fanlari doktori, professor.

Rasmiy opponentlar: Muxitdinov Muxsin Muminovich, texnika fanlari doktori, professor; Xakimov Ortigali Sharipovich, texnika fanlari doktori, professor; Sedinin Valeriy Ivanovich, texnika fanlari doktori, professor (Rossiya Federatsiyasi).

Yetakchi tashkilot: Toshkent to‘qimachilik va engil sanoat instituti.

Dissertatsiya yo‘nalishi: amaliy ahamiyatga molik.

    II. Tadqiqotning maqsadi: ipakli pillalar qobig‘ini qattiqligi bo‘yicha sifat ko‘rsatkichlarini nazorat qilish usullarini ishlab chiqish va avtomatlashtirilgan qurilmalarni yaratishdan iborat.

    III. Tadqiqotning ilmiy yangiligi:

qobig‘ining qattiqligi asosida pillalarning sifat ko‘rsatkichlari, jumladan pillalarning ipakchanligi, hajmiy qattiqligi, pillalarning etilganlik darajasi, pilla qobig‘ining qalinligi va zichligini aniqlash usullari  ishlab chiqilgan;

ipakli pillalar hajmini aniqlash imkonini beradigan,  murakkab shakldagi jismlar hajmini aniqlash qurilmasi ishlab chiqilgan;

etilmagan va katta solishtirma hajmli (kar) pillalarning ulushini aniqlash usuli va qurilmasi ishlab chiqilgan;

topshirilayotgan partiyalarda pillalarning haqiqiy ipak miqdorini, etilganlik darajasini, pilla qobig‘ining qalinligi va zichligini pilla qobig‘ining qattiqligi asosida yuqoriroq  aniqlikda hisoblash imkonini beruvchi uchta qurilma ishlab chiqilgan;

ipakli pillalarni kesmasdan  ipakchanligini aniqlashga mo‘ljallangan, pillalarning solishtirma hajmini o‘lchaydigan FTI-1M asbobi tirik pillalarning (3 kg) o‘zgarmas massali namunalarini olish va o‘lchov silindridagi pillalar qatlamining balandligini avtomatik tarzda o‘lchash hisobiga takomillashtirilgan. Pillalar ipakchanligini aniqlashning tezkor usuli ishlab chiqilgan.

    IV. Tadqiqot natijalarining joriy qilinishi:

 Pillalar sifatini nazorat qilishga mo‘ljallangan usullar va avtomatlashtirilgan qurilmalarni ishlab chiqish asosida:

pillalarni kesmasdan ipakchanligini aniqlash bo‘yicha «Pillalarning ipak miqdorini aniqlash usuli», «Tirik pillalardagi ipak miqdorini aniqlash usuli», «Pilladagi ipak miqdorini aniqlash usuli», «Ipak miqdorini pilla qobig‘ining qattiqligi bo‘yicha aniqlash usuli» O‘zbekiston Respublikasi Intellektual mulk agentligining 4 ta ixtiroga patenti olingan (UZ IAP05164, 22.01.2016 y., UZ IAP05014, 19.01.2015 y., UZ IAP04905, 08.05.2014 y., UZ IAP04652, 15.01.2013 y.). Ishlab chiqilgan usullar va ularni amalga oshiruvchi qurilmalar topshirilayotgan partiyalarida tirik pillalardagi ipak miqdorini yuqoriroq aniqlikda o‘lchash imkonini bergan;

pilla partiyalaridagi nuqsonli pillalar ulushini aniqlash bo‘yicha «Katta solishtirma hajmli pillalarning foiz ulushini aniqlash usuli» O‘zbekiston Respublikasi Intellektual mulk agentligining ixtiroga patenti olingan (UZ IAP05003, 05.12.2014 y.). Ishlab chiqilgan usul va uni amalga oshiruvchi qurilma pillalarning sifat ko‘rsatkichlariga salbiy ta’sir etuvchi etilmagan va kar pillalarning partiyalaridagi ulushini yuqoriroq darajada aniqlash imkonini bergan; 

ipakli pillalar sifat parametrlarini aniqlash bo‘yicha ishlab chiqilgan usullar va ular asosida yaratilgan qurilmalar, tirik pillalarning solishtirma hajmini o‘lchaydigan takomillashtirilgan FTI-1M asbobi  hamda tirik pillalar ipakchanlikni aniqlashning tezkor usuli qishloq xo‘jaligiga, jumladan Toshkent viloyatining Yangiyo‘l Bosh pillaxonasiga (2011–2015 yy.) joriy qilingan (Qishloq va suv xo‘jaligi vazirligining 2016 yil 09 yanvardagi  02/35-26-son ma’lumotnomasi). Tadqiqot natijalarining joriy qilinishi topshirilayotgan pilla partiyalarida tirik pillalarning sifat parametrlarini, jumladan pillalarning o‘rtacha hajmi, hajmiy qattiqligi, etilganlik darajasi, ipakchanligi, etilmagan va katta solishtirma hajmga ega bo‘lgan (kar) pillalarning foizli ulushini aniqlashga xizmat qilgan.