Boltaev Timur Shavkatovichning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar. 
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Yumshoq to‘qimalar yiringli jarohatlarini kombinirlangan fizik-kimyoviy usulda davolash», 14.00.27–Xirurgiya (tibbiyot fanlari).
Dissertatsiya mavzusi ro‘yxatga olingan raqam B2019.3. PhD/Tib439.
Ilmiy rahbarlar: Safoev Boqodir Barnoevich, tibbiyot fanlari doktori, dotsent., Borisov Igor` Viktorovich, tibbiyot fanlari doktori.
Dissertatsiya bajarilgan muassasa nomi:  Buxoro davlat tibbiyot instituti va Rossiya Federatsiyasi Sog‘liqni saqlash vazirligi FDBT A.V. Vishnevskiy nomidagi jarrohlik MTTIda bajarilgan.
IK faoliyat ko‘rsatayotgan muassasa (muassasalar) nomi, IK raqami: Buxoro davlat tibbiyot instituti, DSc/PhD.04/30.12.2019.Tib.93.01.
Rasmiy opponentlar: Shhyogolev Aleksandr Andreevich tibbiyot fanlari doktori, professor., Ligay Ruslan Efimovich tibbiyot fanlari doktori.
Etakchi tashkilot: Kuban davlat tibbiyot universiteti.
Dissertatsiyaning yo‘nalishi: amaliy ahamiyatga molik. 
II. Tadqiqotning maqsadi. Yumshoq to‘qima yiringli kasalliklari bilan og‘rigan bemorlarda jarohatni davolashning kombinirlangan fizik-kimyoviy usulini qo‘llash orqali davolash natijalarini takomillashtirishdan iborat.
III. Tadqiqotning ilmiy yangiligi: 
eksperimental va klinik tadqiqotlar orqali yiringli jarohatlar bilan og‘rigan bemorlarni davolash uchun dimetilsul`foksid eritmasining maksimal samarali konsentratsiyasi aniqlangan;
argon plazma oqimi kimyoviy preparat dimetilsul`foksiddan reparativ jarayonga ta’sir qilishi va jarohatni tozalash muddati cho‘zilishi isbotlangan;
yumshoq to‘qimalarning yiringli kasalliklarini dimetilsul`foksid eritmasi va argonning plazma oqimlarini mahalliy kompleks qo‘llashning klinik samaradorligi isbotlangan; 
yumshoq to‘qimalarning yiringli kasalliklari bilan og‘rigan bemorlarni birgalikda fizik-kimyoviy davolash usulini qo‘llashning optimal sxemasi ishlab chiqilgan.
IV. Tadqiqot natijalarining joriy qilinishi. Bemorlarda yumshoq to‘qimalar yiringli jarohatlarini kombinatsiyalashgan fizik-kimyoviy usulda davolash chora-tadbirlarini  takomillashtirish bo‘yicha olingan ilmiy natijalar asosida:
«Bemorlarda yumshoq to‘qimalar yiringli xirurgik kasalliklarida jarohatlarni davolash usuli» mavzusida uslubiy tavsiyanoma tasdiqlangan  (Sog‘liqni saqlash vazirligining 2019 yil 6 dekabrdagi 8n-r/569-sonli ma’lumotnomasi). Ushbu uslubiy tavsiyanoma bemorlarda yumshoq to‘qimalar yiringli jarohatlarini kombinatsiyalashgan fizik-kimyoviy usulda davolash chora-tadbirlarini  takomillashtirish bo‘yicha amalga oshirilgan jarrohlik amaliyoti asoratlarining oldini olish imkonini bergan;
«Bemorlarda yumshoq to‘qimalar yiringli xirurgik kasalliklaridagi jarohatlar dinamikasini baholash usuli» mavzusida uslubiy tavsiyanoma tasdiqlangan  (Sog‘liqni saqlash vazirligining 2019 yil 6 dekabrdagi 8n-r/570-sonli ma’lumotnomasi). Ushbu uslubiy tavsiyanoma yumshoq to‘qimalarining xirurgik yiringli jarohatlarini baholash  imkonini bergan;
Tadqiqot davomida tashxislash va davolash samaradorligini  oshirish borasida olingan natijalar sog‘liqni saqlash amaliyotiga, jumladan, Buxoro viloyati ko‘p tarmoqli tibbiyot markazi yiringli xirurgiya bo‘limi, Buxoro shahar klinik shifoxonasining  davolash amaliyotiga  tadbiq etilgan (Sog‘liqni saqlash vazirligining 2020 yil 29 yanvardagi  8n-d/10-son). Amaliyotda tajribaviy va klinik tadqiqotlar orqali dimetilsul`foksid eritmasi va argon plazma oqimlarining birgalikda mahalliy qo‘llanilishi turli etiologiyali yiringli yumshoq to‘qimalar jarohatlarida qo‘llash samaradorligi aniqlab, tadqiqotlar natijasida yumshoq to‘qima yiringli-nekrotik kasalliklari bilan og‘rigan bemorlarni davolashning optimal usuli ishlab chiqildi, dimetilsul`foksid eritmasi va argon plazma oqimlarining birgalikda ishlatilishi jarohat jarayoni fazalarining o‘zgarishini tezlashtirdi. Shu tariqa yiringli jarohatlar bilan og‘rigan bemorlarni davolash kunlarini 3 kunga qisqarishiga olib keldi.