Tursunkulova Shaxnoza Tuychievnaning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Shaxs estetik ongining shakllanishida san’atning o‘rni va sinergetik xususiyati», 09.00.02 – Ong, madaniyat va amaliyot shakllari falsafasi.
Dissertatsiya mavzusi ro‘yxatga olingan raqam: B2017.4.PhD/Fal125.
Ilmiy rahbar: Mahmudova Guli Tilabovna, falsafa fanlari doktori, professor.
Dissertatsiya bajarilgan muassasanomi: Samarqand davlat universiteti.
IK faoliyat ko‘rsatayotgan muassasa (muassasalar) nomi, IK raqami: O‘zbekiston Milliy universiteti, DSc.30.12.2019.F.01.05.
Rasmiy opponentlar: Ramatov Jumaniyoz Sultonovich, falsafa fanlari doktori, professor; Nishonova Ozoda Djaloliddinova, falsafa fanlari doktori.
Etakchi tashkilot: Samarqand davlat chet tillar instituti.
Dissertatsiya yo‘nalishi: nazariy ahamiyatga molik.
II. Tadqiqotning maqsadi san’atningshaxs estetik ongining shakllanishiga ta’siri, san’atning sinergetik asoslarini falsafiy tahlil qilishdan iborat.
III. Tadqiqotning ilmiy yangiligi:
fanlararo mega kategoriya bo‘lgan estetik ongning tizimli, strukturali, evolyusion rivojlanuvchi murakkab xususiyatlari va san’at fenomeni bilan aloqadorligi estetik dunyoqarashda, badiiy asarlarda, etnomadaniy borliqda namoyon bo‘lishi asoslangan; 
shaxs estetik ongining ijtimoiy tajriba evolyusiyasi va san’at ta’sirida shakllanib, yuksalib borishining tarixiy-falsafiy, etnomadaniy, estetik, ontologik xususiyatlari ilmiy asoslangan;
badiiy-estetik ijod va badiiy asarning nochiziqli xususiyatlari estetik ongni shakllantirishda muhim omil ekanligining fanlararo sintezi asosida san’atning sinergetik fenomeni ochib berilgan;
shaxs estetik ongi va tafakkurini shakllantirishda sinergetik asos vazifasini bajaradigan san’at asarlari va san’at turlarining nazariy va amaliy jihatdan tasnifi, zamonaviy san’atning imkoniyatlari va ustuvor vazifalari asoslangan.
IV. Tadqiqot natijalarining joriy qilinishi.
Shaxs estetik ongi shakllanishining murakkabligi, unga san’atning ta’siri, estetik ong va san’atning doimiy harakatdaligi, san’atda sinergetik xususiyatlarni tadqiq etish asosida: 
fanlararo mega kategoriya bo‘lgan estetik ongning tizimli, strukturali, evolyusion rivojlanuvchi murakkab xususiyatlari va san’at fenomeni bilan aloqadorligi estetik dunyoqarashda, badiiy asarlarda, etnomadaniy borliqda namoyon bo‘lishiga oid xulosalaridan O‘zbekiston Yoshlar ittifoqi Samarqand viloyati kengashi tomonidan o‘tkazilgan «Zamonamiz qahramonlari obrazini yaratish va targ‘ib qilish» nomli tadbir loyihasi hamda ssenariysini tuzishda foydalanilgan (O‘zbekiston  yoshlar ittifoqi Markaziy Kengashining 2019 yil 28 oktyabrdagi 04-13/4870-son  ma’lumotnomasi). Natijada, yoshlarning estetik ongi: ideali, nazariy bilimi, qadriyati, baho, did kabi estetik xususiyatlari shakllanishiga, badiiy asar, badiiy ijod haqidagi bilimlari oshishiga erishilgan.
shaxs estetik ongining ijtimoiy tajriba evolyusiyasi va san’at ta’sirida shakllanib, yuksalib borishining tarixiy-falsafiy, etnomadaniy, estetik, ontologik xususiyatlari to‘g‘risidagi ilmiy natija va xulosalaridan O‘zbekiston milliy teleradiokompaniyasining 2019 yil 12-sentyabr` kuni efirga uzatilgan «Milliy estrada» turkum eshittirishining ssenariysini tayyorlashda foydalanilgan (O‘zbekiston milliy teleradiokompaniyasi 2019 yil 16 oktyabrdagi 1-180-son ma’lumotnomasi). Mazkur tadqiqot natijalarining efirga uzatilishi aholini san’at ta’sirida yoshlarning estetik ongini shakllantirishning samarali mexanizmlari haqida ma’lumotlar olishiga  xizmat qilgan;
badiiy-estetik ijod va badiiy asarning nochiziqli xususiyatlari estetik ongni shakllantirishda muhim omil ekanligining fanlararo sintezi asosida san’atning sinergetik fenomeni tahliliga oid xulosa va tavsiyalaridan Samarqand viloyati muzey-qo‘riqxona faoliyatini yanada takomillashtirishda, yangi ekspoziya ko‘rgazmalarini tashkil qilishda foydalanilgan (Madaniyat vazirligining 2019 yil 8 noyabrdagi 01-12-10-5601-son ma’lumotnomasi). Natijada, muzey-qo‘riqxonaning hujjatlar fondida ilmiy ish doirasida 10 dan ziyod eksponatlar yig‘ildi, ekspozision reja tuzilib,   tashkil qilindi, ekskursiya matnlarini yangi nazariy matnlar bilan boyitishda foydalanildi.
shaxs estetik ongi va tafakkurini shakllantirishda sinergetik asos vazifasini bajaradigan san’at asarlari va san’at turlarining nazariy va amaliy jihatdan tasnifi, zamonaviy san’atning imkoniyatlari va ustuvor vazifalariga oid nazariy xulosalari O‘zbekiston milliy universitetida 2015-2017 yillarda bajarilgan A-1-163 raqamli «Demokratik jarayonlarda «o‘zbek modeli»ning konseptual masalalari tahlili va izchil rivojlanishning falsafiy-metodologik asoslari» mavzusidagi amaliy loyihada foydalanilgan (Oliy va o‘rta maxsus ta’lim vazirligining 2019 yil 10 oktyabrdagi 89-03-3847-son ma’lumotnomasi). Bu ilmiy tadqiqot natijalarining amaliy loyihada qo‘llanilishi shaxs estetik ongi va madaniyatining shakllanishida san’atning o‘rni va samaradorligini oshirish yuzasidan xulosalar chiqarish imkonini beradi.