Raximov Sherzod Abduxalilovichning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar:
Dissertatsiya mavzusi, ixtisoslik shifri (ilmiy daraja beradigan fan tarmog‘i nomi): “O‘zbekiston Respublikasida yoshlarga oid davlat siyosatining amalga oshirilishi (1991–2018 yillar)”, 07.00.01–O‘zbekiston tarixi.
Dissertatsiya mavzusi ro‘yxatga olingan raqami: B2017.3.PhD/Tar192.
Ilmiy rahbar: Yuldashev Maxamadilxom Mamayunisovich, falsafa fanlari doktori
Dissertatsiya bajarilgan muassasa nomi: Tarix instituti.
IK faoliyat ko‘rsatayotgan muassasa, IK raqami: O‘zbekiston Fanlar akademiyasi Tarix instituti. DSc.02/30.12.2019 Tar.56.01.
Rasmiy opponentlar: Shadmanova Sanobar Bazarbaevna, tarix fanlari doktori, professor; Davletov Sanjar Radjabovich, tarix fanlari doktori.
Etakchi tashkilot: Samarqand davlat universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi 1991-2018 yillarda O‘zbekistonda yoshlarga oid davlat ciyocatining shakllanishi bocqichlari va rivojlanish xucuciyatlarini tarixiy nuqtai nazardan ochib berishdan iborat.
III. Tadqiqotning ilmiy yangiligi quyidagilardan iborat:
Mustaqillik yillarida O‘zbekistonda yoshlarga oid davlat siyosatining huquqiy asoslari yaratilishi va uning rivojlanishi o‘zbek xalqi milliy xususiyatlari hamda jahon mamlakatlaridagi yoshlarga oid ciyocatga asoslangan holda 4 bosqich(1991 – 1996, 1996 – 2001, 2001 – 2017, va 2017 yilda to hozirgi kungacha)da amalga oshirilganligi aniqlangan;
Mamlakat mustaqilligining dastlabki yillarida Respublikada yangi tashkil etilgan yoshlar tashkiloti fuqarolik jamiyatining mustahkam instituti sifatida yoshlarni jamiyat hayotida faol ishtirokini ta’minlagan bo‘lsa-da ular orasidagi asosiy ijtimoiy va iqtisodiy muammolar(tadbirkorlik, bo‘sh ish o‘rinlarini yaratish, uyushmagan yoshlarni birlashtirish)ni echimi borasida etarli tajriba va ko‘nikmalarga ega bo‘lmaganligi ko‘rsatib berilgan;
«Kamolot» yoshlar ijtimoiy harakati mamlakat yoshlarini jiplashtirish va ijtimoiy himoyasi yo‘nalishlarida qator amaliy ishlar (OO‘Yu uchun stipendiyalar, askarlarni OO‘Yulariga o‘qishga kirish imtiyozlari, “Kamolot” uylari)ni olib borganiga qaramasdan O‘zbekiston yoshlarini islohatlar(ijtimoiy-iktisodiy, madaniy)da faol ishtirokini ta’minlovchi ommaviy harakatga aylana olmaganligi faktik materiallar asosida ochib berilgan;
Zamonaviy yangi O‘zbekistonda yoshlar siyosatini takomillashtirish maqsadida «O‘zbekiston yoshlar ittifoqi» va maxsus «Yoshlar – kelajagimiz» jamg‘armasining tashkil etilishi natijasida yoshlarning ijtimoiy, kundalik va kasbiy muammolari, yoshlar tadbirkorligining rivojlantirishni qo‘llab-quvvatlash, imtiyozli kredit va mol-mulkni lizingga berish uchun resurslar ajratish yo‘nalishlarida jiddiy islohg‘atlar amalga oshirilganligi ilmiy asosda asoslangan.
IV. Tadqiqot natijalarining joriy qilinishi. Yoshlarga oid davlat siyosatining amalga oshirilishi masalalari bo‘yicha ilmiy asosda ishlab chiqilgan taklif va xulosalar asosida: 
Yoshlarga oid davlat siyosatining o‘zga xos xususiyatlari, yo‘nalishlari, maqsadlari va rivojlanish omillari hamda yoshlar siyosatiga doir xalqaro tajribaga oid meteriallardan O‘zbekiston Respublikasi Qonunchilik palatasi Yoshlar masalalari bo‘yicha komissiyasining 2019 yilga mo‘ljallangan ish rejasini ishlab chiqishda foydalanilgan (O‘zbekiston Respublikasi Oliy Majlisi Qonunchilik palatasi Yoshlar masalalari bo‘yicha komissiyasining 2019 yil 7 iyundagi 02/20–19 son ma’lumotnomasi). Ushbu ilmiy natijalarning joriy etilishi komissiya ish faoliyati doirasida mamlakatda yoshlar siyosatini rivojlantirishga xizmat qilgan hamda O‘zbekiston Respublikasi Oliy Majlisi Qonunchilik palatasida qabul qilinayotgan barcha qonunlarda yoshlar manfaatlarini milliy qadriyatlar va yoshlar siyosatiga doir halqaro tajribadan kelib chiqib himoya qilish imkonini bergan;
Yoshlar siyosatining ustivor yo‘nalishlariga doir xulosalaridan O‘zbekiston Respublikasining 2016  yil 14 sentyabrdagi O‘RQ-406-sonli «Yoshlarga oid davlat siyosati to‘g‘risida»gi qonuni loyihasini tayyorlashda foydalanilgan (O‘zbekiston Respublikasi Oliy Majlisining Qonunchilik palatasi Demokratik institutlar, nodavlat tashkilotlar va fuqarolarning o‘zini o‘zi boshqarish organlari qo‘mitasining 2019 yil 24 maydagi 05/01-10-231-son ma’lumotnomasi). Tatbiq etilgan natijalar yangi ishlab chiqilgan qonunga yoshlar siyosatiga oid asosiy tushunchalar, prinsiplar va yo‘nalishlar, shuningdek, yoshlarga oid davlat siyosatini amalga oshirishda nodavlat notijorat tashkilotlarining ishtirok etishi prinsiplarni kitirishga xizmat qilgan;
Yoshlarni ijtimoiy qo‘llab-quvvatlash borasidagi xulosalardan  O‘zbekiston Respublikasining 2018  yil 21 dekabrdagi O‘RQ-506-sonli «Qishloq xo‘jaligida ekin maydonlaridan samarali foydalanish mexanizmi takomillashtirilishi munosabati bilan O‘zbekiston Respublikasining ayrim qonun xujjatlariga o‘zgartish va qo‘shimchalar kiritish to‘g‘risida»gi qonuni loyihasini tayyorlashda  foydalanilgan (O‘zbekiston Respublikasi Oliy Majlisining Qonunchilik palatasi Agrar va suv xo‘jaligi masalalari qo‘mitasining 2019 yil 4 iyundagi 04/4-05-82-son ma’lumotnomasi). Ushbu natijaning joriy etilishi yoshlarning er olishida O‘zbekiston yoshlar ittifoqi tuman (shahar) kengashining yosh fuqarolarga dehqon xo‘jaligi yuritish uchun er berish bo‘yicha tavsiyasi orqali ularda ustivorlik huquqini ta’minlashga xizmat qilgan; 
Yoshlarga oid davlat siyosatini amalga oshirishda ishtirok etayotgan turli yoshlar jamoat institutlarining taraqqiyot sur’ati, dinamikasi va faoliyatining o‘ziga xos jihatlari hamda ularning davlat va jamiyat qurilishidagi faoliyatiga doir materiallardan O‘zbekiston yoshlar ittifoqining 2018 yilga mo‘ljallangan ish rejasini, shuningdek, «Yoshlar kelajak bunyodkori» shiori ostida o‘tkazilgan «Yoshlar festivallari» Konsepsiyasini ishlab chiqishda foydalanilgan (O‘zbekiston Yoshlar ittifoqi Markaziy kengashining 2019 yil 25 iyundagi 04-13/2894-sonli dalolatnomasi). Mazkur natijalar yoshlar siyosatini ilmiy asosda o‘rganish orqali yoshlar ma’naviy-axloqiy qiyofasining yangi jihatlarini ochib berishi bilan birga, yoshlarga oid davlat siyosatini yoshlar o‘rtasida yanada kengroq targ‘ib etishga xizmat qilgan.