Исмоилов Темурбек Исломовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ўзбекистонда уюшмаган ёшларнинг ижтимоий фаоллиги ва бандлигини таъминлашнинг институционал тизими», 09.00.04–Ижтимоий фалсафа.
Диссертация мавзуси рўйхатга олинган рақам: B2018.2.PhD/Fa213.
Илмий раҳбар: Ойниса Мустафакуловна Мухаммадиева фалсафа фанлари номзоди, доцент.
Диссертация бажарилган муассаса номи: Ўзбекистон Миллий университети.
ИК фаолият кўрсатаётган муассаса (муассасалар) номи, ИК рақами: Ўзбекистон Миллий университети, DSc.30.12.2019.Ғ.01.05.
Расмий оппонентлар: Бекдавлат Алиев, фалсафа фанлари доктори, профессор; Сирожжон Насипкулович  Бердикулов, фалсафа фанлари доктори.
Етакчи ташкилот: Андижон давлат университети.
Диссертация йўналиши: назарий аҳамиятга молик.
II. Тадқиқотнинг мақсади: Ўзбекистонда уюшмаган ёшларнинг ижтимоий фаоллиги, бандлигини таъминлаш билан боғлиқ муаммолар ва уларнинг ечимини аниқлашдан иборат. 
III. Тадқиқотнинг илмий янгилиги:
уюшмаган ёшлар фаолиятининг ижтимоий-сиёсий институт сифатидаги мазмун-моҳияти хронологик (даврий, мантиқий кетма-кетлик асосида) очиб берилган; 
уюшмаган ёшларнинг ижтимоий фаоллиги ва бандлигини таъминлаш тизими концептуал механизмлари (оила, таълим-тарбия муассасалари, жамоат ташкилотлари, сиёсий институтлар) ижтимоий-фалсафий нуқтаи-назардан категориал (назарий ва амалий)  асосланган;
уюшмаган ёшларнинг меҳнатга бўлган ижобий муносабатини ривожлантиришнинг замонавий шакллари ва йўналишлари (суҳбатлар, тадбирлар, меҳнат ярмаркалари) келажакдаги тарихий-фалсафий жараён нуқтаи назардан илмий асосланган; 
уюшмаган ёшлар ижтимоий фаоллиги ва бандлигини таъминлашдаги институционал ўзгаришлар тизими (бандликка кўмаклашиш марказлари, мавсумий меҳнат отрядлари, партиялар қошидаги ёшлар қанотлари бўлимлари, ёшлар ташкилотлари, ижтимоий ҳаракатлар) фалсафий жиҳатдан очиб берилган.
IV. Тадқиқот натижаларининг жорий қилиниши.
Ўзбекистонда уюшмаган ёшларнинг ижтимоий фаоллиги ва бандлигини таъминлашнинг институционал тизими доирасида ишлаб чиқилган ижтимоий-фалсафий таклифлар асосида:
уюшмаган ёшлар фаолиятининг ижтимоий-сиёсий институт сифатидаги мазмун-моҳиятини хронологик таснифидан «Миллий ғоя: Ўзбекистонни ривожлантириш стратегияси» ўқув қўлланмасининг «Ғоялар хилма-хиллиги ва мафкуравий жараёнларнинг ижтимоий тараққиётга таъсири» ва «Миллий ғояга дахлдорлик ҳисси – барқарор тараққиёт омили» деб номланган мавзуларидаги «ғоянинг ижтимоий моҳияти», «миллий ғурур», «даҳлдорлик ҳиссида ижтимоий тизим» тушунчаларини ёритишда фойдаланилган. (Олий ва ўрта махсус таълим вазирлигининг 2019 йил 9 июлдаги 89-03-2725-сон маълумотномаси). Натижада, уюшмаган ёшлар бўйича илгари сурилган илмий фикр-мулоҳазалар, таклиф ва тавсиялар ўқув қўлланманинг назарий-методологик жиҳатдан такомиллашувига хизмат қилган; 
уюшмаган ёшларнинг ижтимоий фаоллиги ва бандлигини таъминлаш тизими концептуал механизмлари ижтимоий-фалсафий нуқтаи-назардан категориал таклиф ва тавсиялардан Ўзбекистон ёшлар иттифоқи уюшмаган ёшларга оид муаммоларини  ўрганишда фойдаланди. (Ўзбекистон Ёшлар иттифоқининг 2019 йил 2 июлдаги 04-13/3035-сон маълумотномаси). Натижада, Ўзбекистонда уюшмаган ёшларни касб-ҳунарга ўргатиш, қайта тайёрлаш ва бандлигини таъминлаш, уюшмаган ёшлар билан олиб борилаётган ишларни тизимли ташкил этишда давлат ва нодавлат ташкилотлари ҳамкорлигини такомиллаштириш режаси такомиллаштирилди; 
уюшмаган ёшларнинг меҳнатга бўлган ижобий муносабатини ривожлантиришнинг замонавий шакллари ва йўналишлари келажакдаги тарихий-фалсафий жараён нуқтаи назардан илмий асосланган хулосаларидан «Жаҳон фалсафаси қомуси»ни тайёрлашда, унинг 1-жилд 353, 451-452 бетларида «Ёшлар», «Ижтимоий фаоллик», «Ижтимоий шартнома назарияси» тушунчаларини илмий нуқтаи-назардан тавсифлашда фойдаланилган (Ўзбекистон файласуфлари миллий жамиятининг 2019 йил 4 июлдаги 16-сон маълумотномаси). Натижада, тақдим қилинган диссертация маълумотларидан ушбу йўналишда фойдаланилгани китоб мазмунини бойитди. Бу борадаги маълумотлар олимлар, тадқиқотчилар ва фалсафа илмига қизиқувчиларнинг фалсафий дунёқарашини кенгайтиришга хизмат қилади;
уюшмаган ёшлар ижтимоий фаоллиги ва бандлигини таъминлашдаги институционал ўзгаришлар тизими фалсафий жиҳатдан асосланган тавсифлардан Республика Маънавият ва маърифат маркази Ўзбекистонда “Ёшлар куни”ни нишонлаш тадбирларида шунингдек, Миллий ғояни ривожлантириш концепцияси тарғиботини амалга оширишда  фойдаланилган. (Республика Маънавият ва маърифат марказининг 2019 йил 10 октябрдаги 02/09-1386-сон далолатномаси). Натижада, диссертация материаллари «Миллий ғоя: Ўзбекистонни ривожлантириш стратегияси», «Ижтимоий фалсафа», «Социология», «Шахс ва жамият» каби фанларнинг мазмунини такомиллаштириш ва уларни янги маълумотлар билан бойитиш, дарсликлар яратишда, «Ёшлар ташкилотлари»,  «Мустақиллик йилларида ёшлар ҳаракати» каби махсус курсларни ишлаб чиқиш ва ёшлар билан ишлайдиган мутахассисларни тайёрлашда муҳим илмий-методологик манба бўлиб хизмат қилди.