Sharapova Sabohat Djabbarovnaning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Yoshlarda mafkuraviy immunitet shakllanlanganligining ijtimoiy-psixologik jihatlari”, 19.00.05 – Ijtimoiy psixologiya, etnopsixologiya (psixologiya fanlari).  
Dissertatsiya mavzusi ro‘yxatga olingan raqam: B2017.2.PhD/Psi13.
Ilmiy raxbar: Alimov Xujageldi, psixologiya fanlari nomzodi, dotsent.
Dissertatsiya bajarilgan muassasa nomi:  Guliston davlat universiteti.
IKfaoliyat ko‘rsatayotgan muassasa nomi, IK raqami: Toshkent davlat pedagogika universiteti, DSc.03/30.01.2020.P.26.02.
Rasmiy opponentlar: Samarov Rustam Sadriddinovich, falsafa  fanlari doktori, professor; Lutfullaeva Nigora Halimboevna, psixologiya fanlari nomzodi, dotsent. 
Etakchi tashkilot: Qarshi davlat universiteti. 
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi: globallashuv sharoitida yoshlardagi tashqi tahdidlarga qarshi mafkuraviy immunitet shakllanganligining ijtimoiy-psixologik jihatlarini o‘rganishdan iborat
III. Tadqiqotning ilmiy yangiligi:
ijtimoiy tarmoqlar tahdidlarining yoshlarga salbiy ta’siri holatida, ulardagi tahdidbardoshlik, ya’ni axborot madaniyati, turli axborot ta’sirlariga adekvat munosabatlar va tajovuzkorlik darajalari, shuningdek, jins va yosh xususiyatlarini tavsiflovchi holatlar, jumladan tajovuzkorlik ko‘rsatkichi yuqori bo‘lgan yoshlarda tahdidga berilishga moyillik ham yuqori bo‘lishi aniqlangan;
mafkuraviy immunitetning psixologik tasnifi, yoshlarning ijtimoiy xususiyatlari va ommaviy madaniyatga bo‘lgan munosabatlari hamda e’tiqod va qadriyatlarning barqarorligi kabi mafkuraviy kompetensiyalari asoslab berilgan;
ijtimoiy tarmoqlar tahdidlari va xavflariga qarshi yoshlardagi ijtimoiy normalarga mos xulq shakli singari immunogen omillar turlari aniqlangan va ko‘rsatib berilgan;
talabalarda mafkuraviy immunitet shakllanganligining psixodiagnostikasi va psixokorreksiyasi samaradorligi monitoring qilingan.
IV. Tadqiqot natijalarining joriy qilinishi.
Yoshlarda mafkuraviy immunitet shakllanlanganligining ijtimoiy-psixologik jihatlari bo‘yicha olingan ilmiy natijalar asosida: 
Ijtimoiy tarmoqlar tahdidlarining yoshlarga salbiy ta’siri holatida ulardagi taxdidbardoshlik darajalarini aniqlash bo‘yicha olingan amaliy xulosa, taklif va tavsiyalar asosida ta’lim muassasalarining fan o‘qituvchilari, ma’naviy-ma’rifiy ishlarni tashkil etuvchi va olib boruvchi mas’ullari, fuqarolar yig‘inlarining diniy-ma’rifat va ma’naviy axloqiy tarbiya ishlari buyicha maslahatchilari, “Axborot soati” tashkilotchilari, O‘zbekiston yoshlar ittifoqi Guliston shahri va Toshkent shahri hududlarida joriy qilingan (O‘zbekiston yoshlar ittifoqi Markaziy Kengashining 2019 yil 17 apreldagi 04-13/1788-son ma’lumotnomasi). Natijada yoshlar bilan guruhiy ishlashda, axborot madaniyati, ya’ni turli axborot ta’sirlariga adekvat munosabatlar namoyon etishda ijobiy natija bergan hamda talabalarda mafkuraviy immunitetni shakllantirish borasidagi ishlarni amalga oshirishda samarali xizmat qilgan;
Mafkuraviy immunitetning psixologik tasnifi, yoshlarning ijtimoiy xususiyatlari va “Ommaviy madaniyat”ga bo‘lgan munosabatlari hamda (e’tiqod va qadriyatlarning barqarorligi)  mafkuraviy kompetensiyalari bo‘yicha olingan natijalar Guliston davlat universiteti va Toshkent davlat texnika universiteti ta’lim-tarbiya faoliyatiga joriy qilingan (O‘zbekiston Respublikasi Oliy va o‘rta maxsus ta’lim vazirligining 2018 yil 04 apreldagi 89-03-1252-son ma’lumotnomasi). Natijada talabalarda mustaqil fikr-mulohaza yuritish hamda tajovuz ko‘rinishlarining pasayishi ta’lim jarayoniga ijobiy ta’sir etgan; ijtimoiy normalarga mos xulq shakli bo‘lgan  immunogen omillar turlari yuzasidan olingan natijalaridan Toshkent davlat pedagogika universiteti qoshidagi Psixologiya o‘quv-ilmiy markazi tinglovchilarining malakasini oshirish va qayta tayyorlashda foydalanilgan (Psixologiya o‘quv-ilmiy markazi  2019 yil 17 oktyabrdagi 02-07-3985/04-son ma’lumotnomasi). Natijada oliy ta’lim tizimi o‘qituvchilari va amaliyotchi psixologlari faoliyatining ilmiy-metodik ta’minoti kuchaytirilgan;
Talabalarda mafkuraviy immunitetni shakllantirishga yo‘naltirilgan  “Yoshlarda tashqi tahdidlarga qarshi mafkuraviy immunitetni shakllantirish”ga oid, hamda ijtimoiy-psixologik trening dasturlari uning samaradorligini baholash yuzasidan olingan natijalar psixologiya o‘quv-ilmiy markazi tinglovchilarining malakasini oshirish va qayta tayyorlashamaliy faoliyatiga joriy qilingan (Psixologiya o‘quv-ilmiy markazi  2019 yil 17 oktyabrdagi 02-07-3985/04-son ma’lumotnomasi).    Natijada markaz tinglovchilari va amaliyotchi psixologlar faoliyatini uslubiy jihatdan boyitishga xizmat qilgan.