Karimova Nargiza Sunnatillaevnaning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Mahalliy tarqalgan bachadon bo‘yni o‘smasining ximiyaviy nur terapiyasiga sezuvchanligini aniqlashga mul`timodal yondashuv», 14.00.14–Onkologiya, 14.00.15–Patologik anatomiya (tibbiyot fanlari).
Dissertatsiya mavzusi ro‘yxatga olingan raqam: B2019.2.PhD/Tib933.
Ilmiy rahbarlar: Mamadalieva Yashnar Mamasolievna, tibbiyot fanlari doktori; Nishanov Daniyar Anarbaevich, tibbiyot fanlari doktori.
Dissertatsiya bajarilgan muassasa nomi: Respublika ixtisoslashtirilgan onkologiya va radiologiya ilmiy-amaliy tibbiyot markazi.
IK faoliyat ko‘rsatayotgan muassasa nomi, IK raqami: Respublika ixtisoslashtirilgan onkologiya va radiologiya ilmiy-amaliy tibbiyot markazi huzuridagi DSc.04/30.12.2019.Tib.77.01 raqamli ilmiy kengash asosidagi bir martalik ilmiy kengash. 
Rasmiy opponentlar: Abdujapparov Suleyman Baxretdinovich, tibbiyot fanlari doktori, professor; Magrupov Baxodir Asadullaevich, tibbiyot fanlari doktori, professor; 
Etakchi tashkilot: Rossiya Federatsiyasi sog‘liqni saqlash vazirligi “N.N.Bloxin nomidagi onkologiya milliy tibbiy tadqiqot markazi” FDBM (Rossiya Federatsiyasi)
Dissertatsiya yo‘nalishi: amaliy ahamiyatga molik.
II. Tadqiqotning maqsadi mahalliy tarqalgan bachadon bo‘yni o‘smasiga chalingan bemorlarda davolash va tashxisotni rejalashtirishda molekulyar-genetik markerlar prognostik ahamiyatini asoslashni takomillashtirishdan iborat.
III. Tadqiqotning ilmiy yangiligi:
mahalliy tarqalgan bachadon bo‘yni saratoni bilan xastalangan bemorlarda ximiyaviy nur bilan davolashdan keyingi davrda VEGF-r53, Ki 67-r53 onkomarkerlarining qo‘shma giperekspressiyasi  erta qaytalanish va metastazlar kelib chiqishi va bemorlarning yashovchanlik darajasini pasayishida ahamiyati asoslangan; 
bachadon bo‘yni saratoni T2bN0-1M0, T3N0-1M0   darajalarining endofit va aralash o‘sish shakllarida, quyi va differensirlanmagan xavflilik darajalarida VEGF, Ki 67 va r53 markerlarning aniqlanishi qat’iy ko‘rsatma ekanligi isbotlangan;
mahalliy tarqalgan bachadon bo‘yni saratoni kasalligi davolash samaradorligiga klinik Bcl2 aniqlanishi ma’lumotsiz ko‘rsatgich ekanligi, immunogistoximiyaviy yo‘l bilan VEGF, Ki 67, Bcl2 va r53 qo‘llash orqali baholash yordamida isbotlangan;
bemorlarda davolashdan keyingi davrda qaytalanish, metastaz va yashovchanlik davrida o‘smaning o‘sish shakli, o‘sma jarayoni yuqori va o‘rta differensirlangan xavflilik darajasida -0,225–0,093 korrelyasion bog‘liqlikni inobatga olib, molekulyar-genetik markerlar ixtiyoriy tekshiruv tartibi ekanligi isbotlangan.
IV. Tadqiqot natijalarining joriy qilinishi. Mahalliy tarqalgan bachadon bo‘yni o‘smasini ximiyaviy nur terapiyasiga sezuvchanligini aniqlashga mul`timodal yondashuvni asoslash bo‘yicha olingan ilmiy natijalar asosida:
«Molekulyar-genetik markerlar asosida mahalliy tarqalgan bachadon bo‘yni o‘smasi tashxisoti usullarining integratsiyasi» metodik tavsiyanomasi tasdiqlangan (Sog‘liqni saqlash vazirligining 2019 yil 7 oktyabrdagi 8n–d/211–son ma’lumotnomasi). Ushbu metodik tavsiyanoma bachadon bo‘yni xavfli o‘smalarini immunogistoximiyaviy mezonlar asosida ishonchli tashxislash imkonini bergan;
Mahalliy tarqalgan bachadon bo‘yni o‘smasini ximiyaviy nur bilan davolash sezuvchanligini baholashga mul`timodal yondashuvni asoslash bo‘yicha olingan ilmiy natijalar sog‘liqni saqlash amaliyotiga, jumladan, Respublika ixtisoslashtirilgan onkologiya va radiologiya ilmiy-amaliy tibbiyot markazi va uning Farg‘ona, Samarqand, Sirdaryo viloyatlari filiallarining klinik va fundamental tashxislash amaliyotiga joriy qilingan (Sog‘liqni saqlash vazirligining 2020 yil 5 martdagi 8n–z/28–son ma’lumotnomasi). Olingan natijalarni amaliyotga joriy qilinishi mahalliy tarqalgan bachadon bo‘yni o‘smasi bemorlari adekvat davolash hajmini tanlashni qulaylashtirish, ularning muddatini qisqartirish, ximiyaviy nur terapiyasining samaradorligini oshirish, kasallik qaytalanish soni va asoratlarni kamaytirish imkonini bergan.