Муродов Бобиржон Ҳаётжон ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ўзбекистонда муқобил молиялаштириш бозорини ривожлантириш», 08.00.07 – Молия, пул муомаласи ва кредит (иқтисодиёт фанлари).
Диссертация мавзуси рўйхатга олинган рақам: В2019.2.PhD/Iqt971.
Илмий раҳбар: Маликов Тоҳир Сатторович, иқтисодиёт фанлари доктори, профессор.
Диссертация бажарилган муассаса номи: Тошкент молия институти.
ИК фаолият кўрсатаётган муассаса номи, ИК рақами: Тошкент молия институти, DSc.03/30.12.2019.I.17.01.
Расмий оппонентлар: Жумаев Нодир Хосиятович, иқтисодиёт фанлари доктори, профессор; Каримов Норбой Ғаниевич, иқтисодиёт фанлари доктори, профессор.
Етакчи ташкилот: Ўзбекистон Республикаси Банк молия академияси.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Ўзбекистонда муқобил молиялаштириш бозорини ривожлантиришга доир илмий таклиф ва амалий тавсиялар ишлаб чиқиш ҳисобланади.
III. Тадқиқотнинг илмий янгилиги:
технопарк резидентларининг инновацион ғоя ва стартап маҳсулотларини молиялаштириш жараёнида муқобил молиялаштириш (краудинвестинг, краудлендинг) усулларини жорий этиш асосланган;
тадбиркорлик субъектлари лойиҳаларини муқобил молиялаштиришда, молиявий манбалар сифатида краудфандингдан фойдаланиш таклиф этилган;
муқобил молиялаштириш бозорида бир краудплатформа компанияси доирасида 500 базавий ҳисоблаш миқдоридан ортиқ маблағ инвестиция қилишга тайёр бўлган инвесторларни аккредитациялаш таклиф этилган;
муқобил молиялаштириш бозори иштирокчиларини жиноий фаолиятдан олинган даромадларини легаллаштиришга, терроризмни молиялаштириш ва оммавий қирғин қуролини тарқатишни молиялаштиришга қарши курашишга қаратилган “Краудплатформа” иштирокчиларини йилига камида бир марта муқобил молиялаштириш бозоридаги мавжуд рискларни ўрганиш таклифи асосланган.
IV. Тадқиқот натижаларининг жорий қилиниши. 
Ўзбекистонда муқобил молиялаштириш бозорини ривожлантиришга доир олинган илмий натижалар асосида: 
инновацион ғоя ва стартап маҳсулотларни молиялаштириш, шу жумладан, муқобил молиялаштириш (яъни краудфандинг)нинг манбаларини жалб этишда кўмаклашиш бўйича ишлаб чиқилган таклифлар Ўзбекистон Республикаси Вазирлар Маҳкамасининг 2017 йил 5 июлдаги 468-сонли «Тошкент шаҳрининг Яшнобод туманидаги инновация технопарки фаолиятини ташкил этиш чора-тадбирлари тўғрисида»ги қарорида инобатга олинган (Ўзбекистон Республикаси Молия вазирлигининг 2019 йил 30 сентябрдаги ДС/06/28-0201-32/3147-сон маълумотномаси). Таклиф асосида технопарк резидентларига инновация маҳсулотларини молиялаштиришда муқобил молиялаштиришдан кенг фойдаланиш  имконияти яратилган;
муқобил молиялаштириш бозорини ривожлантириш, такомиллаштириш ва механизмларини жорий этишга доир ишлаб чиқилган таклифлар Ўзбекистон Республикаси Президентининг 2019 йил 8 январдаги ПФ-5614-сонли «Иқтисодиётни янада ривожлантириш ва иқтисодий сиёсат самарадорлигини оширишнинг қўшимча чора-тадбирлари тўғрисида»ги Фармонида ўз ифодасини топган (Ўзбекистон Республикаси Молия вазирлигининг 2019 йил 30 сентябрдаги ДС/06/28-0201-32/3147-сон маълумотномаси). Таклиф асосида тадбиркорлик субъектлари лойиҳалари ва стартапларда муқобил молиялаштириш механизмларидан фойдаланиш имконияти яратилган;
бир краудплатформа компанияси доирасида 500 базавий ҳисоблаш миқдоридан ортиқ миқдорда маблағ киритишга тайёр бўлган инвесторларни аккредитациялаш бўйича таклиф Ўзбекистон Республикаси Бош прокуратураси ҳузуридаги иқтисодий жиноятларга қарши курашиш Департаменти томонидан жиноий фаолиятдан олинган даромадларни легаллаштириш, терроризмни молиялаштириш ва оммавий қирғин қуролини тарқатишни молиялаштириш билан боғлиқ бўлган “Ички назарот қоидалари”ни ишлаб чиқишда фойдаланилган (Ўзбекистон Республикаси Бош прокуратураси ҳузуридаги иқтисодий жиноятларга қарши курашиш Департаментининг  2019 йил 15 августдаги ДС2/3-2136-19-сон маълумотномаси). Таклиф асосида бир краудплатформа компанияси доирасида маблағ киритишга тайёр бўлган инвесторларни аккредитациялаш, улар тўғрисидаги маълумотларни махсус ваколатли давлат органларига тақдим этиш бўйича ишлаб чиқилган тафсиялар бу сoҳадаги хавф-хатарларнинг камайишини таъминлаган;
муқобил молиялаштириш бозори иштирокчиларини жиноий фаолиятдан олинган даромадларни легаллаштириш, терроризмни молиялаштириш ва оммавий қирғин қуролини тарқатишни молиялаштириш бўйича ишлаб чиқилган таклифлар Ўзбекистон Республикасининг 2019 йил 15 январда қабул қилинган ЎРҚ-516-сонли Ўзбекистон Республикаси Қонунида ўз аксини топган (Ўзбекистон Республикаси Бош прокуратураси ҳузуридаги иқтисодий жиноятларга қарши курашиш Департаментининг  2019 йил 15 августдаги ДС2/3-2136-19-сон маълумотномаси). Таклиф асосида “Краудплатформа” иштирокчиларини йилига камида бир марта муқобил молиялаштириш бозорида бўлган таваккалчиликларни ўрганиш, уларнинг натижаларини ҳужжатлар билан қайд этиш ҳамда аниқланган таваккалчиликларни камайтиришга доир тегишли чоралар кўриш бўйича махсус ваколатли давлат органларига ахборотни тақдим этиш имконияти яратилган.