Koronavirus pandemiyasi tufayli joriy qilingan karantin sharoitida izlanuvchilar va mutaxassislarning sog‘lig‘ini asrash, ortiqcha harakatlarning oldini olish hamda attestatsiya jarayonini samarali amalga oshirish maqsadida ilmiy darajalar beruvchi ilmiy kengashlar tomonidan tajriba-sinov tariqasida dissertatsiyalar himoyasi onlayn shaklda tashkil etiladi.
Bunda barcha ishtirokchilar - talabgor, ilmiy rahbar, rasmiy opponent va ilmiy kengash a’zolari o‘zlari faoliyat olib borayotgan oliy ta’lim yoki ilmiy tadqiqot muassasasi (ish bajarilgan tashkilot)da turib ishtirok etadilar.
Onlayn himoyalar karantin talablari va tegishli nizom tartib-qoidalariga muvofiq ravishda o‘tkaziladi. Dissertatsiyalar muhokamasiga doir ilmiy seminarlarni ham onlayn shaklda tashkil etish mumkin bo‘ladi. Mazkur jarayonda barcha yozishmalar va hujjat almashinuvlar elektron hujjat aylanish tizimi orqali amalga oshiriladi.
Dissertatsiyalar himoyasini onlayn shaklda samarali o‘tkazish uchuntegishli shart-sharoitlarni  yaratib berishgaish bajarilgan tashkilot va ilmiy kengash faoliyat olib borayotgan muassasa mas’ul hisoblanadi.
Izlanuvchilar mazkur masalada tegishli savollar bo‘yicha OTM/ITM va dissertatsiya himoyasi ko‘zda tutilgan ilmiy darajalar beruvchi ilmiy kengashlarga murojaat qilishlari mumkin.

OAK Axborot xizmati