Джалилов Анвар Уроловичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Гидромелиоратив объектлари бошқарув ва назорат тизимлари учун кўп функцияли интеллектуал датчиклар», 05.01.06 – Ҳисоблаш техникаси ва бошқарув тизимларининг элементлари ва қурилмалари (техника фанлари).
Диссертация мавзуси рўйхатга олинган рақам: B2019.3.PhD/T1160.
Илмий раҳбар: Баратов Рустам Жалилович, техника фанлари номзоди, доцент.
Диссертация бажарилган муассаса номи: Тошкент ирригация ва қишлоқ хўжалигини механизациялаш муҳандислари институти.
ИК фаолият кўрсатаётган муассасалар номи, ИК рақами: Тошкент давлат техника университети, DSc. 03/30.12.2019.T.03.02.
Расмий оппонентлар: Мамаджонов Алишер Мамажонович, техника фанлари доктори, профессор, Ўлжаев Эркин, техника фанлари номзоди, доцент. 
Етакчи ташкилот: Тошкент ахборот технологиялари университети. 
Диссертация йўналиши: назарий ва амалий аҳамиятга молик.
II. Тадқиқотнинг мақсади: юпқа клапанли тўсиқли очиқ каналларда сув сатҳи ва сарфини назорат қилиш ва ўлчашда ишлатиладиган кўп функцияли интеллектуал датчигини ишлаб чиқиш ва унинг асосий техник характеристикаларини тадқиқ этишдан иборат.
III. Тадқиқотнинг илмий янгилиги:
очиқ каналларда юпқа клапанли тўсиқли горизонтал затворларда сув сатҳи ва сарфини назорат қилиш ва ўлчаш интеллектуал датчигидан иборат тизимнинг бошқа турдаги мавжуд бошқариш ва назорат тизимларига нисбатан энергия истеъмоли икки баравар камлиги исботланган;
очиқ каналларнинг юқори ва пастки бьефларида гидротехник затворнинг текис юзасига таъсир этувчи гидростатик босим кучларининг горизонтал затворнинг бурилиш бурчагига боғлиқлик ифодалари ишлаб чиқилган;
очиқ каналларда юпқа клапанли тўсиқли горизонтал гидротехник затворнинг бурилиш бурчагини ўлчаш орқали сув сатҳи ва сарфини назорат қилиш ва ўлчаш алгоритми ишлаб чиқилган;
очиқ каналларда сув сатҳи ва сарфини назорат қилиш ва ўлчаш интеллектуал датчигидан иборат тизимнинг структура схемаси ва математик модели ишлаб чиқилган;
ўлчаш аниқлиги ва сезгирлиги юқори бўлган кўп функцияли интеллектуал датчикнинг конструкцияси ишлаб чиқилган.  
IV. Тадқиқот натижаларининг жорий қилиниши.
Очиқ каналлар учун ишлаб чиқилган сув сатҳи ва сарфини назорат қилиш ва ўлчашнинг кўп функцияли интеллектуал датчигининг оптимал параметрлари ва иш режимини асослаш бўйича олинган натижалар асосида:
ишлаб чиқилган интеллектуал датчик Жиззах вилояти Зомин тумани “Булоқдаги Шахзода” фермер хўжалигида амалиётга жорий этилган (Сув хўжалиги вазирлигининг 2019 йил 12 декабрдаги 01/25-4752-сон маълумотномаси). Натижада экинларнинг вегетацион даврида кўп функцияли интеллектуал датчигидан фойдаланиб 1 гектар ер учун 95 м3 гача сув ресурси тежалишига эришилган.
кўп функцияли интеллектуал датчикдан иборат назорат ва ўлчаш тизими Сирдарё вилояти Сайхунобод тумани “Жақсилиқ” фермер хўжалигида амалиётга жорий этилган (Сув хўжалиги вазирлигининг 2019 йил 12 декабрдаги 01/25-4752-сон маълумотномаси). Натижада мавжуд назорат ва ўлчаш тизимларига нисбатан электр энергия истеъмолини икки бараваргача камайтириш имкони яратилган.