Махмадияров Отабек Ахаткуловичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ўзбекистонда асалари маҳсулдорлигини оширишда табиий ва минерал озуқалардан фойдаланиш технологиясини такомиллаштириш», 06.02.03 – Хусусий зоотехния. Чорвачилик маҳсулотларини ишлаб чиқариш технологияси (қишлоқ хўжалиги фанлари).
Диссертация мавзуси рўйхатга олинган рақам: B2018.2.PhD/Qx318.
Илмий раҳбар: Тураев Омон Сафарович, қишлоқ хўжалиги фанлари номзоди, катта илмий ходим.
Диссертация бажарилган муассаса номи: Самарқанд ветеринария медицинаси институти. 
ИК фаолият кўрсатаётган муассаса номи, ИК рақами: Қоракўлчилик ва чўл экологияси илмий-тадқиқот институти, PhD.05/30.12.2019.Qх.75.01. 
Расмий оппонентлар: Холмирзаев Дўстмухаммад, қишлоқ хўжалиги фанлари доктори, профессор; Қахрамонов Боймат, қишлоқ хўжалик фанлари номзоди, доцент.
Етакчи ташкилот: Ипакчилик илмий тадқиқот институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади Ўзбекистонда асалари маҳсулдорлигини ошириш учун озуқа таркибига қўшимча табиий ва минерал қўшимчаларни киритиш технологиясидан фойдаланиб, асалари оиласининг ўсиши ва ривожланишини такомиллаштиришдан иборат. 
III. Тадқиқотнинг илмий янгилиги:
илк бор Ўзбекистоннинг ўзига хос табиий иқлим шароитида майсали буғдой (сумалак) сувининг асалари оиласи маҳсулдорлигига таъсири ўрганилган;
майсали буғдой (сумалак) суви билан озиқлантирилган асаларилар организмида бўладиган физиологик ўзгаришлар ўрганилган ва баҳоланган;
асалари оиласида асал ва мум маҳсулдорлигининг ошиши уларни турли хил озиқлантириш омилларига боғлиқлиги ўрганилган.
IV. Тадқиқот натижаларининг жорий қилиниши.
Республикамизда маҳаллий популяциядаги асалари оилалари маҳсулдорлигини ошириш учун уларни турли табиий ва минерал озуқалар билан озиқлантириш бўйича олиб борилган тадқиқот натижалари асосида:
Жиззах вилояти Дўстлик тумани “Турдимурод Сайдахмат” МЧЖда жорий этилган (Ўзбекистон Республикаси ветеринария ва чорвачиликни ривожлантириш Давлат қўмитасининг 30 январь 2020 йилдаги 02/23-40-сон маълумотномаси) Натижада олинган кўрсаткичларининг солиштирма иқтисодий самарадорлиги юқори бўлиб, I-назорат гуруҳида ҳар бир асалари оиласидан 26,1 кг асал олинган бўлса, бу кўрсаткич II-тажриба гуруҳида 35,5 кг ни ва III-тажриба гуруҳида эса 28,3 кг ни ва рентабеллик даражаси I-назорат гуруҳида 22,0 % ни, II- тажриба гуруҳида 75,2 % ни ва III-тажриба гуруҳида эса 48,7 % ни ташкил этган. 
Самарқанд шаҳар “Exclusive colden honey” МЧЖнинг асаларичилик хўжаликларида жорий этилган (Ўзбекистон Республикаси ветеринария ва чорвачиликни ривожлантириш Давлат қўмитасининг 30 январь 2020 йилдаги 02/23-40-сон маълумотномаси) Натижаларнинг солиштирма иқтисодий самарадорлиги юқори бўлиб, I-назорат гуруҳида ҳар бир асалари оиласидан 26,2 кг асал олинган бўлса, бу кўрсаткич II-тажриба гуруҳида 38,2 кгни ва III-тажриба гуруҳида эса 35,2 кгни ва рентабеллик даражаси I-назорат гуруҳида 23,0 % ни, II- тажриба гуруҳида 74 % ни ва III-тажриба гуруҳида эса 48,6 % ни ташкил этган. 
Самарқанд вилояти асаларичилари уюшмаси хўжаликларида жорий этилган (Ўзбекистон Республикаси ветеринария ва чорвачиликни ривожлантириш Давлат қўмитасининг 30 январь 2020 йилдаги 02/23-40-сон маълумотномаси) натижаларнинг солиштирма иқтисодий самарадорлиги юқори бўлиб, I-назорат гуруҳида ҳар бир асалари оиласидан 26,1 кг асал олинган бўлса, бу кўрсаткич II-тажриба гуруҳида 37,5 кг ни ва III-тажриба гуруҳида эса 30,2 кг ни ва рентабеллик даражаси I-назорат гуруҳида 21,0 % ни, II- тажриба гуруҳида 72,0 % ни ва III-тажриба гуруҳида эса 38,8 % ни ташкил этган. 
Самарқанд вилояти Тайлоқ туманидаги “Орзу, Олим, Дилмурод асаллари” фермер хўжалигида жорий этилган (Ўзбекистон Республикаси ветеринария ва чорвачиликни ривожлантириш Давлат қўмитасининг 30 январь 2020 йилдаги 02/23-40-сон маълумотномаси). Натижада, солиштирма иқтисодий самарадорлик юқори бўлиб, I-назорат гуруҳида ҳар бир асалари оиласидан 27,1 кг асал олинган, бу кўрсаткич II-тажриба гуруҳида 40,5 кг ни ва III-тажриба гуруҳида эса 35,2 кг ни ва рентабеллик даражаси I-назорат гуруҳида 23,0 % ни, II- тажриба гуруҳида 87,3 % ни ва III-тажриба гуруҳида эса 58,7 % ни ташкил этган.