Kabirova Nargiza Kaxramonovnaning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar. 
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Rahnavard Zaryob hikoyalarining poetikasi (obrazlar talqini, badiiy tasvir va uslub masalalari)”, 10.00.05–Osiyo va Afrika xalqlari tili va adabiyoti (filologiya fanlari).
Dissertatsiya mavzusi ro‘yxatga olingan raqam: B2017.3-4.PhD/Fil339.
Ilmiy rahbar: Mannonov Abdurahim Mutalovich, filologiya fanlari doktori, professor.
Dissertatsiya bajarilgan muassasa nomi: Toshkent davlat sharqshunoslik universiteti.
IK faoliyat ko‘rsatayotgan muassasa (muassasalar) nomi, IK raqami: Toshkent davlat sharqshunoslik universiteti, huzuridagi ilmiy darajalar beruvchi DSc.03/30.12.2019.Fil/Tar.21.
Rasmiy opponentlar: Xallieva Gulnoz Iskandarovna, filologiya fanlari doktori, professor; Qoraboev Sardor Yuldashevich, filologiya fanlari bo‘yicha falsafa doktori (PhD). 
Etakchi tashkilot: Alisher Navoiy nomidagi Toshkent davlat O‘zbek tili va adabiyoti universiteti.
Dissertatsiya yo‘nalishi: amaliy va nazariy ahamiyatga molik.
II. Tadqiqotning maqsadi: zamonaviy Afg‘oniston dariy hikoyachiligining zabardast vakili Rahnavard Zaryobning hikoyanavislikdagi mahorati, ijodining poetik xususiyatlari, obrazlar talqini, badiiy tasvir va uslub masalalarini yoritib berishdan iborat.
III. Tadqiqotning ilmiy yangiligi:
Rahnavard Zaryob hikoyalari poetikasini tadqiq etish jarayonida Afg‘oniston dariy adabiyotida hikoya janrining shakllanishi, bunda fol`klor va jahon adabiyotining ahamiyati, hikoyalarning mavzular ko‘lami aniqlangan hamda XX asrning 20-60-yillar dariyzabon hikoyachiligining taraqqiyot bosqichlari asoslangan;
Rahnavard Zaryob hayoti va ijodini belgilab beruvchi asosiy asarlari tavsiflangan va yozuvchi asarlaridagi obrazlar talqini, badiiy tasvir va uslub masalalari yoritilgan;
syujet voqealari va kompozision qurilishni yaratish, qahramonlar obrazini shakllantirish hamda «inson va jamiyat», «inson va muhit» masalalarini yoritishda yozuvchining o‘ziga xos poetik mahorati «Mardikor», «Devor», «Qarg‘ishga uchragan shahar», «Oyoqlar» va boshqa hikoyalari misolida isbotlangan;
adib hikoyalarining mavzular ko‘lami va obrazlar talqinida dramatizmning ustuvorligi, qahramonlar xarakteri, qismati, ruhiyati tasviri dalillangan;
hayotni badiiy aks ettirishda yozuvchi ijodining uslubi, hikoyalaridagi ramziy timsollar va o‘xshatish, qiyoslash, sifatlash, jonlantirish, mubolag‘a singari badiiy tasvir vositalarining poetik xususiyati aniqlangan.
IV. Tadqiqot natijalarining joriy qilinishi.
Afg‘oniston dariy adabiyoti, xususan, Rahnavard Zaryob hikoyalarining poetikasi tadqiqi bo‘yicha olingan natijalar asosida: 
Afg‘on xalqlari fol`klorining zamonaviy adabiyotga ta’siri, afg‘on realistik hikoyachiligiga fol`klor asarlarining o‘rniga oid natijalaridan OT-F1-67 raqamli «Buyuk ipak yo‘li mintaqasi xalqlari fol`klorining tipologiyasi, milliy o‘ziga xosligi va yozma adabiyot rivojida tutgan o‘rni» mavzusidagi fundamental loyihada foydalanilgan (O‘zbekiston Respublikasi Oliy va o‘rta maxsus ta’lim vazirligining 2019 yil 5 noyabrdagi, 89-03-4278 son ma’lumotnomasi). Ilmiy natijaning amaliyotga tatbiq etilishi afg‘on og‘zaki va yozma adabiyotida epik janrlar tavsifi muammosini hal qilishga yordam bergan.
Rahnavard Zaryobning hikoyanavislikdagi badiiy mahorati, obrazlar tizimi va badiiy til uslublarini tadqiq qilishga bag‘ishlangan tahliliy fikrlari va nazariy xulosalaridan O‘zbekiston milliy teleradiokompaniyasining «O‘zbekiston» radiokanali DUK «Madaniy-ma’rifiy va boshqa eshittirishlar» muharririyati tomonidan tayyorlangan «Bedorlik», «Adabiy jarayon» nomli radio eshittirishlarini tayyorlashda foydalanilgan. (O‘zbekiston milliy teleradiokompaniyasi «O‘zbekiston» teleradiokanalining 2018 yil 12 iyundagi 04-25-929 son ma’lumotnomasi). Ilmiy natijaning qo‘llanilishi adabiyot ixlosmandlari, o‘zbek kitobxonlari va radiotinglovchilar uchun ma’lumot berishda muhim manba vazifasini bajargan.
Rahnavard Zaryob asarlari haqidagi tahliliy fikrlar va ilmiy-nazariy xulosalardan O‘zbekiston Respublikasi Vazirlar Mahkamasi huzuridagi Millatlararo munosabatlar va xorijiy mamlakatlar bilan do‘stlik aloqalari qo‘mitasi va «O‘zbekiston-Afg‘oniston» do‘stlik jamiyati bilan hamkorlikda tashkil etilgan tadbirni tayyorlashda foydalanildi. (O‘zbekiston Respublikasi Vazirlar Mahkamasi huzuridagi Millatlararo munosabatlar va xorijiy mamlakatlar bilan do‘stlik aloqalari qo‘mitasining 2018 yil 24 dekabrdagi, 03-07-2195 son ma’lumotnomasi). Olingan natijalar Rahnavard Zaryob hikoyalari poetikasining targ‘ib etilishi va Afg‘oniston adabiy-madaniy merosining boyishidagi o‘rnini yoritishga xizmat qilgan.