Bugun o‘tkazilgan videoselektor yig‘ilishida Shavkat Mirziyoev mamlakatimizda koronavirus pandemiyasiga qarshi kurash borasida amalga oshirilayotgan ishlar haqida to‘xtalib o‘tdi:
Aksariyat hudud va korxona rahbarlari, fuqarolarimiz karantin choralarining yumshatilganini "kasallik tugadi" deb, noto‘g‘ri qabul qilmoqdalar.
O‘tgan 10 kunda aholi o‘rtasida kasallanganlar soni ham oshib bormoqda. Jumladan:
Navoiyda — 57 ta,
Samarqandda — 73 ta,
Toshkent shahri va Toshkent viloyatida - 114 ta shunday holat aniqlangan.
Ayniqsa, bozorlar, savdo komplekslari, banklarda ijtimoiy masofaga amal qilmaslik, ko‘cha-ko‘yda tibbiy niqob taqmaslik, bemalol va xotirjam bo‘lib, uylarda turli tadbirlar o‘tkazish holatlari ko‘paymoqda.
Bunday salbiy holatlar kasallikni aniqlash, oldini olish va davolash uchun qilayotgan barcha harakatlarimiz, byudjetdan olinayotgan trillionlab xarajatlarimiz natijadorligini yo‘qqa chiqarishi mumkin.

Manba: https://t.me/koronavirusinfouz