Aytboev Mansurbek Yusupovichning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «O‘zbekiston demokratik taraqqiyotining yangi bosqichida tashkil etilgan xalq qabulxonalarining ijtimoiy ahamiyati», 09.00.04 – Ijtimoiy falsafa.
Dissertatsiya mavzusi ro‘yxatga olingan raqam: B2018.4.PhD/Fal245.
Ilmiy rahbar: Xajieva Maksuda Sultanovna, falsafa fanlari doktori, professor
Dissertatsiya bajarilgan muassasa nomi: O‘zbekiston Milliy universiteti.
IK faoliyat ko‘rsatayotgan muassasa (muassasalar) nomi, IK raqami: O‘zbekiston Milliy universiteti, DSc.30.12.2019.F.01.05.
Rasmiy opponentlar: Norqulov Dustmurod Toshpulatovich, falsafa fanlari doktori, professor; Berdikulov Sirojjon Nasipkulovich, falsafa fanlari doktori. 
Etakchi tashkilot: O‘zbekiston davlat jahon tillari universiteti.
Dissertatsiya yo‘nalishi: nazariy ahamiyatga molik.
II. Tadqiqotning maqsadi: Yangi O‘zbekiston demokratik islohotlarida Prezident Virtual va Xalq qabulxonalari faoliyatini hamda tajribalarining ijtimoiy ahamiyatini falsafiy tadqiq etishdan iborat.
III. Tadqiqotning ilmiy yangiligi:
O‘zbekistonda amalga oshirilayotgan islohotlar va davlat boshqaruvdagi demokratik o‘zgarishlarning mohiyati (faoliyatga tanqidiy yondashuv, ochiqlik, inson manfaatlarining ustunligi, xalqni rozi qilish, odil sudlov) ochib berilgan; 
xalq qabulxonalari mohiyatan davlat va halq o‘rtasida samarali muloqotni tashkil etuvchi, xalqning davlatga ishonchini mustahkamlovchi va aholining ijtimoiy faolligini oshirish orqali ularni ijtimoiy taraqqiyotning faol ishtirokchisiga aylanishini ta’minlovchi demokratik institut sifatida shakllanganligi ilmiy asoslangan;
mamlakatimizda biznes, tadbirkorlik va ishbilarmonlikning rivojlanishiga g‘ov bo‘lib kelayotgan sun’iy to‘siqlarni (hujjatbozlik, sansalorchilik, tanish bilishchilik, byurokratiya, korrupsiya) bartaraf etishda virtual va xalq qabulxonalari faoliyatining muhimligi ochib berilgan;
xalq qabulxonalari xodimlarini kompetentligini aniqlashda professiogrammadan (intellektual salohiyat, yuksak ma’naviy-axloqiy fazilatlar, boshqarish san’ati, tashkilotchilik qobiliyati, kasbiy psixologiya,) foydalanish ular faoliyatini takomillashtirish omili ekanligi asoslangan.
IV. Tadqiqot natijalarining joriy qilinishi.
O‘zbekistonda amalga oshirilayotgan demokratik islohotlarning mohiyati va xalq qabulxonalari faoliyatini yanada takomillashtirish bo‘yicha ishlab chiqilgan tavsiya va takliflar asosida:
O‘zbekistonda amalga oshirilayotgan islohotlar va davlat boshqaruvdagi demokratik o‘zgarishlarning mohiyati(faoliyatga tanqidiy yondashuv, ochiqlik, inson manfaatlarining ustunligi, xalqni rozi qilish, odil sudlov)ga oid xulosalardan “O‘zbekiston 24” teleradiokanalida tahliliy materiallar, ko‘rsatuvlar tayyorlashda xususan, “Ommaviy va sayyor qabullar”dan lavhalar, “Studiya 24”, “Maxsus reportaj”, va “Xalq bilan muloqot” turkumidagi ko‘rsatuvlarni tayyorlashda foydalanildi. (O‘zbekiston Milliy teleradiokompaniyasi, “O‘zbekiston 24” teleradiokanali davlat unitar korxonasining 2019 yil 16 noyabrdagi 01-09-1228-son ma’lumotnomaci). Ilgari surilgan taklif va tavsiyalar aholining huquqiy, siyosiy savodxonligi yuksalishiga va ularni ijtimoiy jarayonlar, demokratik o‘zgarishlarning faol ishtirokchisiga aylanishiga xizmat qilgan.
xalq qabulxonalari mohiyatan davlat va halq o‘rtasida samarali muloqotni tashkil etuvchi, xalqning davlatga ishonchini mustahkamlovchi va aholining ijtimoiy faolligini oshirish orqali ularni ijtimoiy taraqqiyotning faol ishtirokchisiga aylanishini ta’minlovchi demokratik institut sifatida shakllanganligiga oid xulosalaridan, 2018 yilda chop etilgan “Milliy g‘oya: O‘zbekistonni rivojlantirish strategiyasi” nomli o‘quv qo‘llanmani tayyorlanishida foydalanildi. (O‘zbekiston Respublikasi Oliy va o‘rta maxsus ta’lim vazirligining 2019 yil 2 noyabrdagi 89-03-4242-son ma’lumotnomaci). Mazkur takliflarning amaliyotga joriy etilishi yuzasidan berilgan nazariy xulosalar, amaliy takliflar talaba-yoshlarni mamlakatimiz taraqqiyotining yangi bosqichida tashkil etilgan halq qabulxonalari, uning faoliyat yo‘nalishlari, strategik ahamiyati to‘g‘risidagi bilimlarini boyitishga xizmat qilgan.
mamlakatimizda biznes, tadbirkorlik va ishbilarmonlikning rivojlanishiga g‘ov bo‘lib kelayotgan sun’iy to‘siqlarni (hujjatbozlik, sansalorchilik, tanish bilishchilik, byurokratiya, korrupsiya) bartaraf etishda virtual va xalq qabulxonalari faoliyatining muhimligiga oid xulosalaridan O‘zbekiston liberal demokratik partiyasining Ustav va maqsadlarida e’lon qilingan ustuvor vazifalardan kelib chiqqan holda, “Kuchli davlatdan – kuchli fuqarolik jamiyati sari” tamoyilini bosqichma-bosqich amalga oshirish, fuqarolik jamiyatining turli xil institutlarini shakllantirish va taraqqiy ettirish, davlat xokimiyati va fuqarolik jamiyati o‘rtasidagi o‘zaro aloqalar tizimini mustahkamlash hamda rivojlantirishga qat’iy hakarat qilish bilan bog‘liq vazifalarni amalga oshirishda foydalanilgan. (O‘zbekiston Liberal demokratik partiyasining 2019 yil 26 dekabrdagi 01-27/1005-son ma’lumotnomaci). Bu mamlakatimizda ishbilarmonlik va tadbirkorlik yanada rivojlantirish, sog‘lom raqobat muhitini qaror toptirish va aholining barcha qatlamlarida tadbirkorlik faoliyatiga qiziqishni kuchaytirishga xizmat qilgan.
Xalq qabulxonalari xodimlarini kompetentligini aniqlashda professiogrammadan (intellektual salohiyat, yuksak ma’naviy-axloqiy fazilatlar, boshqarish san’ati, tashkilotchilik qobiliyati, kasbiy psixologiya,) foydalanish ular faoliyatini takomillashtirish omili ekanligiga oid amaliy tavsiyalardan “Menga bari bir emas!” mavzusidagi qo‘llanmani tayyorlashda va PZ-20170930369 shriftli “Globallashuv sharoitida tinchlik va barqarorlikka tahdid soluvchi g‘oyaviy, mafkuraviy va axborot hurujlariga qarshi kurashishning zamonaviy mexanizm va texnologiyalarini yaratish” grant loyihasini bajarishda keng foydalanildi.  (Respublikasi ma’naviyat va ma’rifat markazining 2019 yil 21 noyabrdagi 02/10-1553-son ma’lumotnomasi). Bu davlat idoralari va boshqaruv institutlarini o‘zaro hamkorlik aloqalarini yanada mustahkamlashga, xalq qabulxonalari va aholi munosabatlarida o‘ziga xos ma’naviy muloqot elementlarini takomillashuviga xizmat qilgan.